Merry Christmas and happy new year 2015

真係一年容易又一年喔, 咁快又到了年尾, 又係時候展望2015了. 其實每一年既年尾, 莎拉都好少嚟個展望將來既, 但係或者人大了, 開始踏入人生既樽頸位, 特別係事業上好想作出改變及突破. 

所以希望2015年莎拉同謝菲既私伙project能夠成功, 不要求大賺, 但願起碼可以收支平均有個好開始, 俾到成功感及轉形既希望給我們. 

另外希望陶寶B語言發展可以追近同齡既小朋友, 莎拉不需要陶寶B做個Superkids, 但求一切平凡開心就好了. 

最後希望身邊既家人及所有朋友身體健康幸福快樂喔.

Happy 4th Anniversary

2014/12/18

成為陶太Mrs Tao的第4年了, 還記的當天的天氣與今天一樣都係非常寒冷, 不過當日因為緊張既心情都已經蓋過一切了, 真的連個"凍"字都唔識寫了.

很喜歡您拖著我時手指上捉摸到您戴住介指的感覺, 因為就是呢一對介指象徵我與您進入人生令一階段, 除了是情人又是家人呢. 感恩有您與我同行人生. 

"To Have & To Hold" Happy 4th Anniversary!!!!

大尾督踩單車

2014/10/01

自從陶寶B出世後都好似未踩過單車了, 既然踏入秋季了, 不如去踩單車. 以前一諗起踩單車, 路線一定會係由大圍開始沿住吐露港踩到去大埔, 不過今時唔同往日了, 正式嚟講已經不是踩單車, 而是踩家庭車(果種一家大細4個轆既呢!!!), 所以如果由大圍踩到去大埔, 謝菲一定踩到腳軟都似, 所以最好踩短線. 因此今天就揀了入大尾督踩單車, 因為路線短加上地點方便呀.

Montreal 與友相聚

莎拉曾經係Montreal呢個城市生活多年, 對呢一度有好多既親切感, 人生中最無憂無慮, 最開心既中學生活就係呢度渡過, 莎拉既所有好朋友大部份都係在中學時候讀法文中學時認識, 個段日子真係人生中最開心既時光之一. 剛好學校仲係放暑假中還未開學, 帶陶寶B回來行個圈懷念吓, 唔知陶寶B將來有無機會讀埋同一間中學呢?!

時光倒流16年

Dearest B,

時光倒流16年既今天就係我們開始一起既日子, 回想當日相信您與我都沒有想到16年後我們已經結婚了及有一個可愛既陶寶B呢. 我曾經幻想過如果我沒有決定去Waterloo讀書的話, 唔知道我仲會唔會認識到您呢?! 又如果當日您要搬返來香港, 而我又如果不回來, 相信故事都會有改寫了. 

能夠順利今天還拖住手在一起, 由相識到拍拖至結婚中間經過幾多個決定及遇上幾多個

巧合, 真的多不聲數, 因此會懂得感恩今天的一切.  但願您我年老時, 有一天牽着手時讀到呢一封信時, 會細味如何相識, 約會, 結婚, BB出世,,,,我們的故事. 

PS: 今早收到您Send來的message說Happy Anniversay! 很開心呀, 因為16年內您每一次都記得喔! Love You xoxo!!!  

From b

野餐季節又來了

(努力Post翻啲舊聞先得!)踏入10月份, 終於感覺到有啲秋意了, 莎拉急不及待又同陶寶B去野餐了. 地點依然係最愛既迪欣湖, 相隔對上一次野餐已經係半年前, 陶寶B又大個仔好多了. 

戒奶咀行動

2014/11/20 

其實幾個月前, 陶寶B都已經開始沒有用奶咀架啦, 不過因為去了加拿大個Trip而又開始食番奶咀呢. 回到香港之後, 食奶咀情況變本加厲, 仲要明顯係心引大於一切, 起身後都仲要食多一陣, 真係唔得呀! 所以呢幾日就開始狠心進行"戒奶咀"行動. 

