[秋季滋潤]圓肉杞子桃膠糖水 Autumn sweet soup (附食譜)

秋風起之後就總係覺得個人特別dry, 係時候要煲啲糖水滋潤一吓. 呢一兩年” 桃膠”呢樣食材非常流行, 桃膠有平價/素食燕窩既別名, 因為桃膠有豐富既植物性骨膠原蛋白, 所以女人食對皮膚特別好, 再加上用了圓肉杞子紅棗, 一聽就知女人飲咗特別好呢. 因此莎拉每次都會煮3-4碗既分量, 咁就可以分幾日慢慢食. 

姊妹們, 做女人的自己要對自己好一點呀. 而如果你係男人, 煲呢個糖水給老婆/女朋友, 佢地一定會覺得你好體貼!

[緣日秋祭]著住浴衣通街走@PMQ

2016/10/15 

以前細個時, 每當見到日劇或者日本卡通片內那些日本既秋祭會, 大人細路著住浴衣通街行真係好想試一試, 話個秘密俾大家知, 查實莎拉去了咁多次旅行都未去過日本架, 所以想親身感受真係有難度呢. 但係原來香港都有類似日本秋祭既活動舉行, 剛好過去既Weekend就係PMQ舉辦咗”緣日En X Nichi”既活動. 

莎拉最期待就係著浴衣呢一部份, 可惜莎拉沒有浴衣(雖然有得租但係就唔捨得租呢), 所以陶寶B就代莎拉完成喔, 終於唔使係屋企才著浴衣了. 

[市區放電] 踩單車@賈炳達道公園

2016/10/8

作為一個市區人, 每次想同小朋友踩單車都一定只會諗起大埔大美督, 因為一條直路比較適合初學人士. 但如果想係市區內安全既地方踏單車, 除咗西九龍海濱長廊之外, 市區內其實原來有唔少公園都有踩單車既設施, 今次就去了九龍城既賈炳達道公園.  公園內只有一檔鋪頭租單車, 小朋友單車時租$40/1小時, 價錢合理. 

陶寶B揀好車(又係佢至愛既綠色)就玩啦! 公園內既單車徑集合了平路及斜路兩類路徑, 而斜路都有分多種不同既斜度, 對於小朋友真係已經好好玩了. 

[小孩愛食]焗白汁芝士海鮮螺絲粉 Baked Seafood Fusilli with Cream Sauce(附食譜)

好多小朋友唔多唔少都會有少少偏食問題, 陶寶B都唔例外, 佢見到魚就會No No No, 另外紅蘿蔔都係屬於”不吃”系列之內, 所以想氹佢食就要諗吓計仔先可以呀! 莎拉就試吓將啲食物形象轉一轉就可以呃到佢, 首先將佢唔鐘意食既紅蘿蔔整成星星形(日本連鎖$12店可以買到模具), 之後將魚切成一粒粒加上好味白汁後, 陶寶B就乖乖自動自覺將所有食材全部食晒, 所以莎拉堅信, 無嘢係小朋友唔食既, 只要試吓花多小小心思, 總有一天會成功食既.  

[澳門驚喜]謝菲嗲哋3日2夜生日大快樂 (天浪淘園玩水篇)

選擇住銀河酒店都係因為個天浪淘園, 所以出發前都預計天氣唔好有機會落雨及有雷暴時, 而”天浪淘園”會係雷暴及打風時關閉, 所以都真係好擔心會影響呢個旅程. 不過好彩Check-in後放下行李, 見沒有落雨就快快手換衫去玩了. 天浪淘園就分為一期及二期(最新), 而銀河酒店就係位處於一期, 酒店搭電梯到2樓就直達天浪淘園了. 

進入天浪淘園時需要出示房卡, 而職員會拍一拍房卡去確認(因為每間客房只可容許3位成人或2位成人2位小孩進入), 所以絕對無可能偷雞! 

[澳門驚喜]謝菲嗲哋3日2夜生日大快樂 (酒店住宿篇)

2016/9/2

今年謝菲嗲哋既生日終於輪到係星期五了, 所以貪玩既莎拉媽媽又閃了去玩既念頭. 不過因為陶寶B既幼稚園已開學了, 一開學就請假實在好似有啲過意唔去, 所以最多只可以玩3日2夜喔. 想起謝菲提過好多次好想去澳門玩水, 不過C9上身既莎拉真係覺得好貴唔捨得, 所以一直都遲遲未實行, 好啦, 終於有機會有個借口了, “為老公慶祝”呢個原因仲唔係大晒?!

所以莎拉就靜靜雞Book好酒店買定船票. 而莎拉就事前一直叫謝菲請定大假, 仲同佢講當日生日去海洋公園呢, 直到出發前一晚佢先被通知去澳門過生日之餘, 佢仲估唔到係去玩3日2夜呢,我地一家3口都係”夏日玩水控”, 3日2夜就可以大玩特玩了. 中午放工後莎拉就立即飛奔去上環碼頭與陶寶B滙合出發去澳門了. 

[圈圈茶點]小冬甩蛋糕仔Mini donut cake(附食譜)

其實係V仔未在香港大行其道時, 莎拉就已經一早淘咗部類似既機番嚟, 老實講真係有8成相似, 但價錢就足足平咗一倍有多. 跟機有多個烤盤, 而其中一個就係迷你圈圈造型, 呢個盤好啱做蛋糕仔, 整起時一個個迷你圈圈好可愛, 小朋友用嚟當茶點, 一啖一個, 真係會食唔停架, 呢個食譜做嚟既蛋糕仔味道仲好似無印良品出既牛鈴蛋糕添架.

[秋意濃濃]野餐控@迪欣湖

踏入九月份之後, 一早一夜都明顯有了秋意的感覺, 又係時候可以開始野餐的季節了. 其實莎拉係一位野餐控(野餐狂熱份子), 所以嚴選衆多野餐場地, 迪欣湖始終都係莎拉首選, 因為莎拉係無車人事, 所以地鐵去到既地方就最方便. 二來迪欣湖地方又大又空曠, 唔似佐敦谷咁人貼人迫住野餐. 至於講到環境就當然係Very good啦, 大大個人工湖加上一條緩跑徑環繞住迪欣湖, 小朋友可以係緩跑徑踩單車玩scooter, 唔似得政府啲公園樣樣都唔俾玩.