從前兩口子去旅行, 一去到陽光與海灘既地方就一定會安排join local tour出外島玩, 但今次有老有幼, local tour包既活動例如snookling, 降落傘就一定唔啱, 所以今次係芭提雅出外島就決定自己去.
芭提雅出外島一定首選Koh Larn Island(格蘭島) ,
而島上主要有4個沙灘, 出發前上網Search 過, 旅行團集中去Tawaen Beach, 而比較少旅行團及中國人去既就有Samae Beach及Tien Beach.
由酒店行出去beach road找爽條包車出碼頭 (Bali Hai
Pier, 位置係walking street內), 莎拉講價後120baht車到我地出碼頭(如果唔包車, 就可以搭爽條(每位10baht)係walking street街口落車, 之後就沿路一直行, 見到有一座綠色頂既建築物就係售賣船票既地方了(Sorry, 當日時間緊迫, 所以沒有影到售票既地方, 下面張相身後遠處既綠色建築物就係啦).
係呢度有不同私人船公司出售去不同沙灘既船票(大船來回150baht), 當日所見既去Samae beach及tien beach都有, 不過因為唔想等咁耐, 想早少少出發, 所以就揀咗最快出發既Samea beah了. 買了來回船票後就記緊要留意回程既時間表, 因為大多數都係得3班船回來, 如果錯過了到時就要係沙灘改搭tuk tuk出返Tawaen Beach或Naban Port了.
買好船票就出發啦, 沿著出面長長既橋一路行到未就係落船既地方. 行到橋中間就機本上人人都會停落嚟影一影身後Pattaya呢個大字既.
泊岸既碼頭有好幾個, 行到咁上下就會有人指示你去邊架船架啦, 因為佢地會見到你身上既貼子而分別出嚟. 落船前每人都會派一件救生衣, 之後就自己搵位座了. 我們嚟得遲, 所以上層既位已經沒有, 咁就唯有坐下層了, 不過坐下層真係有啲焗呢.
呢程船足足座了大既45分鐘, 陶寶B搖吓搖吓途中都瞓咗嚟個快速叉電呢. 因為Samae Beach係無碼頭既, 所以就有一條浮橋由沙灘一直由伸延出去海中心, 而船就會泊去浮橋落客.
其實今日真係好大浪, 架船足足用咗15分鐘先泊到埋去浮橋, 而當我地係浮橋上面行時都好唔穩定, 真係少啲平衡都唔得呢. 莎拉就捉實陶寶B行, 而佢就一路行就一路笑, 因為佢覺得浮吓浮吓好得意呢.
係沙灘就當然要揀行First row seat對住個海啦, 連氣租咗3張沙灘椅就開始同陽光玩遊戲啦. 天藍色既海水加埋個猛烈既太陽真係wonderful.
雖然呢個沙灘沒有魚仔, 但係玩沖浪就一流喔. 現場所見主要都係外國遊客居多, 所以沒有嘈雜既人聲, 聽到既只係浪聲.
我地一家三口就熱愛曬太陽, 而婆婆就係沙灘吹住海風享受吓按摩, 都不知幾爽呀.
No comments:
Post a Comment