[吃貨48小時] 快閃慶生親子遊@吉隆坡Day 1 (下)

莎拉係十年前嚟過吉隆坡，印象中就係周圍食食食，而我地呢次gate away 又真係得48小時，所以食會成為我地既娛樂喔！由酒店穿過一個商場唔使5分鐘就到達KL Monorail line 既KL sentral 站.

去售票機購買去bukit bintang 站準備去阿羅街食好貨呢！

KL monorail 係吉隆坡早期既輕軌鐡路，所以車速都好似比較慢. 

Bukit Bintang 站係大站，因為連air Asia 都冠名了呢個站就知道了！

呢個金三角位有好多商場，所以好不熱鬧呢！

唔駛5分鐘就去到阿羅街，嘩...一入去就見到有好多大排擋係兩邊，真係花多眼亂！

呢種點心播似乎好出名，五顏六色既燒賣，莎拉就真係唔多欣賞，不過謝菲好想試，莎拉就係咁阻止佢！

BBQ海鮮, 好吸引呀, 好想食喔.

成條街咁多餐廳，點揀好呢？！莎拉一早就已經決定了食黃亞華，點解？為既就係佢出名既雞翼！由街頭行到街尾終於見到黃亞華既招牌老翻米老鼠啦！

鎮店燒雞翼, 真係遠遠都聞到啦!

好彩我地早少少嚟，7pm等了唔駛10分鐘就有位啦！見到樣樣都想食，點好呢？！

呢度既店員全部都識講中文（廣東話），所以叫菜無難道，慶祝謝菲生日當然要食豪啲食好啲啦，所以今晚就嚟過海鮮大餐！首先就係燒大蝦，胡椒炒蟹，燒魚，黃金魷魚，半打招牌燒雞翼，仲有炒銀針粉！

燒蝦一上檯，陶寶B自己都食咗一隻，因為好香又多肉，等我仲叫得兩隻添！

唔緊要我食蟹！本來唔叫蟹，因為驚食唔晒，但一場嚟到無理由唔食架，見佢係後面張水檯劏蟹好新鮮，忍唔住叫埋，本來想叫一隻，但一隻RM$140,兩隻就RM$220, 咁即係迫人叫兩隻姐，好一於就一人食一隻蟹！

好好味道, 唔好阻住我嘆!

燒雞翼我自細鐘意食，唔係講少真係好好食，雞翼入味得嚟又燒得剛剛好，睇嚟呢個都係我食過最好味既雞翼了！

燒魚就其實都好食，不過今晚太多正嘢啦，所以比下去了！黃金魷魚就即係咸蛋魷魚了，好似香港既好味啲！炒銀針粉好好鑊氣，最鐘意呢度既芽菜又短又肥，所以特別爽口！

大家估吓今晚呢餐生日飯幾錢？！答案就係RM$350唔駛，真係好抵食, 計落唔駛港幣$700！食飽就當然要食甜品啦，呢度好多椰子新鮮雪糕買，同泰國既一樣用椰殼盛雪糕，上面仲加啲椰絲.

食一個都唔夠喉呀.

大家爭住食呀,,,,不如叫多個啦!

呢一樣KL名物就係羅漢果冬瓜龍眼冰, 當然係茨廠街既先至正宗啦, 不過今晚飲住呢個先.

一場嚟到馬來西亞，唔係唔食貓山皇榴槤呀嗎？！

真係周圍都係榴槤, 都係留俾店主幫我地選啦!

不過食到咁飽，一個就食唔落，好彩有啲即開一份份既啱晒我地淺嘗！揀啱邊份，俾錢就坐抵食了，係街邊戴晒手套食都係第一次呢，別有一番風味呢！

今晚食住咁多先, 明早Continue!!!

陶寶b與莎拉媽