第三場面試

2013/12/14 

又嚟面試啦, 今早呢個面試係早上9:30, 所以食飽奶奶就出發去啦. 今次去既都係保護兒童協會附屬幼兒園, 所以佢收生既數目都係好少, 因此都係果句"參與吓玩吓當熱身".  去到reception報到後, 老師就直接帶去課室interview啦(今次咁快既?! 熱身warm up都唔使), 可能因為早呀, 所以可能唔使等就可以interview! 老師沒有特別問一啲特設問題, 主要都係俾啲玩具俾陶寶b玩睇吓佢既表現. 咁陶寶b玩過咩呢?! 

首先第一件玩具就係玩車仔, 陶寶b好叻仔咁將啲人仔一個個放入車內, 可能因為家中都有一架差不多既玩具車, 所以陶寶b好熟練咁玩. 之後就玩切生果玩具, 雖然家中都有類似玩具, 不過陶寶B未係好識模仿切生果呢個動作, 不過老師俾隻水杯玩具佢時, 老師問佢點玩, 陶寶B就想用隻杯仔嚟扮飲水. 最後就係木板Puzzle, 陶寶B唔識配對, 不過佢就會好有系統咁將一塊塊既puzzle攞出嚟放埋一邊, 之後又放番去另一邊. 整個面試既氣氛好輕鬆, 而陶寶B都好個人發揮(即係玩玩吓玩具就左望右望四圍望), 老師嘗試叫陶寶B將手上既物件交給莎拉, 結果當然係無理會都呢個指令呢. 雖然未知今次面試結果如何, 但係莎拉覺得陶寶B既表現一次比一次好, 雖然唔係啲咩大進步, 但係在莎拉心中見到每一少步既改進已經好恩為架啦. 

後記: 今次既面試結果係FAIL, 不過其實心裡都有數, 唔緊要啦, 當玩吓呢