遊走加拿大-Day 6 - Quebec city

昨晚既婚宴差不多午夜12才結束, 沖埋涼瞓覺都差不多成2am啦, 但因為有部份親友都係第一次來加拿大, 所以都要增取時間去遊覽觀光. 今日就會去Quebec city 既old port, 距離Montreal大約2.5小時既車程. 

因為Quebec city係由法國人登錄及發現, 所以當地係深深受到歐洲文化影響.

香港K型教育

曾經同朋友傾計時, 對方既小朋友才1歲多, 但都已經擔心緊如何選擇幼稚園, 因為今天既選擇分分鐘會影響埋將來既小學及中學. 有一些更加誇張到連小朋都都未出世, 就已經安排好如何選擇幼稚園. 因為大家都深信由第一步所選既幼稚園係會影響將來能否入讀心儀的小學, 中學及大學. 小朋友才那麼年幼, 由入讀幼稚園就已經要背負住咁沉重既因素, 是否有啲那個呢?!呢個市場有需就有求, 有咁既家長坊間就會出現果啲"幼稚園面試班", 真係痴晒線. 

遊走加拿大-Day 5- 恭喜細佬小登科

莎拉有一個弟弟及一個妹妹, 上一年細妹已出嫁了, 今天就輪到細佬娶老婆啦, 我們三姊弟都全部成家立室了, 莎拉既媽媽mission complet啦. 一早細佬就出了去Tim Horton買了一大堆Donut, muffin, bagel回來, 因為一陣又兄弟又姊妹加上親朋好友, 真係多多都食得晒呀. 

平時買外賣coffee就一定係杯杯上架啦, 估唔到Tim Horton有bulk size coffee(仲可以keep warm幾個鐘), 莎拉都係第一次見咋, 成個紅酒盒咁, 唔講真係唔知原來係咖啡呀.

遊走加拿大-Day 4 - 飛去Montreal

Day 4, 今天的全日節目就係搭飛機

一早起身執好晒行李, 同家人係lobby集合, 諗住搭酒店提供往返機場既Shuttle bus service, 不過原來由酒店去機場是每一小時一班呢 (不過如果是由機場往酒店就只需要隨時至電酒店, 10分鐘後就會有車來到接返酒店的, 都好方便架.) 見shuttle bus未夠鍾開車, 就係酒店食個早餐先. 

遊走加拿大-Day 3(下) - Banff

話咁快1小時就到了Lake Louise, 雖然無再落雨加但都係天陰陰, 所以真係凍了好多, 之前仲諗帶來既厚衫無用武之地, 而家終於可以出場啦. 泊好車行去湖既方向, 一行前無耐就見到好震撼既湖景呢. 

遊走加拿大-Day 3(上) - Banff

一早起身見到外面天郎氣清, 遠遠已望到附近既山, 可能因為還早呢, 所以仲見到山腰有一條雲帶. 早上既Banff Town 好寧靜, 有了晚上街上全部係遊客既熱鬧, 人及車都好少, 聽見既係雀仔聲居多呢.

Hipp香蕉提子乾米糊布丁(附食譜)

之前收到既禮物包內有幾包Hipp有機米糊, 因為陶寶B都大個了, 如果只是給他吃純米糊, 相信一定興趣不大了, 要想想辦法先得. 近來陶寶B既至愛水果就係香蕉, 不如就試試將香蕉加入米糊做成甜品俾陶寶B試試喔. 

遊走加拿大-Day 2(下)- Banff

今日第二站就係Moraine Lake(夢蓮湖), 由Banff開車約1小時既車程, 泊好車後, 一步步行向湖邊, Moraine Lake就在眼前啦.

Moraine Lake是一個冰川湖, 所以只有到每年六月底後湖水才到達最高線, 再折射沉積的岩粉而呈現出美麗的藍綠色. 呢種藍色比起先前係Bow River見到既更加藍喔, 真係好靚呢.

