自從上次成功攪掂支簽名筆後, 心思思就想整埋手花. 買下買吓, 就一大袋絲花.左襯吓, 右襯吓, 就整咗3個唔同板本.
因為姊妹裙係深紫色, 所以手花顏色都選擇番白色+淺紫色既tone!
去片, 睇吓我3個sample先:
第一個其實係3個內覺得最match最靚, 但係好可惜, 呢個combination既顏色, 未來99似乎唔係太鐘意, 可能太白啦, 佢話最好好似支筆咁, 紅色粉紅色就好啦!
第二個自己覺得麻麻地, 可能啲花色偏得太多紅色啦!
第三款都幾滿意, 有紫紅色既小玫瑰, 加上有紫白色既繡花球, 好啦, 就揀呢一款啦!!!希望其餘個4個手花成功啦!
PS: 前前後後, 整咗幾個手花sample, 最後都要出動支熱溶槍, 效果好似好啲, 比較實淨, 載係手都ok, 個花無咁fing fing吓!
終於"Dik"起心肝, 去金都落訂印請帖. 雖然我會用番酒店既帖, 但都係時候要印啦, 不可再拖!!!!星期六去到, 嘩勁多人, 好迫, 都迫唔到入去鋪頭, 算啦, 星期一再嚟啦!!!
無理由空手而回, 既然嚟到就睇吓有啲咩濕碎嘢買啦, 最後就買咗套敬茶杯及雙囍cushion!!! 超鍾意個茶杯, 啲pattern好有喜慶feel!!!!
中秋節
又到啦!!!!大家食咗月餅未? 哈哈哈, 應該係問大家食咗幾多盒月餅. heehee, 我屋企今年就食咗2盒大班冰皮月餅, 同1盒九龍酒店既奶皇月餅!
我都係第一次食奶王月餅, 每年見到好多人中秋都提及半島酒店嘉麟樓奶皇月餅及九龍酒店既奶皇月餅, 但係每年想買既時候已經too late, 因為原來係要預早訂架!!!!!好啦, 今年終於記得早啲訂, 但都係訂唔到嘉麟樓, 不過都好彩, 俾我訂到九龍酒店既奶皇月餅!!
一番到屋企, 急不及待就會一會佢, 叮一叮後食, 真係好好味, 個size岩岩好, 同屋企人一齊share就最好!!!!!!!但係下年一定要試吓嘉麟樓既奶皇月餅!!!
好味!!!!!
Weekend返屋企食完晏後, 謝菲就建議出去行吓啦, 不如去沙田行Ikea啦, 都好呀, 橫掂我都想睇吓Ikea有無啲花樽可以for日抖註冊時, outdoor張reception table.
沙田個Grand Central Plaza除咗Ikea外, 其實成個商場都係買家具擺設, interior design shop 或家私. 之前新屋裝修時, 都間唔時行吓.
其中一間shop叫Indigo, 係賣家具擺設, 見佢有discount, 睇吓有無好嘢先! 哈哈哈, 真係比我搵到正嘢, 有大部份貨品40-70%off. 見到個Maxwell & William既大花樽岩晒擺係Reception, 只係$129(有40%off), 好平呀, 係Ikea買個咁大既花樽都唔只啦!!!
仲有仲有, 買咗3個大中細既紫色玻璃球, 加埋都唔先$80(有60%off). 遲啲再買番啲紫色既花就ok, 咁其本上reception已然搞掂!
同場加映, 見到個銅色既戶外大花樽, fit晒擺係露台, 呢個最抵, 70%off, final price $220, 係太子繽紛都買唔到
!!!
忍唔住一定要出既post, 生記膏蟹粥. 故名思義就係膏蟹粥, 一間都幾隱蔽既茶檔. 呢間鋪係openrice已經進身十大好評升幅!
星期五晚, 7pm去到, 店外未有人等, 入到去伙計問幾位, 有無訂位, 吓????唔係呀嗎, 茶檔都要訂位?! 我地無訂位, 於是就要等有人埋單先至有檯. 好彩等咗10分鐘就有人埋單. 店舖好細, 得一張大檯(6-8人), 另外就只有5張細檯(2-3人). 但樓面只得2個人, 明顯唔夠人手, 但係老板娘都好好service 好客氣, 成日話唔好意思
.
