2015/9/2
好似好耐都無寫過餐廳介紹了, 的而且確有了小朋友後, 出街食飯既次數係比以前兩公婆既日子少了的, 無他既因為小朋友出外食飯時既耐性係有限, 所以如果朋友家人既大聚會, 大多都會選擇在家中食飯, 因為會食得比較自在. 不過老公生日就一定要慶祝一下啦, 莎拉一早已經鎖定目標要去Jamie’s Italian食架啦(生日個位都無得揀^o^), 由銅鑼灣開業既第一間都一直未有機會試, 所以當尖沙咀分店開張加上可以online booking就更加方便了.
莎拉book了8pm, 去到就已經立即有位了, 仲要係卡位添, 對於有小朋友既顧客嚟講, 座卡位既安排真係合晒心意喔.
座低後, serve我們呢一檯客人既侍應就首先自我介紹, Jamie’s Italian既安排侍應形式與外國的一樣, 指定的侍應會被安排招呼指定的區域, 而客人所給予的服務小費就會全數給予那一位招呼他們的侍應, 其實呢個方法莎拉好讚同, 因為有時晚飯所給予的10%服務費係一定要俾, 就算服務差都要俾, 加上所俾小費究竟有無真正入到侍應既袋, 做客人既都未必知道, 但係Jamie’s Italian本身是沒有收取小費既, 客人可以自行因應服務如何而決定給予多少小費.
除了有普通既Menu之外, 呢度仲有Kids menu俾小朋友.
另有顏色筆俾小朋友油顏色去kill time呢. 就係陶寶B油緊顏色時, 我們大人就睇吓食咩好.
見到Menu內既菜式真係樣樣都想試, 不過始終得我們三丁友, 所以都係order了一個頭盤(脆炸大蘑菇), 二個主菜(新鮮青口魷魚墨汁意粉及10安士西冷牛扒)及一個kids menu(肉醬意粉).
莎拉就點了一杯Draught beer名叫Young master(本地釀製既啤酒), 中文名改得好正叫”少爺”, 入口有好香既花香及果香, 好啱女仔飲既味道.
好快個頭盤脆炸大蘑菇就到啦, 外脆內軟又juicy, 真係好有驚喜, 估唔到炸portobello可以咁好味道之餘仲要唔油膩, 一人一舊, 食吓食吓就好快食晒啦, 真係食到lam lam脷喔.
說時遲那時快, 3個main course就已經送上啦. 首先就係陶寶B既肉醬意粉, 份量嚟講細食既小朋友絕對足夠, 但對於好愛食麵既陶寶B就唔係太足夠了, Jamie’s
Italian既Pasta全部係手做的, 食起上嚟就係意粉中心有少少硬度有咬口既那種”al dante”, 加埋個肉醬真係好好味道.
而所有既kids menu既菜式都會附上一樽shake me沙律. 陶寶B起勢係咁Shake shake, 好就好玩啦, 不過陶寶B就對樽內既沙律無咩興趣了, 因為樽內既沙律係沒有任何Dressing, 健康就一定有, 不過對於小朋友就未必個個有興趣了.
莎拉就點了個”新鮮青口魷魚墨汁意粉”, 意粉就係黑黑既墨汁意粉, 心中所預計既味道係creamy sauce或tomato sauce既味道, 點知第一啖食嚟去完全不是期待既, 因為個sauce係有少少辣得嚟有好香既銀魚柳(anchovies)味道, 總之就係好好味道呀, 愈食就愈想食,
食完後莎拉仲諗緊點樣可以煮出呢個味道添.
而謝菲既西冷牛扒都好味道, 不過就係沒有什麼驚喜可言.
都話咗陶寶B唔多夠飽啦, 所以就起勢食薯條, 試問世有邊個小朋友唔鍾意薯條呢?!
生日又點可以沒有蠟燭吹呢, 所以甜品就一定唔少得呀, 謝菲就order了個frozen yogurt, 陶寶B一見支蠟燭就自動波唱Happy birthday了, 佢一定又以為係佢自己生日啦.
而莎拉就order了一個Tiramisu, 估唔到個份量咁多呢, 食完就已經好飽了.
陶寶B自己就獨享佢既朱古力Gelato.
食到成面都係, 生鬍鬚既你, 笑C我地.
呢餐晚餐真係好滿足呀, 一家三口食個Birthday dinner就已經好開心了, 祝老公生日快樂, 身體健康!!
No comments:
Post a Comment