花灑事件

陶寶B一直都對沖涼花灑係極度害怕, 上次係華欣短短4日行程, 每次同陶寶B用花灑沖涼, 佢大喊到成層酒店都聽到, 之後返到香港, 陶寶B足足驚了沖涼成個星期呀, 聽到沖涼兩個字就已經喊咗先, 之後用了足足2星期先慢慢忘記了"花灑事件". 

但係每當一聽到花灑發出既聲音, 佢都會驚到掉頭走. 不過因為嚟緊又會同陶寶B出Trip啦, 為咗令陶寶B唔會再驚用花灑沖涼, 所以近來就開始訓練佢同個花灑玩遊戲. 莎拉叫"花灑"做"嘩啦嘩啦"(其實都唔知點解會咁叫). 首先第一步係要先令佢唔驚花灑開著時既聲音,  方法就係當大人用花灑沖涼時, 就會叫埋陶寶B一齊玩, 等佢接觸吓花灑噴出嚟既水原來係好好玩, 一啲都唔駛驚, 所以每次同佢講"嘩啦嘩啦", 陶寶B就知道係可以玩水啦. 之後終於用了一星期時間令到陶寶B習慣花灑既聲音. 

第二步就要令陶寶B可以沖涼時與花灑共處, 暫時進度還可以, 不過始終都仲未可以直接用花灑噴身沖涼. 時間緊迫, 希望可以係出trip之前令到陶寶B可以企係浴缸就咁用花灑沖涼啦, 如果出發前都未攪掂, 到時洗白白就會變成一個艱辛既任務了.