神奇的巧虎

一直都係媽媽界聽聞過巧虎呢個名字, 上年莎拉仲係十五十六考慮好唔好訂閱, 今年陶寶B進入Trouble 2既階段了, 管教上開始出現問題了, 所以聽聞好多媽媽都對巧虎讚不絕口, 所以今年就去了書展訂了一年巧虎. 雖然價錢上莎拉覺得唔平, 但係如果可以係學習自理及行為上有正面影響都絕對值得, 加上佢每一期除了有書之外, 又有dvb及玩具, 所以都算唔錯.

9月份終於都收到第一期既幼幼版既巧虎, 第一次介紹巧虎俾陶寶B認識, 晚上瞓覺仲主動攬住巧虎公仔kiss kiss good night, 好sweet! 

又有一晚試開了巧虎隻DVD同陶寶B一齊睇, 佢睇到不知幾咁開心, 當睇完一次後無得再睇時, 陶寶B喊到收唔到聲不知幾淒涼, 所以而家每次睇DVD都要同佢傾掂數先得. 

今期隨書附送既玩具係"整多士", 陶寶B一玩就愛上了, 連續玩了幾晚呀.

另外平時陶寶B就最唔鐘意刷牙, 所以莎拉就用了巧虎做傍樣, 陶寶B立即跟住巧虎嚟做, 巧虎教一次好過莎拉教十次呀, 巧虎真係好神奇呀! 希望陶寶B可以係巧虎度學到更加多啦.