2016/01/27

元旦Surprise baby shower

2016/1/1
好朋友既BB下個月就出世啦, 剛好相約了嚟個元旦Gathering, 不如就順勢搞個surprise baby shower. 係有限既時間下(5)去準備一個surprise baby shower真係一個挑戰, 所以蛋糕, decoration及禮物都要以最短時間去訂購.
首先就與朋友一起整了個diaper cake, 莎拉都係第一次整, 又唔係想像中咁難呢. 幾個小朋友就一齊搬個Diaper cake送俾Wendy姨姨
無佈置又點叫做Party, 所以為了增加氣氛, 就訂咗啲balloon.

2016/01/22

士多啤梨開心摘

2015/12/27 
一到12月天氣轉涼後就諗起, 又係摘士多啤梨既季節開鑼了! 今日天氣真係麻麻地天陰陰, 唔知係咪呢個原因所以今日場內真係好少, 上次嚟錦田鄉村俱樂部時真係人山人海架, 今日就得小貓三四隻, 初時仲以為俱樂部今天休息添呀
場內既士多啤梨好多都仲係細細粒, 我地就主要摘韓國種既士多啤梨, 雖然士多啤梨細細粒, 但係都好香甜呢

2016/01/18

快閃消防局

2015/12/6
點解會係快閃?! 因為當日消防局開放日實在係太多人了, 所以玩咗一陣就走了. 查實當日已經係活動開始時已到達(10:30AM), 但消防局開放日呢個活動真係不能低估, 場內既人真係好多, 而最受歡迎既Cosplay就已經截咗人龍, 咁唯有排隊同消防車及消防員影相啦
影完相後場內既人真係多得好緊要, 所以其本上見無咩人排既活動就行埋去, 都唔理得咁多啦.

2016/01/14

3人世界親子澳門遊 (下)

第三站 最短之最松山纜車
地點: 二龍喉公園
費用: $8 (21小來回票價)

全球最短既纜車就係澳門呢個松山纜車啦, 佢位處於二龍喉公園內所以小朋友嚟度可以係坐纜車前係公園內玩吓放吓電先都可以
如果係香港要坐纜車, 一係就昂平360或海洋公園, 一家3口起碼都要幾百蚊或以上, 而呢個松山纜車一家3口來回都係$8.

2016/01/11

3人世界親子澳門遊 (中)

好啦經過了第一晚較為浪漫既活動之後, 第二日就180度大轉變, 今日就嚟個抵玩親子三大玩意.
第一站 人造滑草場
地點: 大潭山郊野公園 (近氹仔機場)
費用: $0 (免費)

無錯你無眼花, 呢個人造滑草場係費用全免, 仲要係任玩, 仲要係大人細路都玩得好開心, 呢個係莎拉既頭號推介. 唔好以為郊野公園就一定好遠, 其實就係機場附近, 機場行上去都只係大約10-15分鐘. 輕酒店出發可以搭來往機場既免費穿梭巴士, 之後就上機場1樓既離境大堂, 之後就過馬路去對面既中國大酒店.

2016/01/08

3人世界親子澳門遊 (上)

2015/12/18
本來一心諗住5週年結婚記念去個二人世界Short trip, 但係自陶寶B出世後每一晚都係同呢位Little dude一齊, 試過想賣甩佢俾婆婆過夜, 但係最終都失敗了, 所以最後都係放棄了二人世界出trip呢個念頭, 改為近近地去個澳門3人世界遊代替.
雖然係3人世界, 但係話晒都係結婚5週年記念, 所以莎拉就一早通知了酒店安排將房屋佈置得浪漫啲俾個驚喜俾老公呢