3歲了....

To My dearest囝囝陶寶B:

不經不覺囝囝您又大了一歲了, 由過往的BB到了今天的little dude了. 過去呢一年就係非常惡搞的Trouble 2, 您的trouble又未至於令到媽媽十分苦惱, 因為媽媽明白呢個trouble係小朋友必須經過的階段, 有時你不聽話因為您不明白不理解所以才會發脾氣而扭計, 因此媽媽唯有不厭其煩去再一次同您解釋, 一次不明白不緊要, 因為媽媽深信總有一天您會明白及理解的. 雖然話就係話係Trouble2, 但是媽媽總覺得呢個Trouble 2係會伸延成為Trouble 3的, 所以我們一起加油, 一起學習啦.

今年9月就您就會正式返學讀K1了, 十多年的學生生涯就會正式開始, 媽媽不需要您成績出眾, 媽媽只希望您能夠開會成為有禮貌有品德既小朋友, 因為呢一些東西先會一生受用. 媽媽不會著急您的發展, 因為人生咁漫長, 又何需在童年已被密集的課程去填滿呢! 媽媽不會急急為您鋪設起跑線, 因為呢場係一場長跑, 平均既跑速才是上上之策. 媽媽只想您將來大個時回憶中既童年全是開心快樂既片段, 做個Happy kids, 每天都要笑容滿面的.

雖然您已經3歲, 但說話中有時還會夾雜了一些BB外星話, 就是呢一些BB外星話就令到媽媽可以樂透一整天了. 感謝上天給予您的來臨, 因為您帶給我們的歡樂及經歷是沒有其他東西可以取締的. 時間可否行慢一些呢? 因為媽媽真的好想可以慢下來陪您一齊成長.

媽媽祝您你生日快樂, 身體健康, 繼續做個happy little dude!!! Love you!!! xoxo

From 莎拉媽媽