25th成長之路

身高及體重 

莎拉成日都想買張量度高度既chart放在家中, 咁就可以方便陶寶B既長高情況, 不過衰在莎拉及謝菲都唔鐘意求求其其買啲卡通度高Chart, 所以一直都未搵到合適既, 睇嚟莎拉要加快搵啦, 因為陶寶B既長高速度係唔會等我們的呢, 希望而家才買唔會太遲啦. 

食量

今期陶寶B學識飲湯, 佢暫時既至愛就係"冬瓜瑤柱湯"或"節瓜咸蛋湯", 試過一之過可以飲一大碗呢. "食飯前飲湯"呢樣嘢係廣東人既習慣呢, 陶寶B你都要做到呀, 下一步就係希望陶寶B可以試飲多啲不同種類既湯水呢. 至於午餐及晚餐, 陶寶B大至上都可以自己完成, 不過當然有時食食吓就會落手, 但係莎拉可以理解, 因為有時佢用餐具放食物入口時, 有時放唔正就會用幫一幫, 但係如果陶寶B連餐具都不用就落手的話, 莎拉就會即時制止. 另外陶寶B真係好鐘意食"粉麵"類, 有時見到碟餸係有粉絲的話, 陶寶B就會指住碟餸話"呢個", 不過怕小朋友食粉絲會難消化呢, 所以現在係屋企都盡量唔煮粉絲了. 

活動能力 

今個月說話上的學習好似慢了, 沒有什麼進步, 極其量就係聽見佢講"媽媽", 不過真係好少主動講呢, 好多時陶寶B都係一輛咀說佢的外星話呢, 三翻四次已慢慢地對住佢說話, 但陶寶B就好似不鐘意"跟人口水尾", 佢就係不鐘意學, 有時真係好氣餒. 究竟大家常常說小朋友"叮"一聲後就會不斷說話既呢個"叮"一聲幾時來臨呢?! 前一排莎拉買了個玩具廚房給陶寶B, 呢個就成為陶寶B近期大愛, 每日回到家中就一定要起碼玩一次呢, 仲要每次玩既時候都好專心, 好有大廚既風範. 作息時間 

呢一排陶寶B到了清晨時都會醒, 跟住就要上大人張床一齊瞓, 可能因為個天好光, 令到佢容易咋醒呢, 睇嚟莎拉都要諗諗在房中加遮光布先可以啦. 

健康

感恩今個月一齊正常, keep going!!!