3歲生日會-開心馬戲團

2015/6/7

每年踏入6月就係莎拉媽媽要搞大projet之月, 個大project咪就係陶寶B既生日會囉. 雖然只係在家中同家人搞個小型生日會, 但都盡量希望有氣氛既生日會. 

今次莎拉就用了馬戲團作生日會既主題, 其實男仔既生日主題選擇係少過女仔架, 所以決定主題既任務就一年難過一年了. 

陶寶B一早瞓醒一開門就見到啲decoration就開心到不得了, haha, 不枉莎拉同謝菲前一晚開夜車剪剪貼貼. 人少少既party都有好處, 就係不用安排太多食物, 簡簡單單幾款小食加主食甜品就可以開party了. 

陶寶B對呢個雜莓Yogurt極之捧埸.

生日會又點可以少了生日蛋糕呢, 今次找了網上認識了一段時間既blogger小藍來訂制, 很喜歡個馬戲團帳篷做型既生日蛋糕呀, 因為同啲decoration既公仔係一樣呀. 

陶寶B一見到個蛋糕就嘩嘩聲了. 一吹完蠟燭, 陶寶B二話不說就指住個三仔公仔要求俾佢啦. 

生日會不可以錯個既同生日主角合照環節, 莎拉就特別鐘意用即影即有去為特別日子影相.

好嘢好嘢, 到了拆禮物時間啦. 

今年送給陶寶B既生日禮物就係呢本獨一無異既Peppa pig故事書呀, 因為內容係peppa參加陶寶B(Ethan)既生日會呢, 其實呢本書似乎係莎拉鐘意多啲. 

希望陶寶B身體健康, 開心快樂, 繼續做個happy little dude!