神奇的巧虎

一直都係媽媽界聽聞過巧虎呢個名字, 上年莎拉仲係十五十六考慮好唔好訂閱, 今年陶寶B進入Trouble 2既階段了, 管教上開始出現問題了, 所以聽聞好多媽媽都對巧虎讚不絕口, 所以今年就去了書展訂了一年巧虎. 雖然價錢上莎拉覺得唔平, 但係如果可以係學習自理及行為上有正面影響都絕對值得, 加上佢每一期除了有書之外, 又有dvb及玩具, 所以都算唔錯.

9月份終於都收到第一期既幼幼版既巧虎, 第一次介紹巧虎俾陶寶B認識, 晚上瞓覺仲主動攬住巧虎公仔kiss kiss good night, 好sweet! 

遊走加拿大-Day 2(上)- Banff

"晨早起床清新開朗, 陽光帶來無限美", 雖然晨早起床身體好, 但陶寶B你都唔駛5am天都未光就起身架, 難為莎拉同謝菲只係瞓得3小時都唔夠, 鳴鳴鳴!!! 

陶寶B明顯係因為時差關係所以早起, 其實經過上年既經驗, 都已經預咗佢會早起, 瞓夠後既陶寶B精神奕奕, 準備出發了.

遊走加拿大-Day 1- Calgary

全個行程第一站就係Banff 班夫, Banff其實是加拿大歷史最悠久的國家公園, 被列入世界遺產名錄內. Banff鄰近Calgary(卡加利)相距大約2小時既車程. 香港係沒有直航飛到的, 所以我們就由香港出發先飛到溫哥華, 之後再轉搭1.5小時既機程去到Calgary. 今次搭加航晚上7pm機去溫哥華, 其實對帶住小朋友既我們係非常好既 flight schedule, 因為陶寶B食飽飽玩一陣就可以瞓覺了. 其實莎拉相信陶寶B都知道要去旅行呢, 因為工人姐姐話出發當日好Hyper, 完全唔想午睡, 加上臨出發前, 陶寶B仲主動同工人姐姐Kiss good bye呢, 所以莎拉絕對相信陶寶B係知道的, 好啦要出發了!

加拿大14天3個城市-前奏篇

上年先去返過加拿大, 今年又返?! 因為莎拉既細佬結婚呀, 所以今次再全家總動員一齊返去啦. 因為飛去加拿大既時間長, 機票又貴, 所以要玩盡呢14天呢. 經過精心統籌後, 14日既行程就是如下: 

Day1-Day4:     Banff
Day4-Day10:   Montreal 
Day10-Day13: Toronto 

14日內會去3個城市, 總共會有5程飛機, 總飛行時間係36.5小時, 真係未出發諗起都有些少擔心. 

Long time no see

個blog就嚟發毛啦, 差不多成大半個月未update呢, 因為去了2個星期加拿大, 回到香港後陶寶B唔知搞咩, 用了成個星期先可以調翻啲時差, 每日真係天都未光就要同被陶寶B招了起身同佢玩, 所以搞到莎拉同謝菲每晚真係未到10pm就已經頂唔順要去瞓了, 而家終於叫使回復正常生活作息時間呢. 

成個月無寫過blog, 真係有好多嘢想寫, 有好多篇遊記想打, 但而家總係每日既時間都唔足夠. 從前未有小朋友既時候, 莎拉都有時間好他調定時定候去睇探吓各位blog友既blog. 但到了陶寶B出世後的一年內, 自己既時間已少了很多, 所以連帶update既繁密度已明顯下跌了, 不過都叫做仲有時間去睇吓其他blog, 不過好多時都係只睇無留言了. 再到了今天, 陶寶B既精力真係無貧無盡, 放工食飯後就會陪佢玩一直至瞓覺, 不過都已差不多10PM了, 陪陶寶B瞓覺時好多時自己不知不覺都瞓埋, 所以莫講話打自己個blog啦, 連去其他blog都做唔到, 因此莎拉真係極之佩服有啲媽媽仲可以keep住密密updated呢. 有時真係希望每日可以多於24小時, 咁自己就可以多一點時間了, 各位媽媽加油呀, 請給自己一些掌聲喔.

