IFC今個暑假舉辦了呢個Harmonic
motion既活動, 大大個手工做既繩網係正IFC商場當眼位, 大人同小朋友可以瘋狂地爬上爬落, 真係諗地都開心, 不過活動初期只接受電話預約, 聽聞好多媽咪打到個電話爛先至book到, 所以返工中既莎拉就更加唔駛諗了.
好彩後來就有了online booking, 不過要book到真係一啲都唔易, 每日10am開放system, 唔駛5分鐘就book滿了, 所以真係要set定alarm先book到. 幸運地係活動完結前幾日book到位, 真係滾動到喊呀!!!
當日一放工就回家接陶寶B飛奔去IFC, 呢位小朋友等入埸時望住其他小朋友係個繩網度不斷玩, 自己就睇到傻笑, 好彩係BOOK咗先帶佢嚟, 如果唔係只有得睇無玩真係會喊都似.
時間一到陶寶B就飛快爬上去, 哈哈哈, 不過原來唔係每個窿都爬到上去架, 傻瓜!
爬到上去後, 陶寶B好努力咁想爬高啲, 但原來係好難爬, 出面睇就好容易, 但實質就好難呢.
幾經努力, 陶寶B終於爬到上去頂啦, 之後仲會Sir落嚟, 不知幾好玩呢.
繩網上仲有好多窿, 小朋友或大人都可以坐落去, 好得意架.
真係唔好睇少爬繩網呢個活動, 因為體力消耗係好大, 我地呢啲老人家陪小朋友上去癲既, 玩了10分鐘都已經好攰了, 仲要陶寶B唔好郁影相真係挑戰自我.
參加既人每日節可以玩20分鐘, 老實講俾多10分鐘我玩都投降啦, 因為陶寶B可以不斷地上上落落, 我真係跟唔到!
不如我地乖乖地返去地面同嗲哋影張相先啦, 佢有得睇無得玩呀!
其實老實講, 呢個Harmonic motion既活動真係好好玩, 大人小朋友都會玩得好開心, 如果下年再有, 莎拉都會舉手要去玩呀.
No comments:
Post a Comment