酒店Checkout後就去了十號胡同食lunch. 十號胡同位於Bukit Bintang站旁邊既Lot10商場basement.
十號胡同既其中一個入口就係Starbuck旁邊, 好易就搵到.
十號胡同其實係蔡瀾搞既, 佢集合咗好多吉隆坡美食既老字號係呢度, 成為一個美食廣場.
講得出既吉隆坡美食呢度都有, 所以如果時間有限又想一次過食到吉隆坡美食, 十號胡同就最好不過.
行了一個圈, 莎拉對呢個辣椒板麵好有興趣.
辣椒板麵原來係乾撈麵, 真係未食過呢.
陶寶B就食檳城蝦麵, 佢一路食仲以為係辣辣麵, 因為顏色好似咖哩, 仲一路食一路話自己好叻, 因為食到辣辣麵添, Hahaha!!!
來到吉隆坡又點可以唔姚肉骨茶呢.
最後謝菲見到有老鼠粉食就叫一個, 可惜唔夠昨天係唐人街食既咁好味呢.
食完就出發去機場趕飛機啦, 真係時間剛剛好呀, 行李仲差啲超重呀!
雖然食了lunch, 但係飛機大餐就一定要食, 今次就食雞肉螺絲粉.
呢位朋友堅係嘆呀!!!
終於都返到香港啦, 呢個3日2夜快閃吉隆坡之旅真係話咁快就完啦, 下之再玩過啦, 應該係再食過之真!!!
No comments:
Post a Comment