進入12月之後, 聖誕節既氣氛真係到處都感受到呢, 而各大商場既聖誕佈置都準備好, 屋企附近既奧海城今年既聖誕佈置好顏色鮮艷, 因為主題係”荒失失奇兵聖誕雜技團體驗”喔.
場內有好多又得意又可愛既影相位, 荒失失奇兵卡通主角周圍都係.
連大人都忍唔住要影埋一份呀, 因為佈置實在太Colorful了.
呢個扮空中炮彈人既必影, 因為真係好搞笑.
除咗可以影靚相之外, 小朋友們仲可以扮雜技員架, 只要係商場內電子消費每滿$100就可以換一張遊戲券. 場內分別有3個小遊戲, 我莎拉嚟直撃吓先. 首先介紹既係”攀山越嶺”.
聽個名都知係爬高爬低了, 小朋友要攀上石牆找出公仔就可以得到30分了, 放心小朋友玩時會繫上安全帶及有專人教練指導的, 而整個攀山過程都其實係吹氣彈彈床上進行, 所以係好安全架.
不過要玩呢個遊戲既小朋友要高於90cm或以上及體重少於75kg, 同陶寶B睇人玩咗一陣, 呢個小朋友居然唔玩呢, 可能因為要爬高呢, 不過其實都係架, 太細既小朋友可能會唔識點去攀石. 咁我地就轉去睇睇第二個遊戲”勇猛跳火圈”.
呢個一聽就知點玩啦, 陶寶B一開始就先跳過啲圈圈.
之後就拎住個雜技碟轉轉吓行獨木橋,
遊戲非常簡單, 唔駛1分鐘就玩完啦.
最後就係”驚險飛刀”, 陶寶B拎住三把紙刀向住轉動中既輪盤內的星星飛.
但係一睇就知唔中啦, 眼界呢樣嘢睇嚟要慢慢練.
有得玩又點可以無得食呀?!!!只要每完成一個遊戲就可以得到2個印章, 集整6個印章就可以換到一客”荒失失爆谷” 一客.
玩完有得食, YEAH!!!!
陶寶B一有爆谷食就唔客氣了. 仲要食到咁”朝積”!!!
大家如果行過路過不妨嚟呢個商場搵荒失失奇兵聖誕雜技團, 自己扮吓雜員玩吓!
No comments:
Post a Comment