嗲哋生日飯@Jamie’s Italian

2015/9/2

好似好耐都無寫過餐廳介紹了, 的而且確有了小朋友後, 出街食飯既次數係比以前兩公婆既日子少了的, 無他既因為小朋友出外食飯時既耐性係有限, 所以如果朋友家人既大聚會, 大多都會選擇在家中食飯, 因為會食得比較自在. 不過老公生日就一定要慶祝一下啦, 莎拉一早已經鎖定目標要去Jamie’s Italian食架啦(生日個位都無得揀^o^), 由銅鑼灣開業既第一間都一直未有機會試, 所以當尖沙咀分店開張加上可以online booking就更加方便了.

莎拉book了8pm, 去到就已經立即有位了, 仲要係卡位添, 對於有小朋友既顧客嚟講, 座卡位既安排真係合晒心意喔. 

座低後, serve我們呢一檯客人既侍應就首先自我介紹, Jamie’s Italian既安排侍應形式與外國的一樣, 指定的侍應會被安排招呼指定的區域, 而客人所給予的服務小費就會全數給予那一位招呼他們的侍應, 其實呢個方法莎拉好讚同, 因為有時晚飯所給予的10%服務費係一定要俾, 就算服務差都要俾, 加上所俾小費究竟有無真正入到侍應既袋, 做客人既都未必知道, 但係Jamie’s Italian本身是沒有收取小費既, 客人可以自行因應服務如何而決定給予多少小費.

Little Chef 簡易曲奇(附食譜)

近期星期六有個我係小廚神既節目, 陶寶B每次睇時都好似好有興趣咁款, 所以就問陶寶B想唔想整曲奇呀? 陶寶B立即舉手讚成呀, 所以在家中就臨時即興同陶寶B整個簡易曲奇啦.

K1開學啦-Day 1

2015/8/25 

開學啦, 開學啦, 陶寶B未來20多年既苦學生涯正式開始了. 開學既第一個星期係親子週, 每日只雖上課1小時, 而頭2天就可以家長陪同一齊上堂, 之後既2天就會盡量安排小朋友自行上課, 家長就在大堂等候. 到了第二個星期, 上課時間就會增加至1.5小時, 第三個星期就増加至2小時, 最後到了第四個星期就會去到正常的3小時上課時間.  莎拉覺得學校既安排都好細心, 慢慢地增加上課時間可以等小朋友容易適應.

係開學前幾日, 莎拉就已經開始同陶寶B講好快要返幼稚園啦, 而剛好8月份既巧虎都係講幼稚園, 所以陶寶B呢幾日都不斷地唱緊巧虎首幼稚園開學歌呢, 其實陶寶B都好期待開學架.

早上食過早餐著好校服就精神抖擻出發上學了. 去到學校自己自動自覺行上樓梯入課室, 不會扭計就已經係成功第一步了.