4日3夜Crazy Family華欣自由行- Day 3(下)

當莎拉同媽咪正正上緊thai cooking class時, 而另一邊箱既細妹及妹夫就去了Hua Hin Vineyard,

他們join了個3 courses menu+wine tasting+酒莊tour(包華欣市shuttle)既package, 雖然莎拉沒有份去, 但都同大家share吓啲相啦.

酒莊既餐廳位於山上, 係餐廳望出去就係一望無際既葡萄林

休息一陣之後就會座酒莊內既車去遊覽葡萄林.

遊覽完畢之後就開始wine tasting加用餐啦

細妹comment: 啲red wine及white wine唔掂, 係個sparkling wine可以, 不過嘢食好味, 整體嚟講都不失為一個好節目(如果你從來未去過酒莊).

好啦, 另一邊箱既莎拉上完個Thai cooking class, 前前後後食咗3度菜, 真係食到好飽呀, 所以要行吓散吓步先得呀, 會合番陶寶B及謝菲後, 我地就沿住酒店對住海邊條馬路行.

呢度影相望就以為有沙既一定係沙灘啦, 不過錯啦, 呢度係不能游水的, 因為與海有一定既高度架. 

沿路一直行, 原來酒店隔離就係Sheraton Resort, 不過佢起晒圍牆, 所以都望唔到埋面酒店既情況呢. 路邊除了有好多椰子樹之前, 就見到有好多雞蛋花, 莎拉真係好鍾意呢隻花(鍾意到有個雞蛋花既頭飾). 

再行遠少少就見到有一個小攤檔, 原來係taxi service,

我地就無諗住幫襯啦, 不過就借個位嚟影吓相至真.

陶寶B有得玩, 就幾時都會咁開心, 唔好諗住佢細個唔知呢幾日去了旅行, 其實由佢呢幾日既心情及行徑就知道陶寶B係知道呢幾日係去了旅行呢.

再行落去, 就由粗少鋪成的路改為石屎路徑, 呢條路其實好直好靚, 沿途有唔少外國人係度緩步跑或踩單車呀(Evason酒店有單車出租架).

再行大約20分鐘就見到真正既沙灘啦, 游水既人就無啦, 不過就見到有人玩kite-surfing, 因此原來呢度有間kite-surfing school, 如果早幾年嚟, 或者莎拉都想試一試呀. 望到海灘既沙, 一睇都知好幼滑呀, 所以要同陶寶B嚟個海灘慢步浪漫一吓先.

啲沙真係好幼滑呀, 香港無一個沙灘可以比呀, 呢位小朋友1歲時帶過佢去沙灘玩, 當時都唔驚, 不過今日21個月了, 大個仔居然會驚, 見到啲海水沖上嚟時, 陶寶B想走呀!

仲諗住同呢位小情人懶浪漫咁行沙灘添, 激C呀! 行完沙灘都差不多6pm了, 椰子樹加上咸蛋黃一樣既日落真係好靚呀.

回到酒店後就休息一陣, 等細妹佢地回來之後就一齊去食晚飯呀. 今晚既dinner再度選擇我們下午lunch既餐廳"The Restaurant", 不過今次就座樓上的一層, 望住晚上開了燈的泳池, 又有另一番感覺呀.

晚餐叫了6個菜, 又有泰菜又有西餐, 埋單都係2000baht, 大家一至認同好味又價錢合理呀.

Hua Hin Vineyard

www.huahinhills.com