[執支好筆]Stabilo專用力學三角筆

幼稚園進入K2學年後, 功課已由K1油下顏色連下線, 進化到K2開始學習寫字. 不過陶寶B既小手肌係麻麻地, 平時油顏色時見佢無論力度及角度既應用都唔係控制得太好, 所以對於寫字要求較細緻既小手肌控制, 陶寶B既弱點就通通曝露晒出嚟. 為咗改善及面對未來愈加煩重寫字練習功課, 莎拉都要想想辨法. 除了平時多啲玩一些小手肌訓練遊戲之外, 工具(支筆)呢啲硬件都好重要, 俗語都有話”工慾善其事,必先利其器”啦. 

日常平時使用普通鉛筆既筆身都係圓形或六角形, 對於初學寫字既小朋友係比較難揸筆及控制, 所以使用三角形筆身既就比較好, 而莎拉就找到呢款Stabilo天鵝牌專用力學三角筆.

[飯盒革命]星洲炒米 Singapore style stir-fried rice noddle (附食譜)

星洲炒米同揚州炒飯有一個共通點, 就係揚州跟本無揚州炒飯, 去到星洲跟本搵唔到星洲炒米. 星洲炒米係茶餐廳及酒樓既午餐餐牌既常客, 不過出街食星洲炒米, 往往都會擔心太辣而小朋友食唔到, 所以自己整星洲炒米就可以控制辛辣程度, 炒定第二日帶飯都好合適, 而材料其實沒有硬性規定用什麼配料, 打開個雪櫃見有咩就用咩, 好隨意的.

[飯盒革命]肉碎茄子炆米 Eggplant minced pork with rice noodle (附食譜)

每日返工, 最期待除咗係放工果一刻之外, 相信就係放Lunch了, 不過而家lunch出街食, 閒閒地最平都要$50, 真係愈來愈貴, 所以我呢啲C9仔就係帶飯盒既常客, 除咗可以慳啲之餘, 仲可以食得健康一啲. 不過如果打開既飯餸係昨晚剛剛食過, 咁又真係會好悶, 為咗為每天既工作帶嚟正能量, 用少少時間煮一個快靚正既飯盒又何妨. 呢個肉碎茄子炆米材料簡單, 隔了一晚第二日”叮”都係香噴噴架.

刷刷刷,,,刷牙吧

每日早晚刷一次牙是常識吧, 陶寶B雖然自2歲就開始刷牙, 但係愈大就愈唔鍾意刷, 每晚刷牙時都會問莎拉刷幾多下, 仲要講價還價, 而就算刷都刷得好求其, 是是旦旦敷衍莎拉, 咁樣長久下去都唔係辨法, 所以為咗唔想再同呢位談判專家每晚斡旋, 莎拉決定要諗諗計仔先得, 答案就係一支$75既電動計時牙刷! 

[滋味之選]韓式BBQ一字骨 Spare ribs with korean bbq sauce (附食譜)

這個韓式BBQ一字骨每次食都會食到舐舐脷, 應該係食到舐晒手指至直, 我們一家三口可以食一打一字骨, 真係多多都食到架. 做法又方便, 預先一晚醃定, 第二日就可以焗嚟食, 加個菜, 咁就可以又一餐健康美食,  真係快靚正呀. 

生日衝出去@新加坡4日3夜親子遊-Day 4 (上)

Day 4 : Little India (小印度)-> Chinatown (牛車水)-> Sea Aquarium-> Sky Luge -> 大食代@Vivocity-> 機場

今日最後一天係新加坡啦, 不過今晚零晨機先飛, 所以今日係會由朝玩到晚, 真係去到好盡呢. 酒店Check-out後就寄存行李, 之後就出發開始今日既行程了. 今日第一站就係Little india小印度, 莎拉對呢個充滿異國風情既地方有啲期待, 因為真正既印度睇怕都無機會去, 但新加坡內既小印度既衛生程度相信可以接受呢. 

[清新之選]牛肝菌意粉Porcini mushroom pasta (附食譜)

有時餐餐都大魚大肉, 間唔時一餐清清地食素都係唔錯既選擇, 加上近年推行Green Monday, 一星期一天食素既概念更加讓人容易接受. 而素食既食材之中, 菇類好多時都會係用作為肉類既代替品, 而牛肝菌更加係菇類中香味濃郁既品種之一, 食材雖然是簡單, 但味道絕對不能看少.

[茶點之選]藍莓蛋糕仔Blueberry cupcake (附食譜)

有小朋友在家中, 就要時時都準備一些茶點小吃, 而蛋糕仔一直都係陶寶B既頭號至愛, 蛋糕仔加埋藍莓就更加鐘意, 酸酸又甜甜, 當作茶點或早餐都可以, 加上整蛋糕已成為與陶寶B之間既親子活動之一了, 每當佢一聽到莎拉開動個那個電動攪拌器, 陶寶B就會衝入廚房話要幫手喔. 呢個食譜既麵糊其實除了配藍莓之外, 仲可以配士多啤利或菠蘿都可以的.

[暑假最後活動]Harmonic Motion@IFC

IFC今個暑假舉辦了呢個Harmonic motion既活動, 大大個手工做既繩網係正IFC商場當眼位, 大人同小朋友可以瘋狂地爬上爬落, 真係諗地都開心, 不過活動初期只接受電話預約, 聽聞好多媽咪打到個電話爛先至book到, 所以返工中既莎拉就更加唔駛諗了. 

好彩後來就有了online booking, 不過要book到真係一啲都唔易, 每日10am開放system, 唔駛5分鐘就book滿了, 所以真係要set定alarm先book到. 幸運地係活動完結前幾日book到位, 真係滾動到喊呀!!! 

生日衝出去@新加坡4日3夜親子遊-Day 3 (下)

Day 3 : Singapore Zoo @ Ah Meng Restaurant 早餐-> Singapore Zoo (Rainforest Kidzworld)-> Raffles Quay MTR -> Merlion Park -> 老百剎熟食中心Lau Pa Sat

Raffles Quay 地鐵站可以講係四通不達, 出口真係有N咁多個, 所以真係要睇清楚邊個出口先好繼續行. 其實嚟新加坡既遊客如果係第一次嚟都會去Merlion Park, 就好似唔到Merlion Park就無去過新加坡咁, 所以我地都唔例外.