莎拉曾經係Montreal呢個城市生活多年, 對呢一度有好多既親切感, 人生中最無憂無慮, 最開心既中學生活就係呢度渡過, 莎拉既所有好朋友大部份都係在中學時候讀法文中學時認識, 個段日子真係人生中最開心既時光之一. 剛好學校仲係放暑假中還未開學, 帶陶寶B回來行個圈懷念吓, 唔知陶寶B將來有無機會讀埋同一間中學呢?!
自從大學畢業之後, 其本上大份既同學都己經散落在不同既地方工作及生活, 仲留守在Montreal既真係已經很少了, 所以今次回來一定要同朋友嚟個gathering. 相約既兩位朋友仔, 大家都已經成為媽媽, 所以gathering既活動都係早上食brunch比較合適小朋友們.
2位朋友都已經成為2個小朋友的媽媽了, 其實莎拉有時真係好羡慕, 感性上好想生多一個小朋友可以同陶寶B一起成長, 但係理性上唔可以, 在香港生活能力有限, 無論是經濟及EQ上都知道不可行, 所以只可以繼續羡慕好了. 5位小朋友, 由4個月到4歲, 排好企定定嚟張合照啦, Say Cheese!!!!
同朋友其中一個話題就係香港與加拿大的幼兒教育分別, 因為其中一位朋友打算過兩年回流返香港, 到時小朋友應該會讀幼稚園K3. 不說不知, 基本上加拿大係沒有幼稚園, 取而代知既係Daycare, 而daycare都有分政府資作或者係私營(每個省份可能會有所不同), 政府資作既daycare因為好平, 所以當然多人想入, 而家長只需要入紙排隊就可以, 可能排約一年就會有位, 與香港不同的係小朋友絕對不需要面試, 所以當朋友聽到過去莎拉與陶寶B一歲時就要開始去interview時, 佢地都會好驚訝, 因為小朋友2歲都未夠, 如何去回試呢?!
朋友既女兒現在大約4歲, 但係Daycare都仲未識得晒A-Z及寫字, 與香港既幼稚園程度嚟講, 絕對係behind schedule, 所以要有心理準備如果小朋友要回流香港讀k3到時真係會好辛苦了. 香港既幼稚園相對好多地方真係課程好深, 小朋友又辛苦家長又辛苦, 真係不禁嘆氣"何苦呢!!!!" 短短既gathering時光真係過得特別快, 又係時候講bye bye, Let's hug hug and say good bye!
睇你的加拿大遊記好開心呢.
ReplyDelete我諗無乜邊個國家的教育制度好似香港的咁 " 特別" 英國都只是有某部份私立幼稚園要 interview... 而 interview 是小朋友是三歲多, 已經有很多人覺得不可思議... 香港要 in 一歲多的小朋友, 真是辛苦了小朋友呢.