星期六係全日無停個雨, 同埋係有遮都濕身既情況下, 去咗酒店俾埋最後一次deposit 同埋耍攞埋酒店包既invitation card.
喱間就係海景嘉福酒店既外貌同lobby, 每次人哋問我係邊間擺酒, 如果我答酒店既英文名InterContinental Grand Stanford Hote時, 多數都係一個反應:
朋友仔: Oh,,,,我知啦, 新世界中心個邊個間呀嗎!
我: 
我都想, 但我未有咁富貴! 兩間係under同一集團咋!
如果我答酒店既中文名海景嘉福酒店時, 大部份既反應係:
朋友仔: ("r"頭中), 海景嘉福酒店即係邊"樹"呢?!
我: (無奈地
) 係尖東, 日航酒店隔離呀! (如果再唔知, 我就會再答, 係帝苑酒店斜對面)
我真係驚到正日時, 有賓客會去咗新世界中心個邊個間!
除此之外, 另一目的係要look 一 look我特登upgrade 兩晚既seaview suite究竟間房有幾大同間格. 睇完後, 發現間房既客廳同埋睡房的比例係接近1:1. 換然之即係話間睡房相對寬落, 啲姊妹係房扮靚同換衫都無問題. 而客廳個邊就可能人多時會擠擁些少. 唯有到時人多時企啲人入睡房個邊. 而我最鍾意係suite有兩個洗手間, 咁樣對所有人都方便啲! 而個view就當然無問題, 成個維港望晒, 我諗night view更加正, 希望到時book間高層啲, 咁就really good!
除此之外, 我仲特登望多次個banquet room, 好彩去望多次, 原來個stage可以加大4呎, 同埋原加來個screen係個backdrop前面, 我同謝菲仲一直以為個screen係個stage兩旁. 因為個screen係咁, 所以backdrop既decoration就不能夠太過立體, 要就住嚟.
原來仲有唔夠6個月就係大日子, 所以順手攞埋啲請帖, 最哀謝菲上午要返工, 係落大雨既天氣下, 200張帖+信封+酒店地址咭變得更加笨重. 張帖既設計普普通通未算好"娘", 不過不失, 我同謝菲都覺得都可以用, 無謂浪費啦, 用得就用, 橫掂我地都會再印一張invitation post card for下午觀禮, 到時先搞靚佢!
halo~其實我都係考慮緊呢間ga~~我都去睇過, 你book左幾時, 幾多圍ar~~ 佢有冇咩優惠比你ar~~ 我問佢, 佢一仙都唔肯減~~
ReplyDelete[版主回覆06/28/2010 23:20:00]我Book咗2010-12-18, 大約16圍, 應該會用盡個埸. 我book時唔知係咪較為早book, 佢唔憂無客, 所以價錢上及 min charge一啲都無優惠, 只係俾多啲fruit punch, 加大個wedding cake, 同埋每枱免多幾支開瓶費咋~~"r"得唔多~~~
咁你最後book咗邊間?
我仲未book 到~~我心目中最中意個間係美麗華~~但係full左~~跟住睇左好多好多酒店, 靚場冇晒位, 有位個d又唔靚,樓底又矮, 水晶燈都冇1粒, 又貴~~同佢講價佢直頭唔覆我, 宜家得返呢間最ok~~ 但係一仙都唔減, so想睇你r到加d咩low~~搵場好煩, 我已經提早成年幾2年都搵唔到岩心水,心好灰ar~
ReplyDelete[版主回覆06/29/2010 20:49:00]嘩你已經提早成年幾2年搵酒店都俾人Book咗呀, 真係估佢唔到!!!! 唔怪得知啲酒店唔俾啲speical啦, 因為好似唔憂無客!搵埸真係幾煩, 我個時都走訪咗有5,6間酒店, 又要make appointment睇埸, 來來回回都幾厭倦!
唔好灰心, 你一定可以搵到岩心水既埸, 你婚期係幾時呀?!
我出年年尾AR~我同私BF搵左個幾月LA~~你影左婚紗相未AR~你會唔會用酒店送個個婚紗照AR~?
ReplyDelete[版主回覆06/30/2010 23:14:00]如果你無話特定邊一日好日子, 都容易搞啲, 最多見岩心水既埸, 就算有人book咗你心水日子, 你都可以改期!
我影咗婚紗相啦, 我total影咗2輯, 其中一輯就係用酒店送既, 我個時係送現代經典 (blog頂頂個啲就係), 較少酒店送呢一間, package係全部indoor studio, 但送既實在太小, end up都加咗少少錢upgrade. 但酒店現在已經改送羅浮宮!