24小時快閃大陸行

2014/8/2

因為要同伯父慶祝生日, 所以今次真係行色匆匆, 由出發到回程都只係差不多在24小時內完成, 真係明乎其實既快閃大陸行. 一早就座巴士出發上去了, 陶寶B今次座車都還可以, 因為佢其實好鐘意座車睇風景, 所以全程車都係睇風景及瞓覺, 沒有點扭計, 希望陶寶B搭飛機時都係咁定就好了. 到步回到家中, 所有事物對陶寶B都係新奇, 就算一條樓梯都已玩得好開心.

 

25th成長之路

身高及體重 

莎拉成日都想買張量度高度既chart放在家中, 咁就可以方便陶寶B既長高情況, 不過衰在莎拉及謝菲都唔鐘意求求其其買啲卡通度高Chart, 所以一直都未搵到合適既, 睇嚟莎拉要加快搵啦, 因為陶寶B既長高速度係唔會等我們的呢, 希望而家才買唔會太遲啦. 

2歲龍B生日會

2014/7/20

莎拉平時好少參加媽媽會既活動, 不過一年一度既生日會就點都會參加呢. 其實陶寶B係6月出世既, 好應該係參加6月既媽媽會, 不過因為當時預產期係7月, 所以莎拉就一早係埋堆7月媽媽會, 咁既然都係2歲生日會, 都無咩所謂6月定7月生日啦, 不如一齊玩啦. 

Hipp蘋果提子啫哩 (附食譜)

之前收到Hipp既禮品包內有一支有機蘋果汁, 莎拉自己開了來試過味道, 真的只是微甜, 但莎拉又唔想就咁俾陶寶B飲, 所以就將支蘋果汁變身為啫哩, 再加啲新鮮提子果肉, 晶瑩剔透既賣相好似係日本超市賣既果汁啫哩呢. 

2014夏季下水禮

2014/7/6

今年夏天好似比往年來得遲了, 不過一係唔嚟, 一嚟就熱到不得之了, 最好既消暑方法就當然係游水水啦. 一身裝束及水泡準備好晒, get ready!!!

科學館遊一遊

2014/6/2 

今日約了好朋友同佢兩個女囡囡嘉嘉及婷婷出嚟gathering, 但因為天氣太熱了, 室外活動除了游水之前外都別無他選了, 但因為朋友昨天才同小朋友游完水, 所以要轉戰室內活動呢. 諗起科學館內有兒童天地都好適合小朋友, 一於就向科學館進發, 玩完就一齊去嘆茶啦. 唔係講少, 對上一次嚟科學館都有N年前了, 耐到都唔記得了幾時. 

一早10am就到了科學館, 因為早既關係, 所以人唔多, 就算聽聞平時要排隊玩既揸車模擬遊戲都無咩人, 襯早就玩返轉先.

焗芝士蕃茄豬扒飯(附食譜)

每次去到果間"100分"快餐店食午餐或晚餐, 都會心思思想食佢地既皇牌焗豬扒飯, 因為又真係幾好食. 既然好食既就當然想試吓自己動手煮, 雖然準備既材料好似好多, 但係基本上可以預先準備好食材(莎拉就襯陶寶B午睡時煮好所需食材), 到臨食之前先焗, 咁就可以食到熱辣辣香噴噴既焗飯. 

2歲生日Monster Bash

2014/6/1

陶寶B雖然6月尾才是正日生日, 但因為謝菲嗲嗲臨時安排6月份工作會好忙, 所以莎拉就提早搞個Birthday party. 經過上年1歲大搞生日會後, 今年真係要停一停, 在家中嚟個小型family birthday party算啦.

花灑事件

陶寶B一直都對沖涼花灑係極度害怕, 上次係華欣短短4日行程, 每次同陶寶B用花灑沖涼, 佢大喊到成層酒店都聽到, 之後返到香港, 陶寶B足足驚了沖涼成個星期呀, 聽到沖涼兩個字就已經喊咗先, 之後用了足足2星期先慢慢忘記了"花灑事件". 

