出發去首爾

因為我公司搞5天旅行, 但因為目的地當時係決定去星馬, 雖然唔使錢公司請, 但因為已經去過, 所以我同老公就提議既然年尾我有幾日假期, 不如我地又嚟自由行啦!!!!

而係呢啲旅遊high peak時期, 真係去邊都貴, 而我地既熱門泰國, 因已經去過N咁多次, 所以我地要轉移目標, 向北進發!!! 本來日本係我地既首選, 但而家日元咁貴, 好唔抵呀, 所以最後揀咗首爾, 橫掂都未去過!!!

明天就同老公出發去首爾玩4日3夜自由行啦!!!! 我咩嘢功課都未做, 唯有到時先plan啦! 

係到先講定Happy new year! 2011年見啦!!!!!

番嚟再同大家Share我既婚禮及有關婚後物資既出售!!!!

迫爆聖誕House Party

Merry Christmas!!!!

平安夜呢一晚, 第一次以Mrs Tao身份, Heeheehee, 為隆重其事, 我地就係屋企host咗個christmas eve party!!! 嘩!!!!今次參加既人數破咗上次house warming pary既人數, 總共有17人同慶賀呀!!!!

而嘢食就叫咗大家樂既10人套餐+元氣5人極盛sushi+蛇王濤既蛇羮+蛇王濤既糯米飯+自家製new york cheese cake!!真係差啲唔夠位擺嘢食!!!

一開始埋位食, 差啲位都插唔到入去影相!

Merry Christmas

今年係第一次以陶太身份過聖誕, 而當然唔可以簡簡單單啦, 所以明天就會係屋企host個chrstimas eve party!!!! 而多事既我就搵啲嘢整吓啦!!!!之前係宜家家俬見到有一盒DIY薑餅屋, 咁我同老公就一整齊咗呢間薑餅屋俾party用!

預祝大家聖誕快樂!!!!! 過一個開心sweet sweet既聖誕!

姊妹送給我的DIY

大家估吓呢個咁靚既紫色東西係咩嘢啦,,,,(估中無獎)

開估啦!!!!呢個就係我其中一個姊妹Cally 100%DIY整給我的gift box, 專係用嚟放人情或心意card!

早上出門-溫馨一刻

多謝化妝既阿石幫我係旁邊影咗啲相, 之後仲send番俾我, 等我可以咁快睇番當日既情況, 真係唔該晒呀!!!!

當日陽光燦爛, 窗外既陽光照係我既身上, 有一種新的開始既Feel.

婚禮中的遺憾

點解要咁快出呢一篇"婚禮中的遺憾"呢???因為我希望我打完呢一篇綱誌後, 我能夠悉懷自己既唔舒服感覺.

其實大部份既安排都好完美, 唯獨是係婚宴影相個part. 因為原來晚宴時, 自己一家人齊整既合照係一張都沒有!!!!!!!!!自己family只有早上出門及下午註冊時有合照!!!! 而另外, 我與兩個舅父及其家人晚上是同樣沒有合照, 只得早上有!!!! 真係萬分的唔好意思!!!!

哎哎哎~~~~~!!!!其實如果我晚上有一張好似早上既合照list就唔會出現上述情況!!! 是否自己安排得唔夠好呢???

雖然我可以同自己講早上有影到合照啦, 唔緊要啦, 唔需要咁介意. 但係始終自己都係唔安樂呢!!!!! 因為我見到媽咪好似好介意!!!!!

但係無論點都好, 婚宴已經過去, 希望自己能盡快忘記上述既遺憾!!!

 

我們的成長片段

呢個成長片段係我地影pre-wedding既攝影公司Luva Production送給我們的. 特別係佢有部份相係用3D效果整出嚟. 所以揀相出嚟做成長片段時, 我地都盡量揀啲人物與背景有對比既相. 而出嚟既效果好正, 比起平時見開既成長片段zoom in or fade out 唔同.

我最鍾意係我主座係電單車個出, 好得意呢. 連muse team內其中一個photographer都話佢我地個成長片段整得幾好, 因為呢一類型3D Video係要嘥好多時間去整架!!!! 多謝Luva Production既Andrew!!!

我已經係陶太啦

登登登登!!!! 我已經係陶太啦!!!好開心呀!!而家我同老公仲回味緊昨天婚禮既一切!!!

多謝所有家人, 朋友及blog友既祝福!!! 好開心可以同大家一起分享及見證我人生重要既一頁!!!

雖然婚禮當日有啲凍(12-18度)及好大風, Outdoor行禮下真係好凍, 哈哈哈, 但我諗真係意智戰勝一切, 一啲都唔凍!!!!

