見到咁多新娘子都DIY吓結婚啲野, 搞到我都心思思整埋一份. 既然係咁不如就試吓啦!!!
心目中DIY既項目有:
1)姊妹手花 - 有idea想整白色或淺色花既color tone, 兄弟襟花睇吓到時仲有無現間整.
2)簽名筆 - 紅色或粉紅色color
3)Welcome board - for早上註冊用, 未有idea!!!
4) 註冊場合decoration用既小型花球 - 用嚟掛係賓客個兩排椅上.
5)Table number - 已有idea, 但需要laser切割界圖案及字! 唔知整唔整得切.
於是就係Weekend時去花墟買咗啲花, 而今日放工後就去咗DIY朝聖集中地
深水埗德祥文具.
一返到屋企食完飯就開工!!!其實一開始時係想整簽名筆, 點知連簽名筆都未買, 於是就轉整手花. 本來初頭諗住姊妹們啲手花用真花, 但係諗諗吓自己過去做姊妹既經驗, 如果用真花, 到夜晚時, 啲花都會搞到殘, 二來好多時, 真花既手帶永遠都非常難戴, 所以都將手花包括在DIY項目中!!!
參考咗好多blogger, 睇落好似好易整, 但原來唔係咁易, 今次實驗品就有好多要改善既地方, 望落去好似ok, 但戴上手就發現有問題. 唯有明天再試!!!!
你好呀,我路過見你,原來你同我都係同一日結婚架~~
ReplyDelete可唔可以add我呀??我已經add左你喇~~
[版主回覆09/07/2010 20:50:00]Hihi, 我都add咗你啦!!!!12月18日真係好日, 好多人都揀咗呢一日!!!!
我覺得幾靚呀! 戴上手有咩問題呀? 我自己就假手於人啦, 冇時間做lu~
ReplyDelete[版主回覆09/08/2010 22:36:00]戴上手時, 唔知係咪個花太重HOLD得唔實, 個花係咁向下"dup"!!
噫噫~ 唔錯ar唔錯ar~ 做形好靚呀! 您就好啦, 仲有3個月ja, 您仲有時間做倒咁多野? 好似好有恆心咁wo! 問題? 我諗您可以試下, 加一條約1.5至2cm的絲帶上去, 試試是否可行?
ReplyDelete[版主回覆09/09/2010 22:02:00]thanks!!!!其實我都唔知整唔整得晒, 可能爛尾架........
我會試吓你個建議, 試吓加絲帶得唔得...
好靚AR^^戴上手有MO問題呀?
ReplyDelete[版主回覆09/12/2010 15:45:00]呢個手花, 好睇唔好用, 戴上手時hold唔實, 係咁向下"dup", 所以要再試過, 哈哈哈, 暫時我已將呢款花型改為簽名筆, 等我遲啲post出嚟share吓!!!