2015/02/18

洋洋得意迎羊年

2015/2/18
收爐啦!!!收爐啦!!!仲有唔夠12小時就到羊年啦! 陶寶B係度祝各位Blogger姨姨叔叔心想事成, 龍馬精神, 大吉大利, 洋洋得意喔!
而莎拉就祝各位小朋友們身體健康, 學業進步, 開心快樂, 每天都嘻嘻哈哈!!!!


2015/02/12

摘士多啤梨之初體驗

2015/1/11 
踏入1月份就係士多啤莉開季既時候啦, 上年一直沒有關會帶陶寶B去摘士多啤梨, 所以今年一開季莎拉就嘈住要去了. 參考了各blogger既意見後, 今次就揀了去"錦田鄉村俱樂部", 因為貪佢除咗有士多啤梨摘之外仲有其他嘢玩. 星期日去到錦田鄉村俱樂部差不多11am, 見到一架架既旅遊大巴士落人, 睇嚟呢度都好多本地團及學校親子旅行團嚟呢度玩. 不過好彩呢個錦田鄉村俱樂部都好大, 只係BBQ及食檔位人山人海, 其他位置都還可接受. 

2015/02/09

2歲半(30個月)的發展回顧

甩了很多個月既陶寶B發展回顧點都要寫吓, 因為怕自己再唔寫就會忘記了呀. 
身高及體重
小朋友真係大得好快呀, 而家陶寶B已經大約35磅, 而高度就93cm, 30個月返健康院跟進時, 生長線已經爬升到50%以上了. 回想出世時, 生長線只有20%, 到而家已經追到50%以上, 真係叻叻豬呀!!!! 所以就算BB出世時比較輕都不要太擔心, 因為日後仲有時間可以俾小朋友追番架. 而家出街時, 陶寶B都會扭抱, 不過因為佢都大過啦, 唔可以成日話抱就要抱, 但如果有時行得太耐, 都會抱一陣, 不過抱抱呢個任務就交俾謝菲嗲嗲啦, 因為莎拉自問開始抱唔掂啦, 都係唔好勉強. 

2015/02/05

開心ing@嘉年華

 2015/2/1
上年聽到闊別香港多年既AIA嘉年華會再係香港舉行真係開心到飛起, 因為上次嘉年華已經係起碼5年前既事了! 其實有啲人話"唓,,,其實嘉年華有咩特別姐, 機動遊戲又唔夠主題公園既咁好玩, 要玩不如去迪迪尼或海浪公園咪仲好", 嘉年華又點同主題公園呢, 一來嘉年華既氣氛比起主題公園好好多, 二來係中環高樓大廈包圍下玩機動遊戲不知幾特別, 三來唔知點解置身係嘉年華好有荔園Feel (opps,,,一提荔園就曝露自己係老餅了,,,), 加上呢個嘉年華係期間限定, 今次舉辦之後都唔知下次係幾時啦, 所以點都要同陶寶B玩番一次.
之前都已經做定功課睇過不少Blogger既comment, 叫呢個AIA嘉年華做"燒錢嘉年華", 所以都已經俾晒心理準備給謝菲等佢知玩咩都貴架啦, haha!!! 一早食過早餐就向AIA嘉年華出發啦!!!