24th成長之路

身高及體重 

因為上個月去了睇醫生, 所以就知道原來陶寶B已經12.7kg(28磅), 呢個月同陶寶B出街都已經沒有用i-angel了, 因為真係好吃力呢. 所以今個月最大成功就係出街時, 佢已經會乖乖自己行(除了好眼瞓時就要抱抱), 所以現在出街時少了一樣嘢帶出外, 又向出街方便邁進一大步了. 

想有PN offer, 真的那麼難嗎?

陶寶B之前interview了差不多9間, 最後都係只有4間waiting list, 但都到了6月份, 開始係facebook見到同齡既小朋友開始去學校攞校服註冊了, 到了今天都仲未有消息, 相信9月份有書讀既願望會落空了. 

Happy 2nd birthday

To My Dearest囝囝陶寶B:

Happy 2nd birthday my little dude, 話咁快您就2歲了, 由一年前在地上亂爬既BB到了今天會亂跑亂跳既Toddler. 由一年前不懂說話, 到今天已牙牙學語了, 你既成長實在是來得太快了, 媽媽有時真係好想您唔好長大得那麼快, 很想停留在呢一刻時光, 因為媽媽知道當您再大一點就再不需要依偎著媽媽的了. 

現在每一次都會好享受與您拖著玩樂既時光, 因為您既出現, 除了令到媽媽及嗲嗲重新學習之外, 您都令到我們好像再好好經歷多一次童年, 因為陪你一起玩樂時就係最無憂無慮. 您知道嗎, 您既笑聲係全世界最好聽的聲音, 每日媽媽都會盡力同你玩, 令你可以開懷大笑. 

但您會好快進入"trouble two"了, 每個小朋友既必經階段, 媽媽會努力教好您, 不要令您成為被籠壞的小霸王, 您要和我們一起努力呀!

媽媽不需要您多材多藝, 只需要您成為一位有家教有愛心鐘意笑既小朋友就好了. 祝您生日快樂, 身體健康, 盡情享受做一個開心快樂既小孩. I love you. 

From 莎拉媽媽

一年一度赤柱遊

2014/5/25 

自從由懷孕時去過赤柱影大肚相後, 到了陶寶B出世後都Keep住每年5月都會到一到赤柱, 去返同一個background影一張相去記錄陶寶B每一年既成長(莎拉大肚赤柱遊, 陶寶B一歲赤柱遊). 每年去既日子都係陽光譜照, 真係熱C辣辣. 上年嚟既時候, 陶寶B都仲未識行, 今年陶寶B就已經自己飛快咁跑, 好似放羊咁了. 

23th成長之路

2歲前最後一個成長之路既記錄了, 真係好唔捨得陶寶B咁快就進2歲呢. 

身高及體重 

呢位小朋友Keep住都係長高既, 試過只係著住片片在家同佢影相, 但係影到佢好瘦呢, 所以影完都唔夠膽post出嚟呀, 因為陶寶B其實係鋼條既身型, 身上既係muscle呢.(唔通佢為第時練人魚線作準備?!!哈哈哈)

簡易蛋糕仔(附食譜)

話說近來陶寶B既早餐口味又變了, 之前好like既提子包, 而家掂都唔掂吓, 唯有諗諗計睇吓佢想食咩. 試過俾muffin佢食, 陶寶B食到唔停口, 當然啦, 甜甜地一定鐘意架, 但係muffin都用得比較多牛油及糖, 加上又有baking powder, 小朋友不適宜成日食, 所以莎拉就焗啲少糖少油健康行先既清蛋糕仔, 就算食多一兩個都唔怕小朋友食滯. 

