K1開學啦-Day 1

2015/8/25 

開學啦, 開學啦, 陶寶B未來20多年既苦學生涯正式開始了. 開學既第一個星期係親子週, 每日只雖上課1小時, 而頭2天就可以家長陪同一齊上堂, 之後既2天就會盡量安排小朋友自行上課, 家長就在大堂等候. 到了第二個星期, 上課時間就會增加至1.5小時, 第三個星期就増加至2小時, 最後到了第四個星期就會去到正常的3小時上課時間.  莎拉覺得學校既安排都好細心, 慢慢地增加上課時間可以等小朋友容易適應.

係開學前幾日, 莎拉就已經開始同陶寶B講好快要返幼稚園啦, 而剛好8月份既巧虎都係講幼稚園, 所以陶寶B呢幾日都不斷地唱緊巧虎首幼稚園開學歌呢, 其實陶寶B都好期待開學架.

早上食過早餐著好校服就精神抖擻出發上學了. 去到學校自己自動自覺行上樓梯入課室, 不會扭計就已經係成功第一步了. 

入到課室就坐好玩玩具, 當老師指示要收拾玩具準備排隊去洗手間時, 陶寶B真係好叻豬去執玩具呢, 不會因為要收玩具而扭計喔. 

之後就排隊去Wee wee及洗手, 呢一Part又係無問題. 

之後就係茶點時間啦, 老師要求小朋友要唱完茶點歌後先可以開始食茶點, 陶寶B一樣無問題. 

小朋友有得食就個個都好開心呀.

食完茶點就放學啦, 呢1小時既親子班時光話咁快就結束啦.

總結第一天K1既表現, 莎拉真係會俾100分陶寶B, 因為莎拉之前都擔心陶寶B會唔會扭計唔習慣呢, 不過睇嚟莎拉既擔心都係多餘既. 其實陶寶B今日既乖乖表現真係要歸咎於過去一年每星期會上三堂既Playgroup呢, 因為呢個playgroup係幼稚園形式, 小朋友係自行上堂既, 而Playgroup模式同今日幼稚園既流程都好相似, 都係會排隊上堂, 又會食茶點及坐定定聽老師講課既. 希望過兩天陶寶B沒有莎拉陪上堂都會開開心心就好了.