M&M小禮物大功告成

千呼萬喚既m&m小禮物終於大功告成!!!

經由我既靚靚伴娘Wendy由new york空運到港, 分別係一包5lbs及4包7oz.

仲有4日

仲有4日咋, 而我已經開始放婚假. 雖然係放假, 但係唔知點解都係好早起身!!!唔知係咪開始緊張呢???

而我已經開始pack嘢, 所以屋企變成一個雜物灘咁, 一屋都係嘢, 亂成一團!!!

姊妹裙final fit

我既姊妹團終於都齊人啦!!!! 其中兩位姊妹分別係11月尾係加拿大及美國返到嚟hk!!! 第一件事要做既就係集合去fitting!!!

好難得先可以有合照, 就算唔齊人都影住先啦!!!

註冊場地DIY攪掂

終於攪掂註冊場地既DIY布置啦!!!!!

除咗Reception張檯之外, 我都諗住係進場兩排椅度做布置. 為咗方便啲兄弟姊妹到時做布置, 所以我都盡量簡單啲. 所以我就決定係椅旁掛上花球!!!

花球篇-秋子花藝

無錯, 我之前係好恨想要個Agnes b既花球, 但係當越洗越多$$$時, 就需要有取捨啦!!!! 所以我決定向Agnes B花球say good bye!!!!

見到唔少forum及JM既Blog見到有關花球, 好多人對秋子花藝都有正面評價, 所以我都無周圍格價啦, 就咁就join咗個$998package.

秋子花藝既湯生, 每次上去佢都好忙, 雖然佢唔可以住底同你慢慢傾, 但佢都會俾啲意見我.

呢個就係我request既花球款啦, 希望到時出嚟都係咁靚啦!!!!

婚紗鞋到手啦!!!!

係Ming House到訂既婚紗鞋到手啦!!!!起貨日期比預期快!

我訂既係3"高, 一著上去, 真係好靚, 但因為好耐都無試過著咁高既鞋, 所以好唔習慣. 唔通我要係屋企著多幾次practice吓???

突然多咗既晚裝及禮服

如果有睇開我個blog既JM都知我點解會無啦啦多咗套晚裝及禮服!!! 今次既mission係在Wedding whisper搵一件晚裝及一套禮服. 因為我依然堅持唔著蛋糕裙, 所以我既選擇已經減咗一半, 而我又要避免揀銀色, 紅色及金黃色, 所以選擇真係少之又少. 而幾經辛苦先揀到幾條出嚟試.

A) 呢條就咁放係衣架睇時就OK, 但一著上身就唔得, 因為前面個兩塊布唔知想點, 麻麻地, OUT!!!

拍拖週年記念日日誌

星期六係我同謝菲拍拖12週年記念日,  呢一排搞婚禮既嘢, 都搞到好忙, 所以都無話要特別搞啲咩surprise, 加上謝菲上午要返工! 但係謝菲一早plan咗等佢放工後就一齊去IFC既Red Bar+Restaurant到high tea!!! IFC已經有Christmas既decoration, 當然要自拍吓作為今日既留念啦!

HeeHee, 佢鐘意食咸, 我鐘意食甜, 咁樣食afternoon tea set就最啱!!!!呢個tea set都好豐富, 第一層咸既係sandwich及toast, 第二層係dessert甜品, 第三層係scone. 2個人食完之後都好飽, 去到夜晚7點都未覺肚餓!!!

給謝菲的一封信

Dearest B,

今日係我同你既拍拖週年記念日, 今年已經係第12個年頭啦!!! 仲有2個星期, 我就會成為你既太太!!!!回想起同你既開始, 真係講都唔信自己會咁大膽, 當年都唔知邊到嚟有咁既膽量!

第一次見既地方係Windsor 既Harvey's Burger, 你仲記得我著咩衫呀?!! 滑蛋牛肉飯, 酸辣湯,唯一餐館, burger king 既綠色玩具, waterboy, Macdonald, 河邊食vegetarian既pizza pizza,,,,呢一堆既keyword就係第一日見到你時既種種回憶.

有時回想起, 有一段時間我係ottawa, 你係windsor, 有一次我係電話同你鬧交, 吵到好大鑊, 你就漏夜座greyhound由windsor去ottawa搵我補鑊, 我仲記得你係巴士站, 一張好疲倦既樣子攞住束花, 你當然疲倦啦, 座車加埋轉車等車都成10hr, 但係見到你咁疲倦既樣子, 就咩都唔嬲啦, 我諗我就係咁俾你縱到變成野蠻女友!!!!

