嘆茶

2015/8/15

連續好幾個週未都陽光譜照做beach boy, 呢個週末終於都天陰陰落大雨了, 本來約了朋友們大戰石澳都要取消呢, 所以就臨時改為尖沙咀室內活動啦. 原來都有好一陣子無去尖沙咀飲茶行街了,  發覺自由行真係比之前少了好多, 但係商場內既人大部份都係講"煲冬瓜"既人, 反而特顯自己講"廣東話"好似異類咁.

飲茶呢個節目其實陶寶B都好Like架, 問佢想食咩, 佢就一定會答:"我想食燒賣, 腸粉",  所以每次飲茶就一定要有呢兩種點心架. 

陶寶B飲茶既表現都算唔話得架啦, 起碼會乖乖食完點心, 之後又會繼續座定定, 唔會周圍走. 

要佢乖乖坐係位度唔會離開坐位無難度, 全靠一袋小玩具就可以了. 

莎拉出街就一定會帶個玩具法寶袋, 裡面有車仔, 玩具相機, 貼紙書等等, 而呢些玩具只會係出街時才有得玩, 咁就可以保持法寶袋既新鮮感啦. 

另外出街食飯時, 莎拉既規則係不能離開坐位周圍行, 就算係食飽都唔可以 (就算老人家/長輩想帶佢出去行, 莎拉都係咁話),  因為係食店內周圍行真係好危險, 如果今天容許佢落地玩, 到了再大一些習慣性佢就會周圍跑了. 

不過要小朋友坐太耐都知係有難度既, 所以莎拉都好識做的, 所以大人飲茶傾計全程都盡量會在2-2.5小時內完成,  因為要陶寶B座2.5小時已經差不多係佢既極限了.