bye bye 2016

不知不覺又到了年尾, 又係時候同2016講Bye Bye了, 有小朋友既時光真係過得特別快, 有時真係快到想時間慢下來呢. 今年陶寶B已升了K2, 幼稚園生涯已去到一半了, 感恩陶寶B一直都好享受幼稚園生活, 在學校是一位合群友善愛分享的小朋友. 學校的功課慶幸不是太重, 因為陶寶B的書寫能力不是太好, 否則便會倍感吃力了. 

至於莎拉擔心多年既言語問題, 陶寶B係呢幾個月有明顯既進步, 好多時已能夠講出完整的句子了, 或者可以講出一個簡單既句子, 莎拉很感謝一直訓練及跟進的言語治療師. 

陶寶B呢一年真係大個及成長了不少, 有時莎拉唔小心整到心腳, 佢會走來問有無事呀? 貼咗膠布及鍚啖就唔會痛了! 聽到又點會唔窩心呢. 最感恩當然係身體健康, 沒有什麼比呢樣最緊要. 

希望新一年, 2017都是開心又健康, 一家人齊齊整整. 

祝各位Blogger新一年心想事成, 健康快樂.

陶寶b與莎拉媽

 

[今期流行] Party必備之拍拍忌廉機

聖誕假期當然係開Party啦, 除咗飲飲食食就當然要有遊戲玩啦. 走在時代尖………端既陶寶B, 今期Party當然要玩呢個”拍拍忌廉機”啦. 

莎拉特別係假期前去買呢個Game, 因為比起第一代既game真係吸引好多, 兩個人可以對壘, 大人細路都玩到依嘩鬼叫, 玩既過引, 睇既肉緊呀. 

陶寶B對戰莎拉, 你估邊個贏?!

而除咗可以用忌廉, 仲可以用shaving cream, 聽聞有啲人會用朱古力醬添呀, 諗起個情景都知會玩到幾那渣呢, hahaha, 嚟緊仲有除夕party, 可以再玩了.

陶寶b與莎拉媽

[搵聖誕老人]一年一度全家幅@又一城

自從陶寶B出世後, 莎拉每年都會同聖誕老人一家人影一張全家幅, 而每一年都會去又一城搵呢位聖誕老人. 今年又一城既主題係”喬漢娜的聖誕秘密花園” Christmas secret garden, 商場內充滿森林氣息既聖誕裝飾, 有別於傳統的白色聖誕. 

每年商場都會放置一棵好高既聖誕樹, 相信同樣係全港最高既聖誕樹呢. 

[親子下廚]聖誕整餅 2016

又到聖誕喔, 呢個節日既氣氛係整年最好的, 無論大人小朋友都會特別開心. 而今年陶寶B已經K2, 可以自己寫名字, 所以今年既聖誕卡將會全部由陶寶B親手寫上自己既名.

 12張既卡一張張用心去寫, 由上年唔識寫字, 但今年已經可以自己寫了, 原來您又偷偷地長大了. 用了差不多大半個鍾去晒, 終於完成了, Yeah!!!!(呢個笑容明顯係好勉強, 好假呢) 

[跑跑跑]可口可樂10K嘉年華

跑步呢種運動係近呢幾年非常流行, 而謝菲嗲哋都會襯吓熱鬧同朋友參加吓啲比賽至在參與, 而芸芸賽事中”可口可樂健跑樂”係氣氛好好的其中一個賽事之一. 適逢今年比賽當日天氣非常好, 所以莎拉就帶埋陶寶B一齊去做啦啦隊了.  一早未天光就剷陶寶B起身出發, 佢個樣眼瞇瞇頭髮蓬鬆, 好似生意失敗咁, 莎拉笑了好耐. 

其實今次都係莎拉第一次睇跑步比賽, 槍聲一響所以跑手就開跑啦, 呢個Moment真係好壯觀. 

[聖誕周圍影]荒失失奇兵聖誕雜技團體驗@奧海城

進入12月之後, 聖誕節既氣氛真係到處都感受到呢, 而各大商場既聖誕佈置都準備好, 屋企附近既奧海城今年既聖誕佈置好顏色鮮艷, 因為主題係”荒失失奇兵聖誕雜技團體驗”喔. 

場內有好多又得意又可愛既影相位,  荒失失奇兵卡通主角周圍都係.

