2015/6/18
其實又係莎拉想去玩, 所以就借陶寶B生日過橋去Hea吓Relax吓. 其實都有好幾年沒有去澳門了, 而陶寶B就更加未踏足過澳門, 所以就不如近近地為陶寶B嚟個3歲Birthday trip啦. 星期四下午就同陶寶B及謝菲係碼頭會合出發搭金光飛航.
今次都係第一次搭金光飛航, 都幾舒服呀. 因為星期四平日啦, 所以船都係半滿, 同weekend時人山人海真係差得遠呀. 瞓一陣後一小時既船程就到了澳門了.
因為酒店Book了係氹仔呢邊, 所以就選擇了氹仔碼頭既船程了. 一出碼頭就有一排不同酒店既Shuttle bus, 真係方便到暈呀.
今次既兩夜澳門之旅因為係即慶, 所以酒店都係出發前2日先book, 今次就book了路氹金沙城既Sheraton, 價錢都只係$1000, 以澳門5星級酒店嚟講真係好抵呢, 不過呢一個咁超值既價錢都係因為weekdays關係. 由氹仔碼頭座shuttle bus去Sheraton, 唔駛10分鐘就到達了.
行到入酒店, 當莎拉正想行去reception度check in時, 酒店內一個說英文既員工就邀請莎拉去SPG會員那一邊check in, 雖然莎拉已聲明不是SPG 會員, 但酒店員工回覆沒有問題, 仲可以立即成為會員. SPG會長Check in真係快好多呀, 加上惠顧酒店既餐廳仲有discount, 所以成為會員都無咩所謂. Sheraton酒店真係好大, 聽聞有3000多間房, 而我們既房間就係31樓, 由lobby行到去房間都要大一段時間呢. 一出電梯就係長長既走廊, 陶寶B就一直跑, 跑得幾度盡情呀.
房間乾淨企理又大, 以$1000/晚既價錢真係物超所值呢, 因為回想起N年前莎拉嚟澳門玩, $1000既酒店就只有好雞既2-3星酒店咋.
今次旅行目的就係Hea, 所以今天既行程就係無行程, 全程享受吓酒店既facility. 天氣熱辣辣最好就係同陽光玩遊戲, 所以我地都急不及待那那聲換上泳裝去玩水喔. 落水前影番張相先.
一睇就知陶寶B有如脫彊既野馬一樣向住泳池衝去,口莎拉已經HOLD唔住佢了. 酒店既泳池雖然不是大, 但就有好多個, 而設計上都好適合小朋友玩, 因為池邊氹氹圈係好寬既淺水區.
部份休息既地方仲有Dreamworks既卡通人物既佈置添, 小朋友見到一定好開心.
陶寶B絕對係一個Summer boy, 又唔驚水仲好enjoy.
水中玩小明都係第一次 (好無聊既媽媽)
不知不覺就係泳池度Hea咗2小時了.
回房間沖晒涼之後, 就去食餐好既, 因為玩完水好鬼C肚餓. 話明係Hea遊, 當然係不想走來走去啦, 所以就選擇了酒店既"Feast"餐廳食buffet(因係SPG會員所以有Discount, 2大人$700).
澳門食buffet出名平靚正, 而Feast buffet都唔錯, 有即開生蠔及龍蝦, 而最正就係炭燒sirlon steak, 呢個真係全晚既high light呀.
要小朋友座定定陪大人食2小時既buffet真係有難道, 所以酒店又好貼心安排了有人現場扭波波, 陶寶B獲送了一個波中有波既氣球.
就係咁莎拉同謝菲就可以繼續慢慢食Buffet.
食飽飽就要行吓散吓步了, 住係金沙城酒店有個好處, 就係幾間大型酒店商場是相連的, 所以無論出面幾熱行雷打風都唔會有影響.
所以我地食飽就行去威尼斯人酒店行個圈影翻張到此一遊.
再食埋個義順既紅豆燉奶甜品就返酒店覺覺豬了.
No comments:
Post a Comment