2010/10/31

Grasshopper concert 2010 回到中學年代

呢幾日有啲作感冒既徵狀, 死吓死吓咁, 但係一到星期六晚睇草蜢演唱會, 就鬼打咁精神, 睇concert絕對能醫百病!!!

2010/10/27

DIY襟花教室101

由開始決定整手花襟花後, 就不停咁睇咗唔少Blog去學整, 其間當然整過唔少失敗品, 但當最後整出一個靚靚製成品時, 就好滿足! 希望呢篇DIY手花教室101幫到想DIY既Bride-to-be啦!


材料: 絲花, 襟花托針, 花材鐵線(#28號), 花貼, 絲帶, 熱熔槍



Step 1) 將絲花駁位接上花材鐵線, 然後用熱熔槍黏實.



2) 用花貼包住絲花駁位.



3) 先將三組絲花用花貼包住固定.



4) 然後將餘下的絲花與之前已固定的花材用花貼包住.



5) 將已固定的花材用花貼與襟花托針hold在一齊.



6)最後可用絲帶包住襟花托針腳及用熱熔槍封口貼實.



7) 大功告成



溫馨提示:


1) 基本上,以上既所有材料可以係太子繽紛可以買到, 但係花材鐵線(#28號), 花貼, 絲帶及熱熔槍呢幾樣材料係深水埗德祥文具買就可以平啲.


2) 我所用既襟花托針係太子繽紛買, 比起出面賣既係貴少少 ($3.5/PCS), 但係因為花托既部份較長, 初開者會容易掌握.


3) 襟花托針腳可加蝴蝶結, 隨你喜好.


4) 使用熱熔槍時請小心, 因我自己都被燙傷過.


2010/10/26

DIY兄弟襟花大功告成

hohoho!!! DIY兄弟襟花終於搞掂!!! 相比起整姊妹手花, 襟花真係容易好多!!! 而之前苦惱緊點樣襯啲襟花, 行完一轉繽紛, 問題就已經解決!!! 個顏色同啲姊妹手花好接近!

今次真係又快又叻, 只係用咗2晚時間就攪掂!!! 可以向下一個DIY items進發!!!





2010/10/25

裙褂鞋有著落啦

裙褂鞋呢一樣嘢, 由一開始曾經見過有人著converse去襯裙褂之後, 呢個idea就一直係我過腦到念念不忘!!!!

而我所租既裙褂唔係cocoon款式, 而係接近傳統款式得嚟又有新原素(click入去就知係咩款: 我的裙褂), 所以如果著converse應該無問題. 而謝菲都好讚成我呢個idea, 好啦, 就買對金色或紅色既converse 啦!

咁紅色好定係金色好呢? 紅色款又好似dry咗啲, 而最好有少少bling bling啦, 我見過有blogger係對紅色converse上貼水晶, 嘩,,,,,真係好靚,,,但係我時間只剩2個月, 唔夠時間整架啦, 放棄紅色converse啦, 專心搵金色款啦!!

點知平時係運動鋪見到好金色款既converse, 而家全部都唔見晒, 只係得番一款金色超bling款, 但係要成$699, 好似貴咗啲, 同埋河過款第時都好難著得番.

當我係好絕望既時候, 謝菲係converse 個official website見到對新出既金色有啲bling bling既款, 價錢$499(仲有20%off), 合晒我心意, 一於就買呢對啦!!!
而謝菲都順便買埋佢對白色Air Force用嚟襯早上接新娘既黑色禮服!!!
好嘢, 又KO一樣嘢, 舒服晒!!!

2010/10/24

大閘蟹時間又到

10月份, 又係大閘蟹開季既時候, 雖然明知蟹呢一樣食物好毒, 食多無益, 但係對於一個鐘意食蟹既人嚟, 有毒都要食!!!!

星期六, 未來姑仔上嚟屋企食飯, 佢同樣好鐘意食蟹, 所以我同謝菲就出去九龍城買大閘蟹.

嘩!!!!原來係九龍城買大閘蟹係抵好多!!!之前如果係屋企整大閘蟹, 好多時都係去超級市場買, 但同一價錢係九龍城買, 係可以大隻好多,,,,,哎呀,,,,蠢咗好多年呀!!!