咁你影咗婚紗相未呀?!
真係好緊張嗰日快啲到啦~~ 船長夫人!!! btw, 酒店無包backdrop的decoration咩???
ReplyDelete[版主回覆07/01/2010 00:47:00]佢無包架, 所謂包都只不過係紅色backdrop+我同船長個名牌咋-->等於無decoration啦!, 所以自己出去搵咗另一間公司做decoration!
我 added 左你啦~ 我之前都有去過呢個場飲喜酒, 我覺得幾好呀!
ReplyDelete[版主回覆07/05/2010 21:34:00]我Book之前都無去過呢間飲喜酒, 不過聽講啲嘢食幾好食!
我果時都有睇呢間, this is my 2nd choice!
ReplyDelete[版主回覆07/05/2010 21:38:00]你book既langham place hotel, 當時我都有考慮架,,但最後都係呢間勝出
建議你問酒店取一取酒店位置及地圖的咭片 (免費的)...然後每將帖放一張入去...包保到時 D 賓客唔會去錯
ReplyDelete[版主回覆07/05/2010 21:31:00]係呀, 所以酒店都俾咗佢地有地圖既咭片呢,,,,,
Hello~
ReplyDelete我係12月26號結婚,遲你一個week. 我都book咗海景嘉福酒店嘅Picasso Room for my wedding party. 本來想book Marco-Polo, 海景嘉福勝出係因為佢冇柱,一眼望晒,咁d guests唔會比野擋住！ 而我d親戚去過呢度飲,都話d食物唔錯!
我都有你嘅情況發生,話比朋友聽係海景嘉福酒店擺酒，佢哋都問係邊! 唯有話係"日航"隔離啦!! 佢地個反應係: "哦!!" 冇計啦!!
Good Luck!
[版主回覆07/16/2010 00:22:00]我之前都有睇過2間Marco Polo酒店, 但結果同你一樣, 有柱唔掂, 所以最後海景嘉福酒店勝出 !
你攪掂晒wedding啲嘢未呀?! 加油呀!!!!
未呀!! 呢兩日寫咗個check list出嚟,原來發覺好多個item都只係開咗個頭 真係要加把勁喇!! 我連帖都未選好,要等9月睇下紅棉道註册處揀到咩時間先順便揀帖!! 咁你呢? 你一定快過我啦,你都攞咗婚紗相,我連一輯都未攞得呀><
ReplyDelete[版主回覆07/16/2010 20:43:00]其實我都係開咗個頭, 而家開始要慢慢逐樣嘢Confirm啦!!! 我之前都諗過係註册處註册, 但因為恐怕揀唔到心水時間, 所以我最後book咗係帝京酒店outdoor venue請律師証婚.
唔使擔心, 逐樣逐樣嘢搞, 好快mission complete!!!你confirm咗註册地點先啦, 呢樣嘢緊要啲!
咁帝京酒店outdoor venue証婚個package貴唔貴呀?
ReplyDelete[版主回覆07/18/2010 00:38:00]帝京酒店空中花園$3800 (2hrs), 大約可容納50人, 可以另外加錢order cocktail 俾賓客. 其實而家好多酒店都有埸地可供証婚, 例如皇家太平洋酒店, 都會海逸酒店都有, 你可以諗諗...
謝謝你哦~
ReplyDelete真係一d都唔平喎, upgrade都要加咁多錢=.="
[版主回覆07/22/2010 20:59:00]係呀,,,都幾貴, 所以要用盡間房呀!!!
hi hi,
ReplyDelete我都係book 左Picasso Room 攪我既wedding party , lunch buffer 呀~ 遲你一日咋 我係dec 19
[版主回覆09/08/2010 22:44:00]Hihi, 12月真係好旺場結婚, 你攪掂晒啲嘢未呀, 仲有3個月, 好似好多嘢都未攪咁,,,,,開始淆底,,,,
我差不多攪掂晒啲嘢架la~~ 未搵到bouquet, 同未攪過大禮 d 野咋~~
ReplyDelete[版主回覆09/09/2010 22:05:00]咁你個progress都好好喎, 我連過大禮日子都未定!!!
大家加油呀!!!!
唔好意思, 我想問下你這家酒店要你比幾多DEPOSIT?? 要不要50%? 佢而家要我比50%..........
