熱愛玩的莎拉一家當知道今年AIA嘉年華再舉辦後, 簡直係十二萬分開心, 因此年尾既假期又會有個好去處了.
所以AIA嘉年華開幕後短短三星期就已經去咗2次, 因為今年既收費比起往年有所不同,
抵玩咗所以去多次都無咁”金”呢. 今年大門口大大個”CARNIVAL”
LED變色燈大字, 非常Sharp醒, 忍唔住影相呃like.
今年既入場費可以買package 成人$125包10個代幣, 而小童就$90包7個代幣, 另外可以選擇只買入場門票$35 (不包代幣)都可以, 而場內既代幣是$10一個, 所以今年唔會好似往年硬性規定一定要買入場費連代幣, 彈性咗既關係一家三口可以只買入場費進場先, 然後買少少代幣玩吓又可以.
至於機動遊戲其實同往來既差不多一樣, 不過今年既機動遊戲價錢係平了, 比如好似呢個”反斗車王”, 往年要4個代幣, 而今年就只要3個代幣, 所以今年既代幣係”見洗”咗呢, 變相抵玩咗呢. 至於好多既小朋友機動遊戲都係90-120CM就可以玩, 而當然啦有好多都要大人部玩, 名副其實係陪太子玩.
陶寶B一入到去遊樂場就已經記得上年玩過什麼遊戲了, 所以就第一時間衝去玩”反斗車王”, 今年同樣係玩得好開心, 一轉彎飄移仲會舉高手添.
另一個陶寶B指定要玩既就係小童過山車, 陶寶B承繼莎拉鐘意刺激既DNA, 過山車絕對無有怕, 仲一路玩一路笑呢. 見到場內有個新遊戲, 電動車車只需2個代幣就可以玩3個圈, 愛車之人陶寶B又點會錯過呢.
另一車車遊戲就係呢架up down up down追龍車, 今年3個代幣就有得玩, 陶寶B自己揀鐘意既車去玩喔.
今年嘉年華場內食物選擇多了有西式好似熱狗, pizza, burger一定有, 而港式既魚蛋粉果燒賣撈麵一一整備, 至於價錢就一定唔平, 印象中燒賣好似要$25. 今年場內有個新既360度 Motion
picture, 只要排隊登記就可以影, 但莎拉見到有人龍, 所以今次就無影到, 留返下次影啦.
而今年既攤位遊戲有小部份係第一次見的, 不過選擇玩邊個主要都係睇吓係咩公仔至玩啦, 今年見到有芝麻街公仔, 仲要係新遊戲, 又點會唔試吓自己既運氣呢.
其實今年已經係第三年嚟AIA嘉年華, 每次都係陪陶寶B玩, 所以其實啲大人既機動遊戲一個都無玩過呢, 今次終於有伴了, 所以兩個女仔就一齊玩呢個終極千秋, 見到個外型好似好夢幻好似唔多驚, 但實情係有強勁既離心力, 兩個女仔係上面由頭大嗌到尾, 好正呀!!!!
睇嚟難玩既我們這一家嚟緊既農曆假期都會玩多次先得呀!
No comments:
Post a Comment