Sarah Cake's Blog: April 2011

2011/04/30

Wedding vendor review - Wendy's Bridal Salon(裙掛)

係時候輪到開始寫商戶評分啦!
**************************************************
商戶: Wendy's Bridal Salon
評分: 5分 (最高5x)
**************************************************

雖然起初有諗過Cocoon既潮掛, 但係唔想一再out budge啦, 所以就係Wendy度租開衫, 見佢有裙掛就look一look啦, 當時有試傳統既裙掛款式, 但係都好似唔係我想要既(已經年齡唔細啦, 著起顯得更加老成

). 最後揀呢款另類新潮掛,傳統得嚟又有啲特別 , 當日試既時候已經好鍾意架啦!

看全文>

2011/04/25

Yahoo搞咩嘢,,,,,,怒呀!!!!

呢兩日不斷見到有唔少Blogger投訴啲婚後物資post俾yahoo delete晒,,,,,

我自己個5篇婚後物資既post都走唔甩俾Yahoo剷走咗,,,,,有無搞錯呀,,,,,離晒鋪,,,,,Yahoo真係好鬼麻煩, 好彩我自己啲婚後物資賣得7788, 如果唔係咪又要從新整過....

一個字形容,,,,怒呀!!!!Yahoo係咪想俾我地班Blog友聯合抵制呀,,,,,

2011/04/24

燒烤後要涼一涼-糖百府

復活節假期

, 最好當時係約吓朋友仔聚吓啦. 星期六就揀咗BBQ呢個活動, 成班friend去咗西貢既燒烤大王度BBQ, 長途馬拉松既BBQ後, 食完啲咁熱氣既嘢食加上對住個炭爐幾個鐘, 個人好想食啲涼涼地既嘢Cool一Cool佢!!!

搭小巴出番旺角落車附近就有間糖百府, 好耐無食個佢既棉花冰啦, 就沖入去食甜品降一降火啦,,,

我就點咗個綠茶紅豆冰涼粉,,,,好好味呀, 最鐘意佢啲綠茶味既涼粉,,,,,呢個係我既至愛, 食完之後立即成個人涼晒,,,,,Cool!!!!

看全文>

2011/04/20

Wedding vendor review - Ming House (婚紗鞋)

係時候輪到開始寫商戶評分啦!
**************************************************
商戶: Ming House
評分: 4分 (最高5x)
**************************************************

婚紗鞋之前一直大安旨意, 諗住到最後果個月先至去整, 點知我就差d甩轆啦. 因為一直對婚紗鞋既要求及idea都沒有, 只係希望著得舒服. 所以走去金都行一轉望吓個款, 唔知點解, 望來望去都睇唔啱, 加上諗起之前做姊妹時曾經係金都買過一對高跟鞋, 都未著夠一日個鞋跟差啲爛

, 所以都係唔好係金都買啦.

最後就決定訂做, 大熱既DYOS對我嚟講太貴啦

, 加上他們訂做需時呢.

而另一大熱就係百利既Ming House, 由落單訂做到有貨, 大約係2個星期, 而佢既手工都唔錯, 我結婚個日著住佢差唔多全日, 隻腳都無唔舒服, 感覺OK

, 起碼沒有"夾腳"或"刮腳".

呢對就係我既婚紗鞋啦

當日結婚, 佢就係我既百搭靚鞋.

除咗我自己訂做之外, 後來我媽咪及另外2個姊妹都各人訂做咗一對呢.

呢對就係媽咪訂做既款式.

而因為姊妹們決定啲鞋要紫色, 而係出便啲鞋鋪好難搵, 所以最後係好趕急既情況下就做鞋. 但我其中一個姊妹既鞋, 有一邊腳有啲唔啱SIZE, 但因為已經沒有時間作修改啦!

所以如果各位B2B去訂鞋, 記住早少少去做, 唔好太遅, 起碼到時有咩甩漏都可以修改呀!!!

網址:

Not Available

病到"溫溫燉燉"

好耐都未試過連續斷斷續續發燒咗3日, 加上又肚痛,, 真係慘絕人寰,,,,瞓到個人"溫溫燉燉"都仲未好番,,,,,

今日去睇醫生後終於好啲啦,,,,,今日星期五啦, 要快啲好番呀, 我唔要weekend屈係屋企呀,,,,!!!!

2011/04/12

Wedding vendor review - Wendy's Bridal Salon(姊妹裙)

係時候輪到開始寫商戶評分啦!
**************************************************
商戶: Wendy's Bridal Salon
評分: 4.5分 (最高5x)
**************************************************

因為係Wendy's Bridal Salon度租衫, 所以廢事煩既我, 就係Wendy個度買埋姊妹裙啦, 我都知佢未必係好平($359/條), 但係起碼我知佢會跟得足(起碼沒有訂做錯款

), 萬一fitting時有些許唔啱, 都可以立即作修改. 而因我有部份姊妹在婚禮前幾日才fitting, 所以Wendy都一一幫她們即場作修改.

看全文>

2011/04/11

Wedding vendor review - 可可夢工場(婚禮平面設計)

係時候輪到開始寫商戶評分啦!
**************************************************
商戶: *可可*夢工場
評分: 4分 (最高5x)
**************************************************

多得Ms Chik Chik既介紹, 我就係網上搵咗*可可*夢工場整咗幾樣items, 包括:

1) 信用咭款式既愛的宣言

2) Welcom board

3) 觀禮邀請卡及結婚通知卡

一直都係用e-mail與可可溝通, 過程都好順利, 而佢起貨時間都好快, 因當中有啲觀禮邀請卡及結婚通知卡係urgent, 而可可都可以設計完+印埋都係幾日內攪掂.

而當日, 印出來既觀禮邀請卡的第一板有少少歪位, 佢都幫我追番印刷公司個一邊, 重新印過, 可可夢工場既服務態度真係唔錯.