平時在定2個大人加陶寶B瞓張雙人床真係好迫, 所以呢一晚酒店瞓張King size bed真係好寬落, 去到9am才自然醒, 好爽呢. 換好衫執好晒行李就去check out啦. 今天不覺意地同陶寶B襯了親子裝了, 記憶中呢次好似係第一次既親子裝喎!!! (莎拉執行李時真係無為意到架^O^)
今天第一個行程就係首先去大三巴做個遊客先, 話晒都係澳門既地標, 點都要來影番張相哦.
今日天朗氣清, 天氣有咁藍得咁藍, 影相真係Very good!
其實今早出發時都未食早餐, 所以就首先食吓餃子豬扒包飲吓豆漿先. 陶寶B非常Enjoy呢個早餐呢, 當然啦有得飲冰凍豆漿.
今日天氣真係好熱, 好彩我們一早出了嚟, 襯人流未係太多時就到達,
可以快快影吓相, 未至於出現人山人海既景況.
其實澳門呢個地方影相真係好靚, 不用什麼技巧都已經可以影到靚相.
聖母堂係另一個莎拉好喜愛既景點, 每次嚟都要係門前影影相才開心.
以前就老公影自己, 而家就影囝囝.
莎拉本來想去九如坊葡菜, 點知原來已經暫停營業了一段時間了, too bad哦, 所以最後就是但選了呢個Ou Mun Cafe葡菜餐廳啦.
我們都係看圖叫菜. 2大1小就叫了個馬介休炒薯絲, 焗鴨飯及葡式炒什菜. 店舖小小的, 不過就座滿了人, 而侍應及廚師都似乎係澳門葡人. 或者係小店啦, 所以上菜都幾慢, 而第一碟菜就係焗鴨飯. 嘩,,,,,唔知係肚餓定係咩原因, 呢個焗鴨飯真係好好好.....味呀!!!!!好味到陶寶B自己去嗶飯呀.
至於個馬介休炒薯絲都好食, 不過因為係用馬介休, 所以空口食有些許偏咸.
至於個葡式炒什菜就係炒椰菜加了葡式肉腸, 都好好味架.
係誤打誤撞既情況下食到呢一餐好味葡國菜, 真係好滿足.
No comments:
Post a Comment