近日天氣開始有啲秋意啦, 日間已經無之前咁熱之餘仲有風吹吓, 秋天既腳步愈來愈近啦. 一早已經聽聞啟德郵輪碼頭有城市綠洲之稱, 小朋友可以盡情去跑, 相信係一個放電好地方呀. 我們選擇了在九龍灣轉小巴直接到達啟德郵輪碼頭, 真係10分鐘唔駛話咁快就到啦. 去到第一件事當然係上頂樓既平台公園睇一睇啦. 剛好今日有Royal Caribbean既郵輪泊岸呢, 嘩…好大隻船船呀, Ahoya!!!!!
呢度既草地唔算好大, 但係已經足夠俾小朋友勁跑啦.
郵輪碼頭既餐廳選擇有限, 上咗openrice度睇comment後決定都係選擇郵輪碼頭內既唯一酒樓呢.
酒樓又新又乾淨仲唔使等位, 不過收費就係遊客區既價錢. 之不過味道都可以, 炒粉麵既份量都好大, 夠晒我們一家三口食呀. 食飽就又可以再跑過啦!!!!
公園除咗有草地之外, 仲有個小型荷花池, 池中有一啲小魚仔, 陶寶B非常努力去搵魚仔添.
荷花池內既荷花仲開到好大朵, 好靚呢.
因為郵輪碼頭既設計係長條型, 所以基本上成個公園就好似一條跑道一樣, 有部份仲要有瓦遮頭, 啱晒怕曬既朋友仔.
陶寶B不斷去跑, 跑咗半個鍾就投降啦(莎拉都投降啦), 搞到連個噴水池都無玩到, 唔緊要下次帶埋Scooter嚟玩仲正呀!
No comments:
Post a Comment