好記得有一次係Waterloo, 個時仲住係Lester, 我同你去篤完波後, 好唔舒服有啲發燒, 返到屋企後, 你叫我睡一陣, 當我醒咗時, 完來你已經整咗嘢食俾我, 正常病人應該係食粥架嗎, 但係係居然整咗個咖哩比我食, 哈哈哈, 我都係第一次見發燒既病人食咖哩, 但係個咖哩既味道係好好食, 唔知點解食既時候好感動, 呢個係我永遠都記得既咖哩!!

我相信我能同你係埋一齊咁耐, 唔多唔少都係因為我係waterloo, 你係toronto, 每個星期只能係weekend先可以見到你, 雖然每個星期只得2日, 同埋每次都可能無咩節目, 但係每次都好期望星期五可以快啲到, 因為可以見到你呀, 所以每次見到你都好珍惜啲時間. 

係加拿大兩個相距4小時車程既城市, 都能夠識到你, 成為你既另一半, 真係好奇妙!!! 快將成為陶太啦, 感覺好幸福及快樂!!!! 我希望我同你可以永遠一齊渡過一年又一年既週年記念!!!! Love you

XOXO,

b

Semi-DIY Welcome Board

起初以為好勁, 以為一張16"x20"既welcome board唔難, 起稿後咪print囉, 點知又要搵啲靚graphic圖案, 又要出去搵公司印, 都係算吧啦!!!!!所以最後我都係搵番*可可*夢工場幫我design同印, 乾手淨腳!!!

咁咩叫做Semi-DIY呢???事原就係之前去個一次婚展會買餅卡, 因為消費滿一個價錢就可以抽獎, 點知我就抽到個16"X20"既油畫框, 真係把鬼!!!!!之後因為要整Welcome board, 於是靈機一觸就不如用番個無謂油畫框用啦!!

驚喜既barchelorettee party

今晚星期日, 謝菲神神秘秘咁話去荃灣, 去到荃灣後居然見到姊姊團既成員, 我都打咗個突, 之後謝菲就將我交俾姊姊團既兩位成員!!!! 很定有古怪!!!!! 一路行一路行, 心諗可能係姊妹團俾我既surprise dinner, 一路行去到荃灣城市廣場, um,,,,我諗唔通去唱K?!!!!

點知佢帶我去到商業大廈, um,,,唔對路啦, 我開始估唔到啦!!!! 一開升降機門, 見到其中一個招牌係Dance studio, 我諗可能個surprise係同呢樣嘢有關!

恨咗好耐既結婚蛋糕

由一開始籌備婚禮, 就一直都好想切一個真既結婚蛋糕, 唔係酒店或酒樓送個啲好似生日蛋糕fresh cream cake個種, 咁於是就好早已經開始做research格價. 而本身其實我係想係帝京酒店證婚時切結婚蛋糕, 係戶外個feel正啲呀嗎, 但係向酒店細問之下, 如果帶cake入去serve, 酒店係每磅同我計service charge, 另外如果我serve我蛋糕, 無理由唔serve嘢飲架嗎, 計下計下都唔平, 加上個幾間大熱wedding cake store(Cake2), 如果要個2層結婚蛋糕, 起碼都要$2XXX!!! 加埋酒店Service charge及beverage, 真係out budget啦, 所以中途放棄咗啦!!

當婚禮既日子越嚟越近, 我想擁有一個wedding cake既諗頭又再浮現. 好, 既然證婚帝京酒店收我service charge, 咁我不如試吓夜晚擺酒既海景嘉褔酒店啦, 因為好初期問過可唔可以帶outside food, 當時負責我地banquet既sales係話not allow, 但因為而家follow 我地既sales轉咗人, 所以我就博一博, 可能呢個sales可以waive呢?!!!

哈哈哈, 一問就bingo, 佢可以waive我地帶入去outside food, YES!!!! 所以我又可以有機會擁有我既wedding cake!!!!

因為之前search過wedding cake既價錢起碼要$2XXX, 於是我就轉移向cupcake tower埋手, heehee, 最後俾我搵到過freelance既女仔整4層既cupcake tower(包括45個Cupcake, 一個6"蛋糕), 價錢平過之前既wedding cake好多, 加上到時切完個cupcake tower, 咁就可以係6:30pm時一個個咁serve俾啲guest, 萬一到時食唔晒, 因為佢offer埋啲包裝俾我, 咁到時可能pack番走!!

