"去玩去癲嚟Ocean Park"呢句slogans 絕對係莎拉童年時既回憶，每個小朋友都會希望可以去海洋公園玩！但係時至今日，有咗迪士尼公園後，海洋公園就已經被莎拉遺忘了，除了每天既哈囉喂時有意慾想去之外，其本上都唔會諗起海洋公園. 不過有小朋友就係另一種安排，上年同陶寶B去過Disneyland 了，今年既農歷假期去邊度好呢？！不如back to the basic去海洋公園啦，於是一家三口就係年三十去海洋公園囉！剛好地鐡開通了海洋公園站，真係話咁快就到了，比起從前要係金鐘轉巴士真係方便好多. 陶寶B未到達就已經好興奮喔，因為新既鐵路係無人騎駛，車頭位置可以睇住地鐵穿過tunnel 真係好得意.
到達時海洋公園剛剛開門，所以門口有好多大陸旅行團，不過因為我地門票已一早買了，所以就可以直行去入口處啦！
咁多年無嚟海洋公園有咩玩都一早唔知道了，所以都係望吓張地圖最好！Hi威威師領，你好呀！
小朋友既天地當然係威威天地啦，可能因為時間還早，所以園內既小朋友唔多，老實講大人就一早上了山去玩刺激既機動遊戲了. 有火車既地方就有陶寶B啦，呢架火車就真係好慢呢，慢到莎拉想落車喔！
玩完架慢版火車，對面就係彈彈屋，陶寶B就一支箭自己走去排隊了！呢個彈彈床分了3條隊，以便分開同年齡既小朋友，因為大細唔同既小朋友一齊玩真係有啲危險，因家大啲既小朋友好多時會玩得好癲！
彈床旁邊就係滑梯設施，陶寶B好鐘意玩，因為夠晒大又有得趴上趴落好開心，連謝菲都要玩埋一份.
後面既小朋友摩天輪一家大細都可以一齊玩，乘機坐上去休息一下都好呀！
之後就玩埋個城堡，其實莎拉好想趴上去玩，可惜大人真係行唔到入去呢！
唯有係下面影佢點玩啦, 陶寶B玩到好得戚呀.
本來叫陶寶B玩吓旁邊既小先科青蛙跳機動遊戲，點知佢話唔玩，乜你都會驚架咩？！自己行去睇人玩水槍.
查實威威天地咁就差不多玩晒了，而山上既機動遊戲陶寶B全部唔玩得，係呢個moment 莎拉有啲後悔嚟咗海洋公園呢！雖然有態貓海獅等等睇，但陶寶B係鐘意玩多過睇呢，希望下半場佢唔投訴就好了. 去海洋公園有種動物一定要睇就係panda啦，不過可惜我們今日同熊貓無緣喔，唯有睇相啦！
沒有真熊貓只有假熊貓, 仲有好多隻添.
新年願望當然係身體健康，掂過look蔗我都需要，唔該謝菲寫多幾樣呢！
山腳既海洋公園都玩得七七八八，不如掂纜車上山喔，莎拉細過時最鐘意就係掂纜車呢個項活動！
上去排隊搭纜車就一定會經過呢條古裝街，呢條街真係好得意，好似拍電視劇既街景呢！
其實莎拉記得以前既海洋公園有條「集古村」，唔知仲有無人記得呢？！
唔該車伕拉快啲呀, 我趕時間呢.
排隊搭纜車既人真係好多，雖然上山既除了纜車仲有列車，但纜車係點都要搭一之先得！
未到山頂陶寶B已經望到啲機動遊戲，sorry呀無一個啱你玩呀.
睇晒成張List都無一個玩得既.
其實莎拉影像中自己都好似無玩過海洋公園既過山車呢, 好想玩呀.
不如我地去睇企鵝啦！啲企鵝好可愛喔，我地一家人全部都係第一次見，太得意了.
陶寶B望住啲機動遊戲有得睇無得玩既心情，莎拉都好明白，唯有請你食雪糕補數啦！
因為剛好係農歷新年所以周圍都擺了啲鼓，等佢地做吓達之鼓人啦！
玩吓玩吓原來都已經lunch time 了， 山頂上面幾間餐廳都好多人，不如就落翻山腳果間熊貓餐廳吧！上山搭纜車落山就搭列車了，因為唔駛等之如，時間都快好多呢！
列車既外形好似一架潛水艇, 都好得意, 行駛時仲會加啲聲效燈光.
樂園內既餐廳貴就一定，所以C9上身既莎拉，之前係旅行社買門票之外仲買了餐飲卷，平啲抵啲！
食飽後又再搭纜車上山喔，今之經過旋轉木馬見唔使排隊就玩吓啦！
不過佢唔可以自己單獨坐木馬就即時扁晒咀，唔緊要啦，下次你再嚟就可以自己坐了！
見到呢架叮叮，交通工具迷又點會錯過扮司機既機會喔！
既然無機動遊戲玩就不如去太平洋海岸睇海獅.
莎拉都好似第一次見咋，不如我地再近距離接觸，點可以？當然就係餵海獅啦！雖然只係餵3條魚，但都足以領我地好開心了！
今日最後既環節又點可以少了海洋戲場呢？
真係細細過就睇佢了，地點設施一啲都無變，但細過見過既剎人鯨就已經唔係度啦！
就係咁今日開開心心由10am玩到6pm, 雖然海洋公園與迪是尼比較，海洋公園唔係莎拉杯茶，不過未嚟過既睇吓動物都係唔錯既選擇呢！
No comments:
Post a Comment