Day 5 行程: Sanctuary of truth-> Tea Tree Spa -> 懸崖餐廳
其實芭提雅既觀光景點唔係好多, 所以係景點選擇上都唔會好難. 係芭提雅有泰國特色既景點就一定會係Sanctuary of truth (又名木雕之城或真理寺), 係酒店包爽條去大概係180baht, 車程約10分鐘, 其實都好近芭提雅市中心.
其實芭提雅既觀光景點唔係好多, 所以係景點選擇上都唔會好難. 係芭提雅有泰國特色既景點就一定會係Sanctuary of truth (又名木雕之城或真理寺), 係酒店包爽條去大概係180baht, 車程約10分鐘, 其實都好近芭提雅市中心.
木雕之城係一座廟宇全部用木而建成, 而到今日都仲未完成, 因為廟宇係由一位商人出資既, 所以呢個木雕之城都係私人管理既, 因此票價都唔平, 園內有唔同既活動可以參與, 所以價錢都有唔同, 最後莎拉選擇了園內參觀加埋騎大象(好似係600baht). 因為會進入廟宇, 因此不可穿短褲及背心, 所以莎拉都一早準備了.
泰國天氣好所以周圍都有顏色鮮艷既花, 見到啲咁靚既花真係心情都特別好呀.
但係唔知點解會有棵金色既樹呢?! 好土豪金呢,,,,,
由門口售票處行大約8分鐘就見到木雕之城啦. 沿住呢條木梯慢慢行落去就係木雕之城了.
因為寺內既建築有部份仲進行中, 所以進入寺內既遊客都需要戴上安全帽, 但係傻傻既我地係寺出面都戴住來影相呢.
我似唔似Build the Bob呀?! ^o^
雖然出面室外好熱, 但係入到寺入面後就好涼爽了, 全間寺每一分寸都用木去建成, 真係好宏偉
不過宏偉既背後係有代價既, 因為在海邊附近建木寺會有海水既侵蝕風化, 所以維修保護係沒完沒了的.
可能因為呢度係私人管理有入場費, 所以安排旅客既流程係做得非常有系統既, 因為當我地就快行返出去寺廟既時候, 有工作人員已經用對講機開通知騎大象那邊既工作人員準備好了.
莎拉去了泰國咁多次, 今次都係第一次騎大象(莎拉後來才知道原來騎大象既背後, 大象係好可憐的, 所以都唔建議大家去騎大象呢). 婆婆自己坐一隻, 我地一家3口就坐另一隻.
究竟大象咁高點上去呢, 答案就係行上大樹上呢.
騎大象既路線就係環繞木雕之城一周, 雖然下午時份好熱, 但係可能坐係大象上面(都幾高架), 一路行有啲海風迎面而來, 所以都好舒服架.
天氣熱C辣辣, 騎完大象後最正就莫過於飲番杯極度冰凍既果汁啦.
一人一杯樂趣多, 人人飲過笑呵呵.
剛剛騎大象時, 啲工作人員幫我們影相, 真係好識做生意, 轉頭就印埋出嚟仲放埋係相架度, 就係咁就忍唔住買了.
休息咗一陣後就時間剛剛好去睇傳統泰國舞蹈表演. 今次都係莎拉第一次睇.
仲要係咁近距離睇添, 除咗舞蹈仲有泰國武術表演呀.
因為每日得兩場表演, 所以最後check定時間表, 咁就唔會錯過啦. 表演完之後, 就可以同佢地影相, 當然隨心俾啲tips會好啲啦.
睇完玩完就返酒店啦, 園內有taxi服務, 價錢已fix, 所以呢度真係一條龍服務呢.
回到酒店後, 陶寶B就暫時叫婆婆睇住, 因為莎拉同謝菲要”鼠”出去一陣, 做咩?! 嚟泰國就當然要做Spa啦. 嚟芭提雅好多人都會去果幾間出名大品牌既spa(例如Let’s relax”), 不過因為我地係” 鼠”出嚟, 所以spa既位置一定要近, 而最近既spa就係隔離Holiday Inn酒店既Tea Tree spa,
由Mercure酒店行個對面就係, 2分鐘都唔駛呀. 今次book了一個30分鐘既foot massage再加一個90分鐘既body treatment(磨砂加推油按摩). 如果做foot massage可以選擇outdoor或indoor, 莎拉當然要試試outdoor啦, 因為係對住個無敵海景嚟做, 如果黃昏時睇住個日落仲正呀.
雖然係outdoor, 但係一啲都唔覺熱之餘仲有陣陣海風吹嚟添呀.
做完個foot massage後就要轉去indoor做body treatment, 啲師傅既手勢力度都好好呀.
呢90分鐘真係好舒服呢, 埋單之後就有條好refresh既毛巾同一杯lemongrass茶. 泰國既spa每次都係令到我回到香港後最懷念既嘢.
No comments:
Post a Comment