到時個cupcake tower就會係類似咁, 當然個cupcake面到時會唔同啦!!!!! 而經我試食後, cupcake唔係太甜, 味道ok, 我就order咗chocolate marble味, 正呀!!!

 

神秘既閃閃賀禮

前兩日收到一份閃閃賀禮, 神秘既Miss P 因為未能參加我既婚禮, 所以就送咗份女仔都好鐘意既鑽石鍊咀, 真係估唔到會送如此厚禮!! 我真係好鐘意呀, 所以已經忍唔住當日已戴咗上身, 哈哈哈!!!

多謝Miss P!!!

又敗家係婚紗鞋

我諗我買婚紗鞋都算買得遲啦, 仲有唔夠一個月先走去買, 因為我好老定咁諗住去金都買現成呀嗎, 但係最後我決定只需要一對高跟鞋, 而因要差唔多全日都著住佢, 所以一定要好舒服先得. 所以就生起敗家既念頭------->訂造!!!

我知有好多JM係DYOS訂造, 靚就好靚, 但覺得好似貴咗啲, 所以就轉戰百利.

而百利訂造高跟鞋既鋪頭有好多, 比較出名既係Ming House, 我都費是就圍格價啦, 價錢都ok, 就呢間啦!!!我都係第一次訂造高跟鞋, 哈哈哈, 我真係超級大鄉埋, 原來訂造高跟鞋係會成隻腳板形晝底, 又會量度腳板板圍. 我就訂咗對3吋既高跟鞋! 應該唔會同謝菲平頭掛??!!

呢個就係我訂既款式, 到時個蝴蝶結上會再加閃石, 呢個款式係大熱, 我相信好多bride-to-be都係類似款式.

鬼馬又獨特既結婚禮物

多謝鬼鬼馬馬既兄弟阿倫, 哈哈哈, 前兩日好神秘咁問謝菲攞我地張連環謝菲挨打相既原檔, 究竟係咩surprise呢???!!!

今日謝菲同佢食完飯後, 返到嚟就係個袋到拎咗隻DIY customize既水杯, heehee, 原來佢用咗公司部機印咗我地張連環謝菲挨打相上去!!!! 好得意呀!!!

用住呢隻杯, 可以時常提醒謝菲要聽聽話話, 如果唔係個後果就好似隻杯上既挨打圖咁!!!

特別的結婚禮物

事源因媽咪係加拿大有兩個跳舞既外國朋友嚟香港玩2個星期, 所以我就借出我間屋俾佢地住, 而我就搬番舊屋到住. 佢地送咗份結婚禮物比我同謝菲, 嘩, 一睇過盒就知係中式禮物.

DIY手花教室101 (用珠仔手鍊)

之前有JM問點樣可以將條珠仔手鍊黏實個手花, 其實我係主要用熱熔槍, 我試過唔用熱熔槍但hold得唔實同好唔穩固, 同埋我同咗2條珠仔手鍊, 因為個手花唔輕, 同1條就好似單薄咗啲, 2條珠仔手鍊就穩固啲, 靚啲, 同埋in case touch wood, 就算有一條斷咗都仲有另外一條頂住.

希望呢篇DIY手花教室幫到大家!!!

材料: 絲花, 珠仔, 彈性透明魚絲, 花材鐵線(#28號), 花貼, 熱熔槍

Step1) 呢個步驟同整襟花我頭3個step一樣 (可阡參考: DIY襟花教室101), 將絲花駁位接上花材鐵線, 然後用熱熔槍黏實, 之後用花貼包住接駁位.

工廠女工之請帖篇

好啦, 所有請帖內既嘢都已經準備好晒, 係時候整請帖啦!!!! 女家既請帖內有4樣嘢, 包括餅卡或雪糕禮券, 觀禮邀請卡, 酒店地址卡片及回禮利是.

起初我就咁樣將呢4樣嘢放入我請帖內, 但發現當係打開張帖時, 內面所有嘢就散修修咁倒晒出嚟, 好肉酸. 所以就決定搵條金色彈性繩綁埋一齊, 咁樣就整齊好多, 於是我就化身為工廠女工, 慢慢綁起請帖內既涵啦!! 我都從來未試過綁咁多蝴蝶結!!!

成為精選blog

嘩嘩嘩!!!!前兩日收到Yahoo寄來既email通知, 我個blog已成為呢個week既情感關係專題精選Blog~~~我就好低能咁話俾謝菲知!!!!懶叻!!!懶巴閉!!!

唔知點解, 呢兩日所有垃圾留言全部auto自動delete晒,,,咁神奇既????!!!