遊走加拿大-Day 6 - Quebec city

昨晚既婚宴差不多午夜12才結束, 沖埋涼瞓覺都差不多成2am啦, 但因為有部份親友都係第一次來加拿大, 所以都要增取時間去遊覽觀光. 今日就會去Quebec city 既old port, 距離Montreal大約2.5小時既車程. 

因為Quebec city係由法國人登錄及發現, 所以當地係深深受到歐洲文化影響.


Old Port周圍建築充滿法式味道.

城內既街道全部都係用石鋪成的街道

如果今天有多一些時間, 一定會係呢度食番個Lunch呀

莎拉上一次來Quebec city都已經係差不多20年前既事了, 所以其實印象都已經好模糊了, 今次再來就有如溫故知新. 

如果冬季時份(約1月份)來Quebec city的話, 會有個冰雪節舉行, 另外仲有可以參觀用冰做既酒店架.  咁多天既旅遊觀光, 今天陶寶B既表現係最好, 唔會再好似係Banff時因時差關係而扭計, 又要食奶咀又喊晒口了. 

今天心情非常好, 整天笑笑口, 

當然啦, 有雪糕食呀嗎. 

今天沒有再食住奶咀, 可以好好地影幾張全家幅了. 

行完市集就向山上進發了, 我地呢啲懶人當然係座欖車啦.

山上就係出名既Chateau Frontenac castle hotel, 酒店建於1893年, 而家酒店係Fairmont管理的, 即係與在Banff Lake Louise那一間係同一集團呢.  

除了有呢間歷史悠久既酒店之外, 長廊仲有相信係歷史人物既銅像(莎拉都沒有走去睇真啲呢)

婆婆拖住陶寶B一齊影番張相先, Say Chesse!!!!

見佢今天心情大好, 再影多幾張相先!

陶寶B今年真係好享受喔, 自己行行吓就座係木板長廊都不得只, 仲瞓係木板度呢晒太陽, 你真係識嘆呀(好彩你唔會係香港瞓係條街度咋). 

自動波行多兩步又再座係地下Hea一Hea, 有無咁爽呀!

很喜歡每一間建築物既外觀都不一樣, 屋頂間間都不同顏色.

呢度仲有幾支大砲係度, 等我地車大砲先.

當我們係木板長廊行既時候, 陶寶B見到其中一家人既小朋友拎住個氣球玩, 陶寶B係咁拉莎拉扭計要個氣球, 莎拉當然沒有理會佢啦. 之後係木板長廊再說相遇呢一家人, 陶寶B又再扭計, 此時個小男孩主動走來將個氣球送交陶寶B, 呢個小男孩大約6-7歲, 佢真係好乖好有家教喔,

陶寶B現在係學習分享的階段, 希望佢都可以好似呢位哥哥一樣會無條件的分享喔.