芒果布甸 X Hipp喜寶餅乾 (附食譜)

夏天嚟到啦, 行過街市呢期最hit既水果一定非芒果莫屬, $15-20有4大個芒果, 又香又甜真係好抵食. 有咁靚既芒果, 就即時諗起芒果布甸, 莎拉就跟Christine簡單廚房既食譜整芒果布甸, 不過今次就攪攪新意思, 莎拉加咗啲Hipp餅乾碎(crumbs), 咁樣食既時間就另有一番口感架.

對正下藥-言語治療

其實如果有一直睇開呢個blog, 又有睇過陶寶B每個月既成長發展, 都可能估到咩原因. 

因為陶寶B都已經到了接近2歲, 但係陶寶B能夠講既字真係10隻手指數得晒, 再加上好大部份都係隻中"D"音既字, 所有合口發音既字一隻都未講過. 

4日3夜Crazy Family華欣自由行- Day 4 (完)

終於都來到Day 4了, 開心既假期真係過得特別快架. 酒店既Check out時間是12pm, 所以今天早上仲有啲時間可以游吓水, 之後才check out呀. 呢幾日陶寶B在酒店內放任地跑跑跳跳, 佢真正地做了自由行呀. 酒店內有很多樓梯, 每一日陶寶B都好開心咁自己上上落落, 真係咩玩具都不需要, 有條樓梯給他已玩都忘晒型了.

BB禮品包-Hipp喜寶

最近莎拉收到一份好啱BB禮品包, 又食得又用的既, 啱晒陶寶B用呀. 

唔知大家有無用開或食開有機既產品呢? 而家呢個年代同自己細個時既已經唔同了, 食品安全呢個問題都大大被重視, 所以莎拉平時都會盡量選擇有機既食品俾陶寶B食用. 之前都曾經聽過

Hipp呢個有機食品既品牌, 佢係全球最大既嬰幼兒食品生產商, 不過之前未有正式代理在香港, 所以坊間所買到既都係水貨呢. 不過而家香港有代理啦, 買到既Hipp產品都有保障呢. 今次禮品包內5種product, 同大家分享一吓. 

第三場面試

2013/12/14 

又嚟面試啦, 今早呢個面試係早上9:30, 所以食飽奶奶就出發去啦. 今次去既都係保護兒童協會附屬幼兒園, 所以佢收生既數目都係好少, 因此都係果句"參與吓玩吓當熱身".  去到reception報到後, 老師就直接帶去課室interview啦(今次咁快既?! 熱身warm up都唔使), 可能因為早呀, 所以可能唔使等就可以interview! 老師沒有特別問一啲特設問題, 主要都係俾啲玩具俾陶寶b玩睇吓佢既表現. 咁陶寶b玩過咩呢?! 

第一次親子料理-阿茂整餅

其實好耐之前就已經想同陶寶B一齊玩吓煮飯仔, 最容易最簡單就當然係"阿茂整餅"啦. 難得星期六心血來潮, 不如就開工啦. 今次就試整芝士麻薯波波. 陶寶B見莎拉拎起少許麵團然後搓圓呢個動作, 陶寶B就"卡卡"聲笑. 將粒麵團放係佢手教佢搓, 佢就仲開心, 之後仲好認真去放啲波波係焗盤呢. 

香蕉蛋糕 (附食譜)

香蕉呢種生果真係好煩人, 因為每次係買一梳翻嚟, 生既時候就一齊生, 但到咗熟既時候就全部熟晒, 次次都攪到食唔切, 所以如果想一次過消滅多條香蕉, 最好方法就一定係整香蕉蛋糕, 因為用愈熟既香蕉整就愈香甜. 

今次呢個香蕉蛋糕真係可以用快靚正嚟形容, 因為準備時候又少, 加上連電動打蛋器都唔洗出動, 用普通既手動打蛋器打一陣就攪掂, 真係隨時想食就隨時整到呀. 香蕉蛋糕最吸引之處除了佢香濃既香蕉味之外, 就係食落時有少少濕潤, 唔似有啲蛋糕食落乾增增呢, 下午茶嚟一件香蕉蛋糕加一杯咖啡就係perfect match. 

