戒奶咀行動

2014/11/20 

其實幾個月前, 陶寶B都已經開始沒有用奶咀架啦, 不過因為去了加拿大個Trip而又開始食番奶咀呢. 回到香港之後, 食奶咀情況變本加厲, 仲要明顯係心引大於一切, 起身後都仲要食多一陣, 真係唔得呀! 所以呢幾日就開始狠心進行"戒奶咀"行動. 

每日早上陶寶B食奶時都要扭拎住個奶咀嚟"Dap"兩吓, 所以第一天早上就係唔俾佢食再奶咀, 陶寶B既反應當然係扭計到奶都唔肯食, 搞了10分鐘都唔能夠安撫到佢, 最後謝菲嗲嗲就同陶寶B講:"你大個啦, 唔可以再食奶咀架啦, 你記唔記的你上次係街度食奶咀, 人地笑你呀?!" (因為工人姐姐講有一次係街度人地笑佢, 佢就立即唔食奶咀, 仲將個奶咀俾返姐姐), 陶寶B聽完之後, 就當堂沒有再扭計, 之後就乖乖食奶. (上午成功!!!) 不過真係點都估唔到陶寶B真係聽得明呢個道理, 令到我地好Surprise.  

到了晚上時間, 陶寶B當然又係扭奶咀啦, 所以就再同佢講"你會被人笑架", 之後又再收聲, 不過佢諗諗吓又唔服氣就再起身扭計, 莎拉又再一次同佢講道理, 前前後後就講了3次道理之後就真係瞓著了. 暫時用了此方法, 已經係第三天不用奶咀了, 相信戒奶咀成功在望了. 陶寶B仲有未戒片片及奶樽, 唔知用呢個方法得唔得呢?!