刷刷刷,,,刷牙吧

每日早晚刷一次牙是常識吧, 陶寶B雖然自2歲就開始刷牙, 但係愈大就愈唔鍾意刷, 每晚刷牙時都會問莎拉刷幾多下, 仲要講價還價, 而就算刷都刷得好求其, 是是旦旦敷衍莎拉, 咁樣長久下去都唔係辨法, 所以為咗唔想再同呢位談判專家每晚斡旋, 莎拉決定要諗諗計仔先得, 答案就係一支$75既電動計時牙刷! 

呢支電動牙刷開動後2分鐘會自動關掉, 陶寶B再問莎拉要刷幾多下都無有怕. 第一晚使用既效果都ok喎, 佢好似當玩玩具咁刷, 起碼比起平時刷牙時間耐咗好多之餘, 莎拉唔駛再擔心佢刷得乾唔乾淨, 因為電動牙刷係會比傳統既牙刷較全面的. 希望陶寶B唔係有頭威無尾陣啦, 唔好浪費莎拉既金錢呀!!!!

可憐既謝菲嗲哋其實講了N次想轉用電動牙刷, 不過莎拉就唔買, 而家有人話唔公平喎!

陶寶b與莎拉媽