22nd 成長之路

身高及體重 

可能陶寶B比較好動, 又鍾意跳上跳落, 所以佢係向高發展既小朋友, 手手腳腳不是肥嘟嘟, 所以有人就會話佢瘦弱, 不過莎拉想話呢個年代已經唔再興肥嘟嘟呢個指標架啦, 只要佢體重正常, 食量正常(仲要係食唔少嘢)就可以了, 難得佢長高而唔係向橫發展, 不知幾好呀! 

日式芝士蛋糕 (附食譜)

真係被雪櫃內的一舊快到期既Cream cheese而害呀, 見佢就快到期, 莎拉無理由眼白白等到佢就咁過期架, 如想用晒成磚Cream cheese, 整cheese cake係不二之選, 但係New york cheese cake食落好heavy, 所以就想試一試整日式芝士蛋糕啦, 因為個texture好輕好soft, 食耐無咁guilty呀. 

4日3夜Crazy Family華欣自由行- Day 3(下)

當莎拉同媽咪正正上緊thai cooking class時, 而另一邊箱既細妹及妹夫就去了Hua Hin Vineyard,

單拖復活去石澳

當人人期待復活節4日長假期之時, 莎拉就係另一群沒有復活假放既人(真係唔知點解政府會分公眾假期及法定假期), 仲要撞啱星期六長週, 所以莎拉只得星期日一天咁大把咋. 咁啱得咁蹺星期日謝菲爸爸回鄉拜山, 所以今次就唯有一個人孭住陶寶B入石澳參加好朋友Wendy姐姐既surprise beach+BBQ party. 下午等陶寶B瞓醒個晏覺後, 就向石澳出發啦. 大家都知同小朋友去得沙灘需要帶幾多嘢架啦, 所以莎拉孭住重磅既陶寶B之外, 仲孭咗一大袋衫, 食物, 玩具, 真係不能夠不給自己一啲掌聲呀, 因為呢一刻覺得自己係Iron Mama!!!!

4日3夜Crazy Family華欣自由行- Day 3(中)

陶寶B似乎都好似好肚餓呢, 餓到個樣成個呆晒咁! ^o^

每天早上去食buffet早餐時都會行經酒店內呢間向正海邊的"The Restaurant", 看過menu(在酒店website內有menu)後得知價錢不貴, 就決定一家三口食個quick lunch. 因為酒店平日的客人不多, 連帶光顧餐廳的人少之有少, 所以可以自己隨便揀位, 既然自由揀, 當然要揀個對正海邊可以吹住海風的靚位. 

4日3夜Crazy Family華欣自由行- Day 3(上)

Day 3

今天既行程就是無行程, 主打一個"hea"字. 去咁多次旅行都從來無試過會安排全日在酒店hea的呢. 今日真的要好好Relax吓. 早上陶寶B嘆完支奶後就去食個正早餐先. 

莎拉今早又係整番碗湯粉先. 今天陶寶B座既呢張High Chair好有大自然風格, 真係食早餐都食得開心啲, 莎拉好like呢張椅呢.

21st 成長之路

身高及體重 

好快就會天夏天了, 出街時都會留意下夏季衫, 每次想買衫時考慮究竟買咩size時都好苦惱, 因為陶寶b真的高得好快, 與同齡小朋友泊埋, 真係高人地成半個頭架. 而家2T都是剛剛好, 如果買3T而家著又會大了唔夠Fit, 所以真係好似人生交叉點咁, 不過莎拉有慳家C9仔既本色, 當然最後會3T啦, 著多一年抵啲呀! 

食量 

4日3夜Crazy Family華欣自由行- Day 2(下)

下一個目的地就係華欣火車站, 距離往日情懷(Plearn Wan)大約只有5-10分鐘車程. 華欣火車站有泰國最美及最古老的火車站之稱, 整個火車站用紅色及白色的柚木建成. 當日剛好有一班火車到站呢.

再行前少少就係火車站賣車票既地方啦, 同樣都係用上了好Sharp既紅白色呀