身高及體重
可能陶寶B比較好動, 又鍾意跳上跳落, 所以佢係向高發展既小朋友, 手手腳腳不是肥嘟嘟, 所以有人就會話佢瘦弱, 不過莎拉想話呢個年代已經唔再興肥嘟嘟呢個指標架啦, 只要佢體重正常, 食量正常(仲要係食唔少嘢)就可以了, 難得佢長高而唔係向橫發展, 不知幾好呀!
食量
今個月陶寶B既口味又轉了, 今期鍾意食飯呀, 所以而家中午及晚餐都會食飯呢, 人仔細細係可以食一大碗飯(連餸), 好感欣幾個月前陶寶B由見到你遞隻匙羹就"耍手拎頭"轉展到今天大啖大啖食, 由之前每次餵飯都好似苦差到現場好享受每次睇住佢食得津津有味既樣呢. 另外今個月仲試個1次陶寶B自己餵自己食晒成碗飯, 不過莎拉當然要座係旁邊幫一幫佢, 因為佢用匙羹"北"飯仲未係好叻, 所以要幫一幫佢"北"飯, 另外仲要防止佢落手食飯, 不過有了呢一次既經驗, 莎拉相信佢好快可以自己食飯架啦. 陶寶B係食方面仲有個Favor, 就係鐘意食爽口既食物, 例如係爽既菜, 淋baibai既瓜佢係唔Like既.
活動能力
仲有兩個月就要返健康院再做Evaluation, 莎拉已經打定輸數, 陶寶B會Fail, 因為體能, 動作方面及社交方面真係一啲問題都沒有, 但係說話方面真係delay了, 好大可能要轉介給專家再evaluate了. 其實自問每日回到家後都有同陶寶B玩, 又會同佢正面講嘢, 等佢可以學習口型, 但係呢位小朋友好似選擇性學習, 復雜既好似"Alligator"就學到, 反而"媽媽", "包包"就教極都唔識, 真係有啲沮喪!!!
另外去街時想佢自己落地行, 佢就要抱抱, 如果你拖住佢, 佢就放軟手腳, 等你拖都拖唔到佢要你就範, 真係好激氣呢, 呢啲仲唔係trouble two!!!
影相時會識得對住個鏡頭擺pose, 所謂既pose係打側晒個頭嚟影相, 好好笑, 而佢知你影相, 佢就會要立即睇翻張相, 跟住就自己笑得好滿意 (自戀狂^o^)
作息時間
而家大多數都會係10pm就瞓覺, 8-8:30am就起身, 而午睡就會係2pm開始, 瞓到4:30-5pm, 此schedule都算唔錯, 不過晚間上床時就一定要莎拉陪瞓覺, 謝菲嗲嗲陪瞓覺係唔得, 一定扭計, 試過有一晚莎拉約了朋友girls night, 10pm嗲嗲攪唔掂陶寶B, 莎拉唯有早早離場回家呀, 自從呢次事件之後, 莎拉都試過Train吓俾機會嗲嗲陪陶寶B瞓覺, 但係都係失敗呢, 希望遲啲會有所改善啦. 健康
感恩陶寶B一切正常呀, 陶寶B叻叻, Keep going!!!
No comments:
Post a Comment