2011/12/24

紙婚舊地重遊晚餐

雖然結婚週年記念正日係12月18日, 但係18日晚要去飲呢, 所以我地就提早一日慶祝. 當日Wedding banqet後, 酒店送了一張$500Mistral 餐廳既 voucher俾我地係一年之後用, 所以首選就揀番去The Mistral啦.

祝大家聖誕快樂

祝各位blogger及朋友仔聖誕快樂, have a wonderful christmas holiday with family and friends!!!!


2011/12/18

紙婚記念日

結婚一週年又稱為"紙婚"(paper wedding), 譽意好似紙張咁脆咁薄呀! 真係話咁快就結婚一週年記念啦, 時間真係過得好快呀! 當日Wedding day既一切都仲記得好清楚, 最記得就係好凍呢(當日得15C咋), 仲有大家宣讀誓詞交換結婚介指既一刻!

一年既婚姻生活係無限既開心, 相比起結婚前, 返而成日因為婚禮既事而嗌交(而家諗番都覺無謂呀), 但當婚禮完成後, 就真係交都無再嗌啦, 一切都係係開開心心既婚姻生活呢, 如果唔係莎拉同謝菲都唔會心擴體胖啦.

上年呢個時候我應該係入門敬茶中呢, 哈哈哈!!! 今日同謝菲攞番Wedding day當日既相出嚟睇番, 真係大家都"chok"到爆呀!

我地仲睇番wedding day當晚, 伴郎及伴娘姊妹們上台既speech!!!

再睇一次, 伴郎真係睇N次N次都好好笑, 因為佢爆咗謝菲一啲好好瘀既事呀!!!



而伴娘姊妹們既令我感動.

希望往後有N個既結婚週年記念, 開開心心!!!!




2011/12/10

九寨溝家家樂之旅-Day 5(上)

今朝係峨眉山既行程, 又係0600 morning call, 因為要早早趕上峨眉山呀! 天落住毛毛雨, 聽導遊講原來成都呢度既天氣日日都會好似咁樣, 日日都係濕濕漉漉, 天灰灰咁, 呢啲天氣真係令人好無mood呢!!!

2011/12/09

九寨溝家家樂之旅-Day 4(下)

嘩, 係成都一落機, 轉頭就又上巴士去樂山睇大彿呢.

座座座, 燉燉燉, 終於係下午4:30到樂山啦, 真係座到"Pat Pat"都扁, 成個人都"溫溫燉燉"呀! 睇大彿既其中一個方法就係座船呢, 團費就已經包咗啦.

2011/12/04

我們的第13個年頭

Dearest B,

呢幾年既12月4日, 我都要用手指去算一算我地今年係第幾年既拍拖週年, 因為已經十隻手指都數唔晒啦, 唔覺唔覺原來已經係第13個年頭啦. 上年呢個時候我仲係以女朋友既身份去寫咗一卦信俾你. 而今年已經係用陶太既身份去寫呢卦信給你.

能夠一起13個年頭, 真係一啲都唔容易, 回想當中都經過唔少既考驗及挑戰, 無驚無險都可以與你一齊去到結婚呢一個人生新既一頁, 成為你的陶太.

感激上天能夠給我遇上你, 因為你除了係我既情人,又係我既soul buddy, 哈哈哈, 最正係你係我既奴隸獸呀(!!!!)

感激你同一時間能包容我呢個有時會化身為野蠻人既我, 但另一方面你都繼續種容我呢個小霸王!

感激你係過去既一年裡面, 陪伴著我一起渡過無論係開心或傷心既時刻!

感激你用心帶給我無限既開心及驚喜Moment!

有了你便足夠啦!!! Love you....8!!!!

xoxo,
b