3人世界親子澳門遊 (下)

第三站 – 最短之最松山纜車

地點: 二龍喉公園

費用: $8 (2大1小來回票價)

全球最短既纜車就係澳門呢個松山纜車啦, 佢位處於二龍喉公園內, 所以小朋友嚟度可以係坐纜車前係公園內玩吓放吓電先都可以. 

如果係香港要坐纜車, 一係就昂平360或海洋公園, 一家3口起碼都要幾百蚊或以上, 而呢個松山纜車一家3口來回都係$8.

雖然短就真係好短(1分鍾倒就到), 不過俾小朋友坐吓纜車都將開心架. 

上到松山公園山頂, 就可以沿住公園行去東望洋燈塔影吓靚相. 

平時都見唔少人嚟澳門影婚紗相會嚟呢度影, 今次都係第一次嚟東望洋燈塔又真係幾靚既. 

居高臨下望澳門又係呢一個景色. 提提大家, 呢個纜車只係到晚上6pm, 所以唔好太晏去呀. 

另外係二龍喉公園內係有free wifi, 所以玩完之後仲可以小朋友係公園玩一陣, 而大人就可以好方便search吓有咩巴士去下一站添.

玩完纜車就搭巴士出返去大馬路(二龍喉公園門口右手邊有個巴士站搭車出大馬路), 食埋個晚餐先, 今次又係去返上次食過既葡菜餐廳, 為既就係呢個焗鴨飯. 

食飽飽都要去買支世紀炭燒咖啡及米支連推介既胡椒餅返香港,(呢個胡椒餅我拎返香港用焗爐整翻熱都好好味).

最後點都要食埋個lemon cello檸檬車路, 咁先至完美結束呢2日1夜既結婚5週年澳門之旅.