我地3個人, 分別叫咗:
生記膏蟹粥, 冬陰功湯浸蜆, 生記膏蟹蒸飯, 炸八爪魚丸, 蜆肉春捲, 豉油王炒麵, 堆單都只係$320.
生記膏蟹粥同膏蟹蒸飯真係成隻肉蟹, 啲粥同飯好鬼甜. 而冬陰功湯浸蜆係好鮮甜, 咁多蜆都只係$68, 我地飲埋啲湯都唔會口乾. 另外 炸八爪魚丸及蜆肉春捲都好好味, 絕對唔係流.
我地一路食既期間, 食客越來越多, 唔係講笑, 我地一路聽住佢個電話落booking, 當晚已經full book到10pm. 其實可以再食多次, 但我諗佢係Openrice人氣咁勁, 遲啲會越來越人, booking都唔會有, 到時好可能大掛長龍
.
仲有3個月, 時間過得好快, 一方面又好想快啲到個日, 但另一方面又好想慢啲, 好矛盾!!
睇番自己個undo list, 原來都好長, 未做既items有:
1) 未印請帖及西式觀禮帖
2) 成長片段相未揀好
3) 過大禮日子未決定
4) 所有大日子所用既中式用品全部未買(上頸用品, 對聯, 囍字decoration, 茶具, cushion)
5) 日頭註冊 DIY decoration
6) 未list out run down
........仲有其他銷碎嘢, 不能盡錄,,,,,,,
之前講咗咁多我既WG及晚裝, 係時候要講吓男禮啦!!!
謝菲平時都唔需要著西裝返工, 所以見佢著西裝個look真係少知有少, 因為咁所以我對西裝各方面既配搭係完全唔熟! 只係單靠直覺話好睇唔好睇!!!!
上次影Luva Production啲pre-wedding相既時候, 都係Wendy到租男禮, 估唔到又幾好! 所以結婚當日既男禮都交埋比Wendy! 而Wendy非常好人, 上次係佢到租tux去影相, 我地就順便係佢到買埋件shirt, 但係件衫個頸位ok時, 就到衫身闊咗, wendy就即時幫佢改埋件shirt, 真係good晒!
我一直以為係女仔先有要求, 但係原來男仔揀起禮服都非常有要求, 當然啦, 有要求好過無要求!!! 我同謝菲都有個共識, 就係唔要啲咩金邊, 銀邊, 花邊或者銀色暗花紋款式, 我地偏向simply is the best!! 所以想揀啲比較classic既tuxedo, 起初我以為謝菲一定著唔到銀色或白色禮服, 點知佢試呢件又幾好! 而黑色tux就更加無難度, heehee, 著上身都幾型仔!!! 極度期待佢大婚當日個look!!!
簽名筆終於成功啦!!!!!我差唔多用咗4晚既時間先搞掂, 整既過程其實都唔係好難, 但係頭一兩支就整得慢同雞手鴨腳
. 後期就越整越快!!!
之前不斷參考blogger整既簽名筆, 主要都係用花, 羽毛或公仔. 我就揀咗用花為主體, 但係就覺得有少少"寡", 於是就諗起有啲好cute既筆, 個筆頂吊住個公仔, 所以我就轉少少, 加咗一條水晶串, 靚晒
, 插係個筆座, good呀!!! 唔買唔知, 原來啲水晶一啲都唔平, 諗住係深水埗買, 貴極有限, 點知我真係食米唔知價!
係試各類婚禮有關既衫,最令我期待既係裙掛, 因為婚紗及晚禮服係可以係影婚紗相既時候再著, 但係裙掛就真係只可著一次,就算試都唔可以成套試上身.加上著裙掛由媽咪幫新娘穿著，代表媽咪對女身的祝福, 好有意思!
之前曾經一直好想租 Cocoon既潮掛,但係當知道價錢之後,就有啲猶豫
,因為一啲都唔平,加上朋友既建議係潮掛你呢一個Moment睇好靚,但係會唔會過多幾年, 如果唔再興到時咪望番啲相好老土.所以到最後都係決定著番比較傳統既裙掛, 於是係Wendy到睇係有無岩心水既裙掛.
我同Wendy提我出既要求,唔想裙掛有太多金或銀色,即係啲五褔龍鳳唔係太岩我.所以就不如試吓日本珠仔掛, 著出嚟OK, 但好似唔係"叮"一聲. 於是Wendy就俾條傳統得嚟又有啲新潮既掛, 一著上身試出嚟, 男朋友及姊妹就話好靚係呢條啦!!!! 我都覺得好靚, 著出嚟唔"娘"及顯得唔老, 我最中意係個型, 因好多時裙掛上身都係開胸既, 而呢一件就係小鳳仙型, 幾特別.
