Time capsule 時間囊

話說一個月前發現, 之前由yahoo blog轉移過來blogspot既所有文章內的圖片全部變了死圖, 總共400多篇既文章內的圖全部無晒, 果一刻見到真係想喊, 因為400篇既文章內的圖片應該都有過千, 點搞呀. 曾經諗過好唔好放棄復修那些死圖呢?! 因為其實那些舊文章都已經係2013年之前的事了, 除了自己去睇仲邊有人去睇呢. 但係一想起呢個blog係由自己未結婚到結婚, 再由懷孕之後到BB出世及成長, 內裡既回憶點滴係無限既, 捨不得出現那麼多死圖,  所以就決定要修正所有死圖.

莎拉電腦知識麻麻地, 所以用了最原始既方法去逐張相從新Upload一次. 好彩之前係We Share做了個backup account, 所以就先係We Share copy圖片然後再upload係blogspot, 用了成個月終於都修復了8成既文章喔.

莎拉係一個阿Q精神既人, 換轉件事嚟睇其實有少少感恩有呢一次死圖問題出現, 因為如果唔係要修復, 莎拉都唔會將舊既文章去逐一再睇一次, 令莎拉可以再細味陶寶B既BB階段, 出世既場面, 大肚既時光, 婚後既生活, 婚禮既點滴等等, 再去睇一次就好似坐了一架時光機一樣呀.

3歲生日hea遊澳門兩日一夜(中)

平時在定2個大人加陶寶B瞓張雙人床真係好迫, 所以呢一晚酒店瞓張King size bed真係好寬落, 去到9am才自然醒, 好爽呢. 換好衫執好晒行李就去check out啦. 今天不覺意地同陶寶B襯了親子裝了, 記憶中呢次好似係第一次既親子裝喎!!! (莎拉執行李時真係無為意到架^O^) 

今天第一個行程就係首先去大三巴做個遊客先, 話晒都係澳門既地標, 點都要來影番張相哦. 

期間限定之荔園summer fun 2015

2015/07/18 

荔園呢一個名字係莎拉媽媽及謝菲嗲哋童年回憶既一部份, 雖然印象有些模糊, 但係印象最深既都係荔園既叮叮船及宋城, 莎拉有不少既童年相都係在荔園內影架. 估唔到N年後既今天居然有個期間限定版既荔園出現, 可以俾莎拉同謝菲嚟個集體回憶之餘, 仲可以同陶寶B分享自己兒時所玩過既叮叮船, 為陶寶B締造出一個佢既荔園童年回憶. 

戲院初體驗

2015/7/1 

踏入三歲後, 首次帶陶寶B入戲院睇戲, 莎拉就揀了迷李兵團Minions作為陶寶B人生第一套戲. 不過"迷李兵團"大部份既戲院都係上映3D版本, 如果要陶寶B戴住幅3D眼鏡睇相信有難道, 所以莎拉就要揀2D版之餘仲要係中文配音, 可惜上映2D中文版的戲院真係少之有少呀, 最後要去到九龍灣既E-Max睇戲. 

3歲生日Hea遊澳門兩日一夜(上)

2015/6/18

其實又係莎拉想去玩, 所以就借陶寶B生日過橋去Hea吓Relax吓. 其實都有好幾年沒有去澳門了, 而陶寶B就更加未踏足過澳門, 所以就不如近近地為陶寶B嚟個3歲Birthday trip啦. 星期四下午就同陶寶B及謝菲係碼頭會合出發搭金光飛航. 

今次都係第一次搭金光飛航, 都幾舒服呀. 因為星期四平日啦, 所以船都係半滿, 同weekend時人山人海真係差得遠呀. 瞓一陣後一小時既船程就到了澳門了.