暑假都差不多去到尾聲, 不過天氣依然係非常炎熱呀, 襯天氣還未完結就一定要捉緊夏天尾巴呢. 上星期愉景灣就舉行了一個非常夏天既活動, 白沙灣上設置了多個吹氣滑梯免費玩呀. 愉景灣在兩年前都舉行了同樣活動, 不過當年就只有一個吹氣滑梯供成人玩, 當年陶寶B都仲係3歲未係好難玩, 不過今年就唔同啦, 陶寶B一知道有吹氣滑梯玩, 前一晚就勁興奮了, 一早起身就問幾點可以出發, 真係心急到爆呀, 終於出發去搭船啦, 幾時到呀, 點解咁耐都未到架?!
無限瀡滑梯我地嚟緊啦.
去到愉景灣差不多正午了, 太陽真係好關照我地, 今天既陽光真係好猛烈呢, 好彩早嚟到, 所以都仲有樹下位置可以坐.
雖然天氣炎熱, 但都一樣有人玩沙灘排球呢.
今次活動安排仲好過兩年前, 因為照顧了小朋友既想玩既心意, 今年就設置了四條適合身高90-130CM小朋友玩既吹氣瀡滑梯, 而每次就會放十多位小朋友入去任瀡3分鐘呀.
正所謂早起既烏兒有嘢食, 而我地就早嚟既小兒有得玩, 因為時間早既關係, 所以基本上唔係好需要排對, 因此陶寶B玩完又完, 雙脚好似摩打, 行快啲就可以瀡多幾轉呀.
小朋友有小朋友既瀡滑梯, 而大人都有大人既, 場內有兩條供130CM以上玩既吹氣滑梯, 莎拉就一於同朋友去挑戰下啦, 遊行規則一樣係3分鐘任瀡計劃, 最後莎拉就係3分鐘內瀡咗4次呀, hahaha, 成績唔錯呀, 不過滑梯既高度就比較前年既短了, 所以相比無咁剌激.
熱完身玩了幾轉後就終於醒起肚餓了, 天氣雖然熱, 不過都無佐我地沙灘野餐呢個意欲, 又sushi roll, 又麥當當再加西瓜芒果, 真係大滿足呢.
雖然白沙灣係沙灘, 不過水質真係好唔得, 所以今天一啲想落水既意欲都無呀, 都係專心去玩沙玩瀡滑梯啦.
下午3點後, 人明顯多了, 所以排隊都耐咗, 不過小朋友要玩就排吓都無所謂啦, 最後我地玩到6pm, 由今早12pm開始玩, 陶寶B就總共排了7次, 每次3分鐘內可以瀡10次, 粗略估計今日應該瀡了70次滑梯了, 真係癲咗, 玩到夠晒皮了. 提提大家, 如果係愉景灣指家餐廳每人消費滿$120就可以免費搭船返中環架啦, 真係慳好多架.
No comments:
Post a Comment