Wendy再比埋個下身條裙比我拼上去時, "e"有噹噹聲既?! 原來裙腳有一掛細小噹噹, 所以到時行路時就會有細小既噹噹聲, 哈哈哈, 正呀, 就決定租呢一條新款裙掛!!相中我影相個件size係大咗一個碼,到時我租個件會新細一個碼番貼身啲.
上星期六, 去Wendy到, 除咗試晚裝外, 當然要試埋婚紗及裙掛. 其實係上次4月份時, 已經揀咗款, 今次上去就再試吓其他款, 睇吓會唔會轉款
.
今次有再試不同style既婚紗, 例如A-Line, 重釘工好多bling bling既款式, 大拖尾款式等等. 但係唔知點解, 其他款式著上去, 硬係好似唔係好match自己. 到最後都係keep番原先個條. 初頭心大心細既原因係恐防件婚紗太plain, 所以唔心惜係要試多幾款才心惜.
哈哈, 點知最後都係佢最match自己. 試上身時唔記得影相, 唯有就咁影, 件婚紗個款清清地, 係腰位有一排水晶石, 到時會再加多少少紗, 增加layer感.
見到咁多新娘子都DIY吓結婚啲野, 搞到我都心思思整埋一份. 既然係咁不如就試吓啦!!!
心目中DIY既項目有:
1)姊妹手花 - 有idea想整白色或淺色花既color tone, 兄弟襟花睇吓到時仲有無現間整.
2)簽名筆 - 紅色或粉紅色color
3)Welcome board - for早上註冊用, 未有idea!!!
4) 註冊場合decoration用既小型花球 - 用嚟掛係賓客個兩排椅上.
5)Table number - 已有idea, 但需要laser切割界圖案及字! 唔知整唔整得切.
於是就係Weekend時去花墟買咗啲花, 而今日放工後就去咗DIY朝聖集中地
深水埗德祥文具.
一返到屋企食完飯就開工!!!其實一開始時係想整簽名筆, 點知連簽名筆都未買, 於是就轉整手花. 本來初頭諗住姊妹們啲手花用真花, 但係諗諗吓自己過去做姊妹既經驗, 如果用真花, 到夜晚時, 啲花都會搞到殘, 二來好多時, 真花既手帶永遠都非常難戴, 所以都將手花包括在DIY項目中!!!
參考咗好多blogger, 睇落好似好易整, 但原來唔係咁易, 今次實驗品就有好多要改善既地方, 望落去好似ok, 但戴上手就發現有問題. 唯有明天再試!!!!
我大婚當日所著既衫會係Wendy Tong 到租, Wendy 以前間鋪係火炭既馬會宿社, 非常之難搵, 但現在搬咗出去尖沙咀, 方便好多!!! 其實我都無咩點睇其他婚紗公司, 好快就confirm係Wendy到租, 因為我之前有個好朋友係佢到租衫, 出嚟效果好好, 同埋Wendy跟得好足, 佢會因應你而張條裙改款都得!!! 
講番啲裙先, 除咗之前係我姨丈到做個條紅色晚裝for敬酒, 咁就會另外有兩條for迎賓及送客
迎賓銀色晚裝 - 其實之前第一次揀衫既時候, 我本來係揀咗相中右手邊藍綠色個條, 但今次揀衫時, 一試呢條銀色晚裝, 謝菲同姊妹都話呢條好啲, 大家覺得藍綠色個條個款無咁modern同埋有啲老, 銀色呢條最後就踼走藍綠色晚裝.
送客金綠色晚裝 - 我係試身時唔記得影相, 唯有就咁影, 呢係裙個質地好得意, 好似毛毛裙咁; 好多人都會揀啲bling bling及sharp既顏色, 加上我迎賓個條已經係plain啲既銀色, 我揀既時間都有啲猶豫, 好似啲顏色唔夠sharp, 但係呢條裙著上身時個款好特別(最衰我著上身時唔記得影相), 暫時係出面比較少見, 所以最好都揀咗佢.
唔知大家揀衫時有無預到選擇晚裝顏色時驚揀啲衫顏色太plain既問題呢?