[澳門驚喜]謝菲嗲哋3日2夜生日大快樂 (玩樂篇)

其實呢3日2夜, 大部份時間都係玩水渡日, 本來都安排了一些其他活動, 但室外活動除了玩水, 其他真係太熱了, 所以最後就只剩下一個重點活動”澳門科學館”. 上一次去澳門科學館已經是差不多一年前, 而陶寶B一直都記得澳門科學館既3樓展館有得玩扮建築工人, 所以今次就特別安排再嚟一次順便睇恐龍展覽. 

由酒店搭Shuttle bus去港澳碼頭, 之後再轉巴士, 方便又慳錢. 澳門科學館大門旁邊有一棵心型樹, 上次嚟既時候居然唔知佢既存在, 今次一去到就首先影番張相先.

[那些年]一把年紀去宿營@西貢青協戶外訓練營

“宿營”呢兩個字對莎拉嚟講已經係上世紀既事了, 那些年一大班朋友仔會相約攪宿營夜晚唔願瞓覺既日子真係好好玩. 時至今日居然又再可以嚟宿營, 真係無得頂呀. 今次一行10人book了西貢青協戶外訓練營嚟一個”那些年宿營”. 

西貢青協戶外訓練營既房分了多種類型, 新的舊的都有, 而我地今次book既就係12人特選客房($1680/晚), 但因為規定不可男女同住, 所以就book了2間. 但其實如果人數夠多, 就可以book 28人複式客房, 咁就可以唔需分兩間屋了. 我地準時3pm就check in 攞房, 嘩,,,,間房好大好靚, 落地大玻璃加個埋個景真係無得輸呀!!! 

[黃埔新食力] Fullhouse Kitchen滿屋廚房

從前去黃埔往往只可以搭巴士或小巴才到, 所以一年都可能只去到一兩次. 而家地鐵終於都可以直到黃埔, 方便程度更勝從前, 前兩天突然想去黃埔號行街就立即行動. 黃埔花園附近有好多食店, 見到有間叫”Fullhouse kitchen 滿屋廚房”既餐廳.

印象中好似係荃灣愉景新城有間, 不過好似係foodcourt形式的, 見到食物既價錢唔貴, 最好就係有小童餐, 陶寶B就至like了. 

一起走過的18年

Dearest B,

如果沒有ICQ, 不知道我們會不會走在一起呢? 原來今年是ICQ的20週年, 我仲記的自己ICQ # 29376206, 還記的電腦傳來”Oh O….”有Message的聲音, 所有事情就是由此開始發生的了. 就是18年前的今天, 當日的畫面今天還瀝瀝在目. 

18年一起經歷了愛情, 學業, 事業, 家庭, 高高低低, 相信沒有人能夠比您更加清楚及明白我.

您除了是的我的男朋友, 老公, Ethan嗲咃之外, 您還是我的soul mate, 感謝您支持我的所有決定, 不論是對是錯, 沒有您就沒有今天大家擁有的一切.

Love you!!!

b

[K2親子遊]一群豬仔去旅行@天水圍

幼稚園開學無耐, 話咁快就又去秋季親子旅行了, 莎拉同謝菲都對呢次活動好重視, 所以就齊齊請假去喔. 今次既學校親子旅行係全校參與, 所以K1, K2及K3加加埋埋都有9架旅遊巴, 聽聞有啲家長仲報唔到名要Waiting list呀, 真係誇張呢. 一返到學校, 陶寶B就周圍去搵同學仔玩, 今年比起上年, 明顯地陶寶B又大個仔咗啦, 非常識Social, 排隊上巴士坐定定就向大西北方進發啦.

今日第一個行程就係天水圍既綠田園, 查實如果唔係跟學校嚟, 平時自己就一定唔會嚟.

[澳門驚喜]謝菲嗲哋3日2夜生日大快樂 (平嘆美食篇)

莎拉既C9仔旅行概念就係”平住豪食”或者掉轉”豪住平食”, 所以今次澳門就豪住了, 所以食就會食平DD, 咁先可以平衡吓. 雖然係平食, 不過澳門通街都係又平又好美既美食, 所以一樣可以食得開心.

世記咖啡外賣店 (氹仔店及新馬路店)

每次嚟澳門都要飲過世記炭煲既咖啡先至覺得嚟過澳門.

其實除咗佢既咖啡出名, 世記既炭燒包都好出名, 可惜每次嚟既時候唔係太多人就係店鋪就快關門無得食, 所以今次就一次過試咗好多款. 首先就叫了個咸牛肉蛋多士及辣魚豬仔包先. OMG, 咸牛肉蛋多士啲蛋真係成寸咁厚, 一啖咬落去真係好滿足好幸福呀. 

