親子Hea遊芭提雅+曼谷6日5夜- Day 5(上)

Day 5 行程: 酒店Check-out-> 曼谷酒店check-in -> Terminal 21 -> Asiatique -> White flower factory

今日就要離開芭提雅出返去曼谷, 約了司機11am, 所以食完個早餐後仲有時間游個靚水先check out. Mercure酒店除了地面那一層有個小型水上樂園之外, 其實係5樓都有個Infinity pool.

雖然個infinity pool既景不是海景, 但係靜靜地係度游吓水都唔錯架. 游完水沖好晒涼時間剛剛好, check out後就同芭提雅say good bye啦. 

親子Hea遊芭提雅+曼谷6日5夜- Day 4(下) [懸崖餐廳]

Day 4 行程: Sanctuary of truth-> Tea Tree Spa -> 懸崖餐廳 Rimpa Lapin

最後一晚係芭提雅, 所以就特別安排了一間環境絕靚既餐廳食晚飯, 海邊睇日落既餐廳選擇有好多, 但係座係懸崖邊睇日落就比較少有, 所以今次就選了呢間懸崖餐廳 (Rimpa Lapin 既Facebook page). 因為餐廳位置都好遠, 所以一定要包車來回先得, 當日莎拉就包了架taxi來回(司機係餐廳外等我地食完再車返去芭提雅), 經講價後900Baht成交. 起初都覺得車資都幾貴吓, 會唔會唔值得呢? 但最後莎拉覺得係值得既. 

雖然係google map睇由酒店到懸崖餐廳車程係大約30分鍾, 但係未計放工時份會出現塞車呢, 所以時間最好約鬆少少. 另外book位前, 最好check吓日落會大約幾點, 咁就可以較好時間呢. 

我地5pm由酒店出發, 最後塞吓車5:45pm先到達餐廳. 係餐廳門口一步一步行入去, 跟住慢慢就見到眼前既景色, 就算係坐咁耐車嚟食呢餐飯都值得既, 因為真係好靚, 立時想唱翻首張學友既"夕陽醉了". 

雖然而家先6pm都未到, 但係餐廳內已坐了5成, 每一檯既客人都不約而同拎起手上既相機捕捉眼前既景色.  

剪頭髮

陶寶B平時既頭髮大部份都係出自莎拉之手, 不過剪嚟剪去都係差唔多, 同埋好難偷薄後面啲頭髮, 加上夏天將到, 都係時候帶陶寶B出去搵人剪了. 

今次係第三次出去Salon剪頭髮, 還記得第1次去時差不多3歲, 當時又呃又氹, 一路剪一路想喊咁, 仲要坐係我大脾上剪頭髮, 搞到我一身都係頭髮碎. 

到第2次差不多3歲半時, 剪頭髮時都係依然要坐係我大脾上, 不過今次就無喊, 仲可以俾髮型師哥哥剪完個髮型. 

好啦, 到咗今次第3次了, magic moment真的來了, 今次不用氹不會喊, 自己主動坐係張櫈度之餘, 仲全程坐得好定, 真係大不同了, 唔知係咪因為學校近日教既一首兒歌有關呢?! 

“新髮型, 多漂亮, 頭髮長了要整理….”, 

識唱既朋友仔一齊唱啦. 

陶寶b與莎拉媽

親子Hea遊芭提雅+曼谷6日5夜- Day 4(上)

Day 5 行程: Sanctuary of truth-> Tea Tree Spa -> 懸崖餐廳 
其實芭提雅既觀光景點唔係好多, 所以係景點選擇上都唔會好難. 係芭提雅有泰國特色既景點就一定會係Sanctuary of truth (又名木雕之城或真理寺), 係酒店包爽條去大概係180baht, 車程約10分鐘, 其實都好近芭提雅市中心. 

木雕之城係一座廟宇全部用木而建成, 而到今日都仲未完成, 因為廟宇係由一位商人出資既, 所以呢個木雕之城都係私人管理既, 因此票價都唔平, 園內有唔同既活動可以參與, 所以價錢都有唔同, 最後莎拉選擇了園內參觀加埋騎大象(好似係600baht). 因為會進入廟宇, 因此不可穿短褲及背心, 所以莎拉都一早準備了. 

Happy mother’s day 2016

沒有特別慶祝, 只有陶寶B好Sweet咁送上一吻, 而又影到呢張相, 莎拉已經好開心了. 

莎拉知道陶寶B能夠如此天真的去錫既年數唔會太多, 當佢日漸長大就唔會再咁做, 所以莎拉要好好珍惜呢個moment.

親子Hea遊芭提雅+曼谷6日5夜 - Day 3 (下)

一見到藍綠色既海上, 心情就自然會放鬆,  加上有陶寶B陪莎拉玩, 見到佢好傻瓜咁去衝浪, 真係好開心,  如果有成個星期咁對住個海嚟Hea就真係wonderful.

玩咗陣都肚餓了吧, 簡簡單單叫咗啲水果及一啲Finger food一齊醫吓肚. 雖然啲食物未必係好好味, 但係對住個無敵大風嚟食就真係好嘆呢. 

親子Hea遊芭提雅+曼谷6日5夜 - Day 3 (上) [格蘭島, Samea beach]

從前兩口子去旅行, 一去到陽光與海灘既地方就一定會安排join local tour出外島玩, 但今次有老有幼, local tour包既活動例如snookling, 降落傘就一定唔啱, 所以今次係芭提雅出外島就決定自己去. 

芭提雅出外島一定首選Koh Larn Island(格蘭島) , 而島上主要有4個沙灘, 出發前上網Search 過, 旅行團集中去Tawaen Beach, 而比較少旅行團及中國人去既就有Samae Beach及Tien Beach. 

由酒店行出去beach road找爽條包車出碼頭 (Bali Hai Pier, 位置係walking street內), 莎拉講價後120baht車到我地出碼頭(如果唔包車, 就可以搭爽條(每位10baht)係walking street街口落車, 之後就沿路一直行, 見到有一座綠色頂既建築物就係售賣船票既地方了(Sorry, 當日時間緊迫, 所以沒有影到售票既地方, 下面張相身後遠處既綠色建築物就係啦).