24th成長之路

身高及體重 

因為上個月去了睇醫生, 所以就知道原來陶寶B已經12.7kg(28磅), 呢個月同陶寶B出街都已經沒有用i-angel了, 因為真係好吃力呢. 所以今個月最大成功就係出街時, 佢已經會乖乖自己行(除了好眼瞓時就要抱抱), 所以現在出街時少了一樣嘢帶出外, 又向出街方便邁進一大步了. 

食量

今個月陶寶B成功可以一齊同大人同檯食飯了, 因為之前機本上都係先餵陶寶B食飯, 之後到大人返整屋企後才到大人開餐, 所以基本上係分開食呢. 但係莎拉發現每次同陶寶B出街食飯時, 佢同大人一齊食時反而食得更加開心又食得多, 所以今個月就慢慢轉為一齊食. 如果食麵類, 陶寶B會好叻叻自己食晒, 唔駛人餵, 因為佢用叉既技巧比較好; 而如果食飯類, 就麻煩啲, 畢飯既技巧唔多叻, 食到一半就會無耐性, 所以後期既半碗就可能要餵埋佢. 不過莎拉都已經好感恩了, 因為起碼唔駛追住佢餵飯或用ipad送飯. 食物喜好放面, 都起碼沒有偏食, 不過蔬菜類, 就好鐘意食菜芯芥蘭, 瓜類及其他菜例如莧菜, 菠菜就唔多like, 呢一方面真係要慢慢訓練改變先得. 至於魚及肉都鍾意食, 叫做都好平均. 

活動能力

今期教識佢"kiss kiss", 陶寶B就會咀咀媽媽, 真係好Sweet呢! 問"where is your head, toes, tongue, finger 時可以清楚指出, 不過面上既五官就好多時會指錯. 上了3次言語治療後, 流口水情況有回顯改善, 以前全天都要用口水肩, 而家有時只係晚上才需要用. 而說話方面, 雖然莎拉能聽得明既字仲係好少, 但陶寶B所發出的音名句子明顯地多了好多, 有部份音仲係之前未聽過的. 試過同佢repeat地講"I love you", 佢好努力咁嘗試copy講, 仲要係repeat地講幾次, 雖然發既音原全不準, 但明顯地佢係想模仿說話. 另外係言語治療時教識佢"吹"呢個動作, 而家仲會吹笛來練習改善言語問題. 

作息時間

平時陶寶B晚上約9點半就會飲奶瞓覺, 但今個月開始愈來愈夜瞓, 成10點都仲好似好精神, 不過就算佢好似無咩睡意, 莎拉都會同佢入房瞓, 因為小朋友夜瞓始終都唔好. 或者午睡既時間可能需要減少, 咁樣夜晚就可以早啲睡覺了. 

健康

月初試過無啦啦無燒2天, 去了睇醫生, 但因為沒有任何其他病徵, 所以都唔知係咩問題. 不過病果幾天就好似唔想食嘢, 連佢平時最鐘意食既餅餅都唔食, 面仔又好似腫腫地, 所以莎拉懷疑可能係出大臼齒, 不過但係又唔見隻牙仔, 所以都唔知係咩事, 不過唔緊要啦, 而家都沒有事了, 就當係小病是福啦.