2010/10/23

又一 好朋友送既結婚禮物

上星期日收到一份由加拿大空運番嚟既結婚禮物, 本來我預咗呢位相識多年既好朋友為姊妹團之一, 但係因為工作關係未能出席,

Nana, 唔緊要啦, 明白架啦, 有你既祝福已經非常開心!!!!

2010/10/21

結婚介指is ready

婚禮進入最後直路200米(好似跑馬!!!), 之前係PN所訂既結婚介指都剛剛係星期日攞埋!!!





我試過將隻介指放係隻wedding ring dish到, fit晒,,,,,

2010/10/20

wedding ring dish收到啦

係etsy睇完一論後, 我最後揀咗第一款既wedding ring dish (上回, 請睇選擇中的Wedding ring dish)

落咗order後, 等了又等,,,終於收到一份係新加坡寄嚟既包裹啦!!!!
好緊張呀!!!!!
拆呀....拆呀.....拆呀.......

2010/10/19

DIY手花終於完成

由整起第一個手花後, 經過前前後後差唔多成個月, 我個5個DIY手花終於搞掂!!!!好彩Bridesmaid team得5個, 如果要整多幾個真係要捱多幾晚夜先掂!

相比起整襟花及攔門花球, 手花真係複雜啲, 所需既時間都多啲! 而我係選擇用2條珍珠鍊嚟戴係手, 因為之前用1條時, 姊妹既comment係, 好似2條會靘啲同實淨啲, 所以revised version就用2條珍珠鍊.

整完手花後, 下一個task就係襟花, 但係唔知好無用番同一款花,,,,煩惱中!!!!



2010/10/17

New York Chesse Cake (附有食譜)

為慶祝進行最後倒數2個月(heehee!!!藉口), 星期六早上就開工整番個New York Chesse Cake!!! 今次係我跟呢個receipt第三次整, 效果一次比一次好, 又唔難整, 用嚟整比男朋友, 朋友及屋企人當生日蛋糕都得!

2010/10/16

Carat 有好嘢

今日係重陽節假期, 難得謝菲上午唔洗返工, 有全日時間好好用, 就出去行下尖沙咀, 目標之一係去Carat, 因為好想睇吓有無啲靚既首飾俾自己及屋企人襯衫.

自己既就未有搵到, 因為花多眼亂, 但就賣咗一套2對耳環+頸鍊(silver)俾謝菲既細妹襯晚裝! 呢set嘢好抵, 原價$35XX, 宜家Special只係賣$921! 差啲都想買多set俾自己!



2010/10/11

又攪掂Table Number Card

本來之前諗住DIY 個table number card, 但因心中想整既有啲複雜, 諗諗吓未必整得掂, 所以一拖再拖!!!

近來成日好似中咗"淘寶"毒, 一得閒就search吓有咩好嘢, 無意中搵到啲啱心水既table number card, 顏色同pattern都係我同謝菲心水, 每張賣$9, 價錢可以.

2010/10/09

行禮註冊之搞搞氣氛

因為我係戶外註冊, 雖然我無草地既戶外婚禮, 但我都好想加啲outdoor既元素,,,,,,,,,,,,

可以加啲咩嘢呢?????

Heehee, 就係玩泡泡水!!!!

之前返加拿大時, 係dollar shop見到啲細細樽, 結婚蛋糕型既泡泡水, 個次買咗嚟玩, 效果都OK. 但因為我上次結婚既籌備都完全未開始, 所以都無買到番HK.

其實係HK都有間Online store有得賣, 但就$4.5/支, 但min order要50支, 但我只需要少量, 所以唔得!!!

係淘寶都有得賣, 好平咋, $1.5/支, 好可惜, 液體唔可以付運到香港,,,,,,點算好呢????

就係呢個時候, 我細佬突然話返嚟HK放假1星期, Heehee, 好嘢, 細佬唔該順手買埋番嚟HK啦!!!!
係加拿大買真係好平, 24支, $4.99CAD, 平均$1.8港幣一支!!! 抵呀!!!! 但就搵唔到結婚蛋糕型泡泡水樽, 佢就買咗Love bird泡泡水樽!

2010/10/07

星期日係baking time

國慶連續三日假期, 好正, 可以瞓餐飽!!!星期六晚, 好似上咗電咁, 整手花整到4am都唔覺眼瞓, 平時要返工, 未夠12am就開始恰眼瞓啦!!!!