[放任玩]回歸簡單@Playright社區共建遊樂場

2016/11/20

自從係2年前係維園參加過Playright (智樂兒童遊戲協會)既活動之後, 就一些再想參加, 可惜次次都報唔到名呢. 今次中西區海濱舉辦既社區共建遊樂場, 莎拉係手提電話Set好晒鬧鐘提自己上網報名, 終於俾莎拉報到名之餘, 仲約埋朋友仔可以一齊去玩添. 今次智樂既活動場地係西環海濱, 平時真係無嚟過呢度, 一大片草地對住海旁, 今天天氣唔熱吹住海風真係好舒服. 

準時10點就到達場地, 展示確認報名身份的QR Code後就可以進場玩了, 今日仲約埋海琳妹妹一齊玩. 

[輕食茶點]朱古力棉花蛋糕杯Chocolate sponge cake (附食譜)

有時三點三口痕想食少少嘢, 唔想太飽太heavy, 可以轉一轉食件輕飄飄既棉花蛋糕喔. 名符其名, 朱古力棉花蛋糕杯既質感真係好似棉花一般, 又唔甜又唔漏,, 小朋友就算食多幾個都唔怕佢食滯呢. 如果唔想食朱古力味道, 改為原味/綠茶味都可以架.

[夜遊西九] 戶外睇戲@自由約

2016/10/9

自由約既活動唔知大家有無聽過呢?! 自由約會定期係每個月第二個星期日係西九海濱長廊舉行活動, 活動內容包括有音樂, 表演, 小朋友玩樂交流等等. 莎拉對佢就一啲都唔陌生, 因為之前都有去玩過. 

而剛過去10月份既自由約活動就特別啲, 因為有戶外電影播放喔. 戶外電影係外界一直都好流外, 但係香港就比較少有. 莎拉咁大個都未試過係戶外睇電影, 所以今次要去朝聖吓. 既然係晚上才有戲睇, 咁就不如順便嚟個夜間野餐喔. 

[和風茶點] 鯛魚燒Taiyaki (附食譜)

近日見天氣凍凍地就想整啲暖笠笠既茶點食, 諗起部老翻V仔機有一個鯛魚燒造型烤盤, 又係時間再開動啦. 小時候去日資百貨公司既Food court那一層, 一定會被即場製作既鯛魚燒香味而吸引, 熱辣辣香噴噴既蛋糕質地外層包住香甜既紅豆蓉, 真係無得抗拒, 特別係冬天時暖暖的鯛魚燒拿在手中, 真係零捨好食.

[又飲又食]Wine and dine festival 2016 @ 中環海濱

2016/10/29

又嚟到一年一度既Wine and dine festival夜遊中環既好節目了, 還記得上年同陶寶B嚟, 佢中途眼瞓到瞓咗, 所以今年就要佢下午瞓個午睡叉足電先出發. 雖然Wine and Dine看似一個唔太啱小朋友參與既活動, 但其實場內除咗Wine之外, 仲有大量美食, 食嘢就無分年紀架啦. 

吸取上年入場要排隊既經驗, 今年就特別早少少入場, 不過可能有少少雨, 所以人流唔太多, 不用排隊就可以直入會場了. 

[茶樓頂點] XO醬炒腸粉Stir fry rice-flour roll with XO sauce (附食譜)

平時去飲茶時, 除咗會叫啲炒粉麵頂吓肚之外, XO醬炒腸粉都係莎拉另一個”飛彿”選擇, 不過一碟XO醬炒腸粉好多時都係細細碟仲要係頂點, 一家人食真係分分鐘每人食得果一兩條, 真係食到”到喉唔到肺”架, 既然係咁不如試吓自己動手炒吧, 煮出嚟一大碟, 咁先係大滿足呢.

[秋季滋潤]圓肉杞子桃膠糖水 Autumn sweet soup (附食譜)

秋風起之後就總係覺得個人特別dry, 係時候要煲啲糖水滋潤一吓. 呢一兩年” 桃膠”呢樣食材非常流行, 桃膠有平價/素食燕窩既別名, 因為桃膠有豐富既植物性骨膠原蛋白, 所以女人食對皮膚特別好, 再加上用了圓肉杞子紅棗, 一聽就知女人飲咗特別好呢. 因此莎拉每次都會煮3-4碗既分量, 咁就可以分幾日慢慢食. 

姊妹們, 做女人的自己要對自己好一點呀. 而如果你係男人, 煲呢個糖水給老婆/女朋友, 佢地一定會覺得你好體貼!