2016/10/15
以前細個時, 每當見到日劇或者日本卡通片內那些日本既秋祭會, 大人細路著住浴衣通街行真係好想試一試, 話個秘密俾大家知, 查實莎拉去了咁多次旅行都未去過日本架, 所以想親身感受真係有難度呢. 但係原來香港都有類似日本秋祭既活動舉行, 剛好過去既Weekend就係PMQ舉辦咗”緣日En X
Nichi”既活動.
莎拉最期待就係著浴衣呢一部份, 可惜莎拉沒有浴衣(雖然有得租但係就唔捨得租呢), 所以陶寶B就代莎拉完成喔, 終於唔使係屋企才著浴衣了.
場內掛滿了和風既燈籠之外, 仲有一些賣日本傳統衣物既攤位呢.
估唔到場內參與既人會咁多, 真係人山海喔. 場內雖然有日本舞蹈及秋祭表演, 可惜我地去到時既時間撞唔啱呢, 不過唔緊要, 食嘢日本美食仲好!
熱C辣辣, 有咩好得過飲支凍冰冰日本果汁酒呢?! 爽呀!
大人就飲果汁酒, 小朋友就當然唔可以漏咗佢個份, 沖繩果汁Ichiban!!!
場內有一些小遊戲俾小朋友玩, 呢個撈金魚都可以叫做經典了.
不過啲金魚就係假既, 撈會發光既金魚都係第一次, 誠惠$40一次!
雖然陶寶Ｂ一放個撈落水就穿咗, 不過唔緊要因為一定會有一條金魚俾返你既, 小朋友一定唔會空手而回.
玩完就要醫肚啦, 場內有唔少日本美食, 串燒炸物拉麵等等.
我地就叫了碗北海渡拉麵俾陶寶B, 佢食得津津有味.
而大人就食吓串燒炸物送啤酒, 加多個炭燒元貝加蒜蓉法國包, 真係好滿足喔.
希望有一天莎拉真係可以一家三口去日本參加真係既秋祭呢.
No comments:
Post a Comment