一見到藍綠色既海上, 心情就自然會放鬆, 加上有陶寶B陪莎拉玩, 見到佢好傻瓜咁去衝浪, 真係好開心, 如果有成個星期咁對住個海嚟Hea就真係wonderful.
玩咗陣都肚餓了吧, 簡簡單單叫咗啲水果及一啲Finger food一齊醫吓肚. 雖然啲食物未必係好好味, 但係對住個無敵大風嚟食就真係好嘆呢.
食飽飽之後, 陶寶B就繼續再玩大戰Samae beach.
之下上網做research時都知道其實可以由Samae beach行去Tien beach, 不過我地有小朋友同行, 所以就無去explorer. 唔覺唔覺就玩到3pm, 係時候返去Pattaya啦,
(記得keep好回程啲船票呢), 今次我地早所以就有上層坐呀, 吹吓吹吓海風真係好容易瞓著呢.
到達碼頭後就見到地吓有一排既鍾係度, 原來係今朝出發時啲工作人員同遊客影既相之後就整咗個鍾, 真係識做生意呢.
既然今日個身都濕了, 不如返酒店繼續玩水啦, Yeah!!! Mercure 呢間酒店雖然細細地, 但係都有兩條滑水梯, 一條啱小朋友玩, 另一條就啱大朋友玩,
真係你又開心我又開心呀.
除了滑水梯之外, 仲有各種水桶及噴水設施, 所以小朋友一定可以玩過痛快呢.
曬到熱熱地最爽就係飲返杯冰凍既飲品, 咁樣先叫渡假!!!!
玩到唔唔肯走既陶寶B, 最後要答應佢明天再俾佢玩先肯走呢. 沖個涼後又再出去行吓街, 因為今日都係音樂節既關係, Beach road一樣都係封咗, 所以今日就唯有包爽條出Royal plaza mall順便去”香港炳嫂”唱錢. 去芭提雅玩既香港人, 好多時都會搵“香港炳嫂”, 因為佢唱錢既rate唔錯, 二來可以安排各類門票及包車, 不過莎拉至like就係去佢度買手信,
因為可以試食後先決定買咩, 二來佢既價錢都好實惠, 所以莎拉係度買咗好多食既手信返去俾公司既同事.
因為今日target係要買手信, 所以就簡單啲係Central festival既food court食dinner之後可以順便買手信. 嚟到泰國又點可以唔食車仔檔pancake呢, 就算飽都要食呀. 檔主熟練既技巧, 三兩吓煎一煎就有好味既香蕉pancake食, 完美既一天就由此作完給喔.
No comments:
Post a Comment