對正下藥-言語治療

其實如果有一直睇開呢個blog, 又有睇過陶寶B每個月既成長發展, 都可能估到咩原因. 

因為陶寶B都已經到了接近2歲, 但係陶寶B能夠講既字真係10隻手指數得晒, 再加上好大部份都係隻中"D"音既字, 所有合口發音既字一隻都未講過. 

雖然好多人都話男仔係遲啲說話, 但係因為除了說話進度遲之外, 陶寶B成日都係打開個口, 引起流口水問題, 因為以佢呢個年齡, 其實係唔應該會流口水架啦. 因此綜合上述3個原因, 莎拉直覺佢說話問題同流口水有關, 所以就去了見言語治療師做一次評估, 因為莎拉最怕係自閉或亞氏保加症的話(其實莎拉都唔覺得陶寶B會係), 都可以早啲治療. 雖然2歲時會回健康院再作評估, 但係大家都知政府資源有限, 相信排隊起碼要一年半載, 影響治療黃金期, 所以都係自己早少少去睇一睇先, 起碼安心一些. 

言語治療師透過遊戲, 觀察及向家長了解小朋友既生活習慣而作出評估, 整個評估約45分-60分鐘, 治療師好nice, 陶寶B warm up了一陣就同治療師玩得好開心. 得出既評估首先絕對不用擔心, 陶寶B沒有自閉或亞氏保加症既徵狀, 佢既認知能力及學習意識好正常, 而引起流口水既原因係佢上下顎肌肉好弱, 所以好多時都唔會合埋個口, 隔接影響到佢不發合口音既仔. 

另外就係佢口腔內既肌肉好敏感, 唔鐘意人掂(例如刷牙), 所以或者會引起佢發音時掂到部份口腔內既肌肉而唔舒服, 所以就避免唔講部份既字. 得出初步既評估後, 治療師就教了莎拉一些遊戲及訓練, 回家後多多練習, 再過兩星期再作跟進. 希望今次既評估及治療是正確的, 而莎拉都明白治療不是一兩星期就可以全面改善, 相信都要一段時間先可以追回佢Delay了的語言問題, 不過唔緊要, 最緊要係方向正確, 莎拉同陶寶B會加油!!!!