星期日早上起身後, 心血來潮諗起屋企有盒無印良品既dry fruit cake mix, 好啦, 焗個蛋糕加杯coffee for 三點三, 好嘆呀!!!! 如果個個禮拜都係long weekend就好啦!!!! (發夢中!!!!!)




2010/10/05

婚宴佈置-Dica Venue Decoration

由一開始籌備婚禮, 除咗上綱search wedding gown, photographer 之外, 我另一熱門search item就係 banquet decoration.

起初第一時間對JNC好有興趣, 因為佢啲decoration用好多立體道具, 之前見過佢其中一個job係個stage到放咗一對好大隻既銀天鵝, 一問之下原來好貴,,,,,,我真係唔知價!!!! 其實decoration真係可以去到好貴, 平既由$4000至貴到萬萬聲都可以!!!

JNC真係out咗我個budget, 唯有繼續再搵! 之後係無意間係綱上搵到Dica Venue Decoration, 用家comment都幾好, 而呢間公司係一年之前都未咁出名, 而家好似越做越有規模, 價錢都加咗啦!!!

Dica Venue 有好多大型既道具, 價錢有多有少, 真係要睇係我想要咩!!

其實係佈置方面, 呢個items比我想像中要貴, 好多時見到個stage上, reception檯上的每樣特別少少既嘢都好可能要加錢. 最後去 Dica venue 與 Andy 見面後, 就決定將佈置交俾佢, 因為好多blogger都對Andy有不錯既評語. 因我budget有限, Andy會因應我既budget而盡量去做.


Wedding banquet既顏色決定會用white, silver, purple為theme color!!! 而個stage就已經有draft 啦, heehee, 個stage上有一件大型道具, 係咩呢? 為咗保持神秘感, 等大日子個日就知啦!!!



2010/10/03

DIY攔門花球

呢個DIY items本來唔諗住整, 但係見到blogger Gen 個花球整得咁靚, 我又心思思想整番個, 橫掂自己本身之前都買咗啲發泡膠球諗住整啲花球for outdoor証婚時掛係兩排椅, 但後來先發現整一個咁既花球係要用好多花, 所以就無用到.

好啦, 星期六就出去花園街伯伯到買啲紫紅色大玫瑰, $45有12個頭. 夜晚食完飯就開工!!

其實相比起整手花, 攔門花球真係容易好多. 初頭諗住12枝大玫瑰應該足夠, 點知原來好怏水, 我要將啲玫瑰花撐大佢先叫做OK, 整完出嚟都幾好睇, 我諗到時接新娘時影相應該幾sharp!!! heehee, 又KO一樣嘢!!!!



2010/10/02

兄弟領呔攪掂

星期六係旺角同屋企飲完茶, 見有啲時間, 就不如行去太子尋寶, 睇吓有無wedding岩用既花 for decoration.

行到洗衣街, 見到一間極之唔起眼既鋪頭, 門口有啲絲花賣, 入去睇吓有無好嘢啦!!! 其實佢啲絲花質素麻麻地, 行到入鋪頭尾見到有好齊顏色既窄身領呔, 賣$100有8條, 平均$12.5一條, 價錢ok喎, 本來我都諗住係淘寶買, 但計落$5-$8條加埋$35郵費, 訐落差唔多, 加上有實貨有齊顏色, 就決定買啦!!!

姊姊裙係紫色, 兄弟呔當然要紫色啦, 而有斜紋既就俾best man!!!



2010/10/01

Cheers!!!

當晚既紅酒終於都揀埋啦!!!!

講真其實我唔係好識分邊隻好, 邊隻唔好, 哈哈, 呢個時候梗係要出動識飲識食既細妹阿Sab啦! 多謝阿Sab既結婚賀禮, 當晚既紅酒佢既!!!!!

佢最後揀咗最後兩強俾我試飲, 經過全家人試飲後, 勝出者誕生啦!!!

哈哈, 謝菲不嬲都飲少少就好似關公咁, 佢個晚都睇怕要飲利賓納當酒先可以, 或者等我嚟啦!!!!





但係唔知應該order幾多支呀!!!!有無人俾到啲comment呢?