3人世界親子澳門遊 (上)

2015/12/18

本來一心諗住5週年結婚記念去個二人世界Short trip, 但係自陶寶B出世後每一晚都係同呢位Little dude一齊, 試過想賣甩佢俾婆婆過夜, 但係最終都失敗了, 所以最後都係放棄了二人世界出trip呢個念頭, 改為近近地去個澳門3人世界遊代替.

雖然係3人世界, 但係話晒都係結婚5週年記念, 所以莎拉就一早通知了酒店安排將房屋佈置得浪漫啲俾個驚喜俾老公呢. 

今次住既係氹仔金沙城Holiday Inn, 雖然係4星品牌Holiday Inn但係佢既服務及房間真係拍得住5星級既質素呀, 同上次住既Sheraton真係差不多喔, 不過Holiday inn既價錢就平啲呢. 一入到房屋就見到浪漫既佈置之餘, 酒店仲送了一set好靚既朱古力及greeting card作為結婚週年慶祝, 多謝酒店既安排呀.

一人食過一支朱古力後就開始出發我地呢個澳門3人行啦.

第一站就係去官也街買咗晃記手信先. 全條街好多間手信店, 但就只有呢間係有人龍排隊及不設試食. 

上次6月時嚟澳門時試過晃記後, 今次就已經有晒目標知道要買咩.

之後就行去龍葡環韻, 去了澳門N次今次都係第一次去龍葡環韻呀, 所以都係要望一望地圖睇睇點行.

就係沿著官也街後面呢條小斜路就可以到達龍葡環韻了.

龍葡環韻既綠色屋真係好靚, 平時呢度都好似好多人嚟影婚紗相.

婚紗相就無機會影啦, 全家幅就可以, ^O^

剛好而家係聖誕節, 所以龍葡環韻擺放咗好多聖誕花卉裝飾呢. 

影完相之後都個天都黑整啦, 係時間去食我們既5週年結婚記念日晚飯喔.

莎拉係香港出發前就已經買定Package去食澳門旅遊塔內既皇家葡萄餚餐廳Tromba Rija葡菜buffet.

呢個Package($385)( http://www.cits.com.mo/ticket/meal/)除了包自助餐之外仲包埋上觀光旅遊塔既門票添, 仲有重點係小朋友6歲以下係不用收費食buffet呢. 

Buffet食葡菜都係第一次呀, 每次食葡菜都係得幾個人所以可以試既款式真係唔多, 但係buffet就可以一次過試晒佢. 

咁啱而家係聖誕時份, 所以除了有葡菜之外, 仲有加設咗BBQ呢, 好滿足喔.

唔好以為食自助餐就一定好求其, 餐廳好細心會將佢display得好靚, 同平時係餐廳食個main course既賣相一樣咁精緻呢. 

最後食到尾聲除了有Buffet檯既甜品之外, 侍應仲攞了一盤乾果來, 聽聞呢個係葡菜既傳統.

食飽飽就急急腳上去旅遊塔啦, 今次都係第一次睇澳門既夜景喔, 又真係別有一番感覺呢.

夜晚上到旅遊塔既人真係得小貓兩三隻, 所以點樣影相都得呀.

而家正值臨近聖誕節, 所有在議事亭前地至大三巴有個”澳門光影節”, 所以就以最快既方法(的士)去議事亭前地. 

嘩,,,,好靚呀, 係啲咁浪漫既Moment又點唔可以影番張相呢?! 

莎拉真係好Like呢個光影節, 因為令到平時見慣見熟既歷史建築物好似大翻身一樣, 影相都特別唔同呀. 

陶寶B見到呢度咁靚, 影相都特別開心呀.