ReplyDelete[版主回覆05/03/2011 19:20:00]我果時Booking既時候就先俾minimum charge既30%, 之後係正日前半年就再俾minimum charge既20%呢,,,
係lor~妳都係比30%姐......你知唔知今日我同佢講confirm, 佢要我一次過比50%既deposit, 仲要說是公司政策, 我見我d朋友都係比3-3-4.... 仲要美麗華都ok呀, 人地都係 3-3-4............
ReplyDelete我最生氣的, 是那個sales跟我說, 你唔要, 佢地有另一個客人等住要, 我唔比deposit, 人地下午就可以來pay 50%........你說...... 有無過份了點????
[版主回覆05/03/2011 23:31:00]有無搞錯呀, 話晒都係5星級酒店呀, 咁既服務態度都有架, 你係邊個Sales呀? 我果時booking及後來轉咗sales(Tiffany), 兩個都沒有惡劣態度呢,,,,你婚期係幾時呀? 一次過pay50%真係有啲過份呀,,,
呀, 忘了多謝你的資料~@^_^@
ReplyDelete[版主回覆05/03/2011 23:32:00]唔使客氣,,,希望你可以bargain到30%deposit啦,,,
我個婚期仲要係2012年既12月同而家相距有成18個月有多啦. 我都有同佢講呢點, BUT佢都係說是公司政策WOR... 而家都真係有D火.. 你說, 佢一直都係禁都算, 當我看到你也是剛新婚不夠, 大家都係找到這家酒店, 為什麼會不同. 都算啦.. 下下都同我講有另一個客...
ReplyDelete我應該傾唔到３０％。。佢好企硬。。。。 老實說啦, 預左結婚, 都唔係無$比DEPOSIT, 不過, 好似唔應該禁早比禁多呀嘛.....唉....
***************************************
現在我開始會籌備婚禮的事, HEHE~ 謝謝你的BLOG, 可以給我參考下啊~
我打左去找佢地既MANAGE 傾勒.. 佢轉呀 TIFFIANY 幫我跟WOR... 雖然去投訴唔係禁好. 不過, 看到很多人的意見, 也是說如果而家唔好, 之後幫我跟就仲死... 所以我都怕令到大家唔開心, 轉人好了.. 係呢, 你之前BOOK那個, 是不是M字頭的? 而家幫我FOLLOW的人, 是M字頭的啊~
ReplyDeleteDEPOSIT無咩得傾, 佢說是公司去年有很多人CANCEL, 所以今年要收多D WOR~
[版主回覆05/04/2011 23:27:00]係呀, 幫你跟既sales係好重要, 因為後期仲有好多嘢要佢跟呢.當時Tiffany Chan既title 係assistant director of catering and conferences, 而家仲係唔係呢個title就唔sure啦! 但base on 我自己既經驗, Tiffany跟得幾好, 因為我book既時候果個sales已經沒有做, 而我book場既時候曾經問個可唔可以帶外來既食物(wedding cake), 當時既sales話唔可以, 除非加錢, 但之後轉咗Tiffany後, 我就再問有關wedding cake問題, Tiffany就話可以帶不用額外charge. 而另外, 婚禮前好多前期既細節, Tiffany都跟得好周到.
我都係在婚期前成18個月book, 同你差唔多, 所以咁早收50%既deposit真係好surprise, 不過既然係公司新policy, 咁都沒有辦法!!
係呀... 佢個title 而家都無變. 的確, 佢既態度會同你傾, 唔係一口就拒絕你lor.
ReplyDelete而家佢地幫我傾左明天去簽約時先比30%, 之後今年9月再比20%...算啦, 點樣都唔可以明年先比, 唔想再講了.. 其實有一刻想過轉去 帝苑, 費事再煩.. 那邊的sales, 真係好好架, 咩都會同你傾.. 不過, 可惜個場地唔夠海景..不過... 都唔係差既...
好多謝你呢幾日都同我分享一下@^_^@
[版主回覆05/08/2011 11:06:00]唔使客氣, 希望啲INFO可以幫到你啦!!!
先俾30%都好呀, 因為結婚真係洗好多錢, 有多少少錢在自己手中作周轉都好呀! 其實我諗如果唔係之前個Sales既attitude咁差(好似威脅咁款), 你都唔會咁嬲. 只要佢講"同公司bargain吓", 你都會服啲呀!!
我之前都有睇帝苑, 但老實講, 佢間酒店無論裝修及個場真係唔夠海景好,,,無法啦, 心頭好真係心頭好呢,,,,