2016/10/29
又嚟到一年一度既Wine and dine festival夜遊中環既好節目了, 還記得上年同陶寶B嚟, 佢中途眼瞓到瞓咗, 所以今年就要佢下午瞓個午睡叉足電先出發. 雖然Wine and Dine看似一個唔太啱小朋友參與既活動, 但其實場內除咗Wine之外, 仲有大量美食, 食嘢就無分年紀架啦.
今年場內既裝飾都比上年靚咗, 呢度啲紫色串串燈極之吸引人停下來影相.
今件除了莎拉一家3口之外, 仲約埋一大班朋友一齊飲飲食食. 唔好講笑, 一入到會埸就已經被周圍既小食攤檔食香味吸引啦, 真係花多眼亂, 都唔知由何食起呢, 樣樣都想食, 最後就買了呢串土匪雞肉串作為今天瘋狂食食食既開始, 陶寶B一定好肚餓, 一個人食一串雞肉串不得只, 仲要食到好似吹肅咁款, 食C人.
今年食物既攤檔明顯比上年多咗好多, 而今年會場都大了好多, 所以行人通道比上年闊落好多, 今年行都行得舒服一些. 食過雞肉串之後就好似開了Turbo一樣, 不停地食食食, 人多就有個好處就係可以買多些不同小吃一齊share, 咁就可以用最平既價錢去試最多既美食喔.
食過美食之後就有啲口渴了, 係時候搵啲嘢飲吓. 其實莎拉唔係品酒之人, 所以今天都係會搵啲得意又小見既酒嚟試飲. 行過路過見到有個老外聲問”Are you ready?!”, 立時就被佢既聲音吸引停下嚟睇吓係咩, 原本係將strong liquor倒落冰梯之後流入材中之後再加另一種酒, 之後呢位老外就會倒入客人口中, haha!!! 莎拉睇睇吓就被氣氛吸引, 於是就去試吓啦, 誠惠2個tokens! Wow,,,strong liquor, 真係好耐無飲過啦, 莎拉飲完後, 朋友仔都跟住試一試呀.
放心未醉未醉, 仲可以打卡影相.
大家cheers!!!!!
大人就飲酒, 無理由會漏咗小朋友個份既, 呢支日本Honey lemon真係ichiban呀!
“香港地”呢一部份就係最吸引莎拉, 因為有好多本地既新派好創新既cocktail, 今次就試了一杯”花落誰家”, 未飲只係聞都已經係好香既菊花香味, 飲落好易入口, 女仔少啲酒量飲得多真係會好易醉呢.
雖然陶寶B無飲任何酒, 但佢當晚都Super-hyper, 唔知係咪聞得太多酒氣呢?!
Haha! 不斷食小食都唔係好飽, 所以就買了個和牛漢堡嘆一嘆, yummy呀, 一個人差不多食晒成個burger, 真係勁呀!
食完正餐當然要食吓甜品喔, 行過見到呢款係韓國大熱既益力多沙冰就買嚟試一試, 味道其實同香港既益力多一樣, 搵日要試吓自己雪支港板益力多沙冰先得.
其實Wine and Dine festival就好似一個大party, 約埋三五知己一齊飲吓又食吓, 周圍被高樓大廈包圍住加埋香港既夜景真係好chill, 下年再嚟啦